9
A Ra Dingmi Siangpahrang
1 Zebulun miphun le Naftali miphun pawl ram cu ningzak in a rak um zo; asinain hmailam ah hi ram cu ram sunglawi ah a cang ding. Mediterranean ihsin nisuahnak lamah Jordan khatlam ral tiang, cule ramdangmi umnak Galilee tiang ram sunglawi ah a cang òheh ding.Ref 9.1 Mat 4:15;
2 Khawthim lakih a fehmi pawl in
a nasa zetmi tleunak an hmu zo;
Thladem ram ih a ummi pawl parah
tleunak a thleng zo.Ref 9.2 Mat 4:16; Luk 1:79;
3 Maw Bawipa,
lungawinak tumpi na pek hai;
An thin na nuamter zo a si.
Na hnaòuan mi parah
an lung a awi ngaingai;
Mi in rawl an lak caan ih
an lung a awi bangtuk le,
ral lonmi thilri
an zem awk caan bangin.
4 An thilrit phurhnak hnamhri cu
na satcat zo;
An liang parih kawn khal
na khiak òheh zo.
Maw Bawipa,
na minung pawl a hremtu le
a hmuhsuamtu cu na neh zo.
Hlanlaipi ih Midian ralkap
na neh zo vekin.
5 Na minung dotu pawl ih kedam le
thisen hnihmi an hnipuan pawl
hmuahhmuah cu meisa in
ur òheh an si ding.
6 Kan hnenah naute a suak zo;
Kan hrangah fapa pek a si zo;
Amah cu in uktu a si ding.
Amah cu “Mangbangza Remruattu,”
“A cakmi Pathian,”
“Kumkhua ih Pa,”
“Daihnak Siangpahrang,”
tiah kawh a si ding.
7 A siangpahrang uknak le huham cu
a òhangso vivo ding;
A uknak sungah kumkhua in
daihnak a um ding.Ref 9.7 Luk 1:32, 33;
Siangpahrang David ai ah a uk ding;
Dingnak le thuhman thawn
a uk dingih atu le kumkhua in
a uk ding a si.
Cungnungbik Bawipa in
hi hmuahhmuah a tuah ding.
Bawipa In Israel A Hrem Ding
8 Bawipa in Israel uknak le Jakob tesinfa parah thuòhennak a pek zo.
9 Hi thu cu Israel mi hmuahhmuah le Samaria khuapi ih a um hmuahhmuah in an thei ding. Atu ahcun hngal zet le puarthau zet in an um.
10 Annih in, “Tlakrawh inn pawl an cim òheh zo; asinain lungto inn kan saksal ko ding. Theipi kungih tuahmi kaan an tan òheh; asinain sidar thing òha bik in kan saksal pam ding,” an ti.
11 Curuangah Bawipa in an ral pawl cu raltho dingah le anmah do dingah a forh.
12 Nisuahnak lamah Siria le nitlaknak lamah Filistin mi pawl cun Israel dolh òheh dingah an kaa an ang! Cu hmanah Bawipa ih thinhennak cu a reh hrih lo; a kut cu mihrem dingah khai cia in a um lai a si.
13 Israel mi pawl an sual an siir aw hrih lo; Cungnungbik Bawipa in daan a tat nain amah an pan duh cuang lo.
14 Ni, ni khat sungah Bawipa in Israel hotu pawl le misenpi pawl cu a hrem ding; an lu le an mei a sattan ding.
15 Mi upa le upat tlak pawl cu lu an si; thuphan lawnglawng mizirhtu profet pawl cu a mei an si.
16 Himi pawl hruaitu pawl in an hruaisual ih an buai òheh zo.
17 Curuangah Bawipa in an mino pawl cu pakhat hman a luatter lo ding; an nuhmei le nu pa nei lo pawl hnen khalah zangfahnak a nei lo ding; ziangahtile hi minung pawl hi Pathian theilo le miòha lo hlir an si ih, an simmi thu cu thu òha lo hlir a si. Cui hnu hmanah Bawipaih thinhennak cu a dai hrih lo; hrem dingah a kut cu khai cia in a um lai a si.
18 Himi pawl ih òhatlonak cu hling le so a kang òhehtu meisa bangin a alh rero lai a si. Hrampi le tusung thing tiangin a kaangih a khu cu dum zet in van ah a kai.
19 Cungnungbik Bawipa a thin a heng ruangah a thinhennak cu an ram sungah meisa bangin a kaangih minung pawl cu tih mi thing vekah an cang. Zokhal mah hrang hlir ah an nung; unau dontu pakhat hman an um lo.
20 Rawl an hmuh mi pohpoh cu an zon hnawh ih an ei; asinain an rilrawn a reh cuang lo. An sungsuak an faate tiangin an ei!
21 Manasseh mi le Efraim mi an do aw; an pahnih an òangkhawm ih Judah an do. Cui hnu khalah Bawipa ih thinhennak cu a dai hrih lo; hrem dingah a kut cu khai cia in a um lai a si.