7
Ahaz Hnenih Thucahmi
1 Uzziah fapa Jotham ih fapa siangpahrang Ahaz in Judah ram a uk lai ah raldonak a suak. Siria siangpahrang Rezin le Israel siangpahrang Pekah, Remaliah fapa, in Jerusalem an do; asinain an la thei lo.Ref 7.1 2 Siang 16:5; 2 San 28:5, 6;
2 Siria ralkap pawl Israel ram an thleng zo ti kha Judah siangpahrang in a theih tikah amah le a minung pawl cu an thin a phang tuk ih thli in thingkung a sem vekin an hnin an òhia ciamco.
3 Cule Bawipa in Isaiah hnenah, “Na fapa Shear Jashubd Shear Jashub tican cu Mi malte an kirsal ding tinak a si. hruai awla siangpahrang Ahaz tong dingah feh uh. Siangpahrang cu tlunta ticawm ihsin tidai a rung luannak tihriat netnak ih hnipuan taktu pawl hnaòuannak lamzin ah nan tong ding.
4 Nan ton tikah amah cu ralring tein, hnangam zet in, thinphang lo le òih lo teih um dingah sim uh. Siangpahrang Rezin le a ralkap pawl le siangpahrang Pekah thinhennak cu òih ding a um nawn lo; a mit zik reromi thingthu pahnih ih meikhu tluk hman a si nawn lo.
5 Siria le Israel mi le an siangpahrang thawn an lo phiar a si.
6 Judah do an tum; Judah mi pawl cu an hnenih òang dingin an hro dingih Tabeel fapa cu siangpahrang canter an tum a si.
7 Sikhalsehla Keimah Bawipa in cutiih cang lo dingin ka than zo.
8 Ziangahtile Siria cu Damaskas khua hnakin a cak sawn cuang lo ih Damaskas cu siangpahrang Rezin hnak khalin a cak sawn cuang fawn lo. Israel ram thu kan sim asile atu ihsin hmailam kum sawm ruk le kum nga sungah Israel cu a kuai òheh dingih ram ramkhat ti tlak hman a um lo ding.
9 Israel ram cu Samaria khua hnakin a cak sawn cuang lo ih Samaria khal cu siangpahrang Pekah hnakin a cak sawn cuang fawn lo.
Nan zumnak a cak lo asile rei nan awh lo ding,” tiah a ti.
Immanuel Khihhmuhnak
10 Bawipa cun Ahaz hnenah a simsal ih,
11 “ Bawipa na Pathian hnen ihsin khihhmuhnak dil aw. A thukbik mithi khua ihsin siseh, a sang bik vancung khalin siseh, dil aw,” tiah a ti.
12 Ahaz in, “Khihhmuhnak ka dil lo ding. Bawipa cu ka hniksak lo ding,” a ti.
13 Cutikah Isaiah in, “Maw siangpahrang David tesinfa pawl, ngai hnik uh. Minung thin nan cemter zo ih a poi zet a si; atu ah Pathian thin nan cemter duh lala maw si?
14 Atu ah Bawipa amah rori in khihmuhhnak a lo pe ding. Nunau no pakhat in fa a vun ih fapa a hring dingih a hmin ah Immanuele 7:14 Immanuel ti cu Hebru òong a si ih Pathian kan hnenah a um tican a si. tiah an sak ding.Ref 7.14 Mat 1:23;
15 A hung upat ih a òha le a sia thleidan a thiam tikah a rawl eimi cu cawhnawi le khuaitizu a si ding.
16 Cui caan a thlen hlanah nan òihzet mi siangpahrang pahnih ih ram cu a òhing reprep ding.
17 “Israel le Judah nan òhen awk hnuah ziangtik hman ih nan ton dah lomi harsatnak cu Bawipa in nangmah le na sungkhat le na miphun parah a thlenter ding, Assiria siangpahrang a thlenter ding a si.
18 “Cui caan a thlen tikah Bawipa in Izipt mi pawl cu Nail tiva hna a hlatnak bik khalin thothe vekin ra zuang dingah le Assiria mi pawl cu an ram in khuai vekih ra zuang dingah kuai in a ko ding.
19 An ra dingih horkuam kip, lungpuk kip, hling le so lak le òilva tlannak ram kip ah an khat ding.
20 Cui caan a thlen tikah Bawipa in Assiria siangpahrang cu nan lu mettu dingah Zufrates tiva ral ihsin a ko dingih nan khahmul, nan lupar sam le nan taksa par hmul hmuahhmuah a met òheh ding.
21 “Cui caan a thlen tikah lothlo pa pakhat in cawla pakhat le me pahnih a neih hmanah,
22 an hnawi a tam zet dingih a haimi a daih òheh ding. A si, ram sungih a tangmi hmuahhmuah in ei dingah cawhnawi le khuaitizu an nei ding.
23 “Cui caan a thlen tikah sabit hmuan òha zet, sabit kuang thawngkhat a ummi, hmuan pakhat ih tangka thawngkhat man cu hling le so in a khat ding.
24 Li le thal thawn minung ramtawihnak hmunah a cang ding. A si, ram pumpuluk cu hling le so in a khat òheh ding.
25 Rawl an rak ciinnak tlangpar pawl cu hlingkung a kho òheh dingih zohman an feh lo ding. Caw le tuu tlannak ram ah a cang ding.