8
Isaiah In Fapa A Nei
1 Bawipa in ka hnenah, “Cangannak ah lungpheng tumpi pakhat la awla misenpi theih thei dingin: ‘Zamrang-lon-zamrang-laak,’f Zamrang-lon-zamrang-laak ti cu Maher-shalal-hashbaz an timi a si. tiah ngan aw.
2 Rin tlak minung pahnih, puithiam Uriah le Jeberekhiah fapa Zekhariah cu theihpitu ah sawm hai aw,” tiah i ti.
3 Cui hnuah ka nupi thawn kan it tlang ih fa a vun ih fapa a nei. Cutikah Bawipa in, “A hmin ah ‘Zamrang-lon-zamrang-laak,’ tiah ti aw.
4 Naute in, ‘Nunu, Papa,’ tihman a thiam hlanah Damaskas ih lennak thilri le sumsaw hmuahhmuah le Samaria ih ral lon thilri hmuahhmuah cu Assiria siangpahrang in a la òheh ding a si,” tiah i ti.
Assiria Siangpahrang A Ra Ding
5 Cule Bawipa cu ka hnenah a òongsal ih,
6 “Hi minung pawl in dai teih a luangmi Shiloah Tivag Shiloah Tiva cu Jerusalem khua nisuahnak lamih a ummi cerhti put ihsin a thok mi a si. tidai an hnong ih siangpahrang Rezin le siangpahrang Pekah hmaiah khur rero ih an um ruangah,
7 Bawipa Keimah rori in Assiria siangpahrang le a ralkap pawl cu Judah do dingah ka hruai ding. Zufrates tiva a len ih a kap hmuahhmuah a liam thluh bangin an ra ding.
8 Judah ram sungah tilik bangin an rung dingih liang tiang a ding ih ziang hmuahhmuah an khuh òheh ding,” a ti.
Pathian kan hnenah a um. A thla a pharh ih kan ram cu a hum a si.
9 Maw ramkip le phunkip tla, thinphang in hmunkhat ah tongkhawm aw uh. Ngai uh, lamhlapi ih a ummi pawl tla raldo dingah nan timtuah uh; asinain òih uh. A si, nan timtuah òheh uh; asinain phang uh!
10 Tumtahnak cu nei ko uh. Zianghman hlawhtlinnak nan nei cuang lo ding. Nan duhzat in òong uh; a lak hlir an si ding, ziangahtile Pathian kan hnenah a um a si.
Bawipa In Profet Cu Ralrinnak A Pek
11 Misenpi pawl ih thlun mi lamzin thlun lo dingah Bawipa in a huham nasa zet thawn ralrinnak i pek.
12 “An tumtahmi ah tel ve hlah awla an òih mi kha òih ve hlah aw.
13 Cungnungbik Bawipa Keimah lawng a thianghlim mi ka si kha ciing òha aw. Keimah lawnglawng na òih dingmi cu ka si.Ref 8.12, 13 1 Pit 3:14, 15;
14 Ka thianhlimnak mangbangza a si ruangah keimah cu an bahnak lungto bangtuk ka si. Keimah cu Judah ram le Israel ram ih misenpi le Jerusalem khuasungmi pawl a awktu ding thang bangtuk ka si.
15 Mi tampi an bah ding. An tlu dingih an kiak an kuai òheh ding. Thang in a awk ding,” tiah i ti.Ref 8.14, 15 1 Pit 2:8;
Mithi Thuron Lo Dingih Thupeknak
16 Nannih ka dung i thluntu pawl, Bawipa in ka hnenih a simmi thu pawl a kilkhawitu le a nungtertu ding nan si.
17 Bawipa cu a minung pawl ih hmuh lo dingin a thup aw; asinain kei cun amah ka rinsan ih ka ruahsannak cu amah hnenah ka ret a si.Ref 8.17 Heb 2:13;
18 Hitawk ahhin Bawipa in i pekmi faate pawl thawn kan um. Cungnungbik Bawipa ih tohkham cu Zion Tlang ah a um ih kanmah tla hi Israel mi pawl hnenah khihhmuhnak ah in thlah a si.Ref 8.18 Heb 2:13;
19 Mi tampi in pol le kut òial zohthiam pawl, a phun a tlok rerotu pawl, leeng ding le thuron dingah an lo fial ding. “A nungmi pawl can ai ah a thi mi pawl thusuh ding le mithi thlarau pawl thuron ding cu a òha ko sokhaw,” an lo ti ding.
20 Cuti an ti tikah nannih in, “ Bawipa ih a lo zirhmi hi ngai sawn uh. Pol thu cu ngai hlah uh. An lo simmi cu nan hrangah òhathnemnak zianghman a nei lo ding,” nan ti pei.
Harsatnak Tikcu
21 An rilrawng le an thinheng in an siangpahrang le an Pathian tiangin an cam ding. Van an zoh ding,
22 leilung khal an zoh ding; asinain harnak le thimnak siar lo a dang zianghman an hmu lo ding. Cui òihnungza thimnak sungah cun an lut cuahco a si. Hi harsatnak caan sung ihsin an luatnak ding lamzin a um lo ding.