6
Pathian In Isaiah A Ko
1 Siangpahrang Uzziah a thih kum ah Bawipa ka hmu. A siangpahrang tohkham parah sunglawi le huham nei zet in a to ih a sunlawinak puan cu Biakinn sung a khat òheh.Ref 6.1 2 Siang 15:7; 2 San 26:2;
2 A kimvel ah meisa alh bangtuk serafim vancungmi an um ih thla paruk ciar an nei. Thla pahnih in an hmai an khuh aw; a dang pahnih in an ruangpi an khuh aw ih a dang pahnih in an zuang.
3 Pakhat le pakhat an ko aw ih:
“Thianghlim, thianghlim, thianghlim!
Cungnungbik Bawi cu a thianghlim!
A sunlawinak cu leilung ah a khat a si,” an ti.Ref 6.3 Thup 4:8.;
4 An aw thawm cu a thang tuk ih Biakinn hram tiangin a hnin òheh. Cule Biakinn cu meikhu in a khat òheh.Ref 6.4 Thup 15:8;
5 Cutikah kei in, “Ka cem a si! Ka ruahsan ding zianghman a um nawn lo. Ka hmur ihsin a suakmi òongkam hmuahhmuah cu a sualmi òongkam a si òheh; misual lakah ka um ih hmurka thianglo lakah ka leeng. Atu ah ka mit rori in siangpahrang, cungnungbik Bawipa ka hmu fawn,” tiah ka ti.
6 Cun serafimc Serafim ti cu vancungmi tampi tinak a si. Vancungmi pakhat cu Seraf ti ding asinain Seraf ti hnakin Serafim pakhat tiah a theih a ol deuh ruangah a si. pakhat cu biakòheng ih meiling kha caiceh in a cep ih cumi kengin ka hnenah a rung zuang.
7 Cui meiling cun ka hmur a run dai ih, “Zoh hnik, na hmur a dai zo; atu ihsin na mawhnak a hlo òheh ih na sualnak cu ngaidam a si zo,” tiah i ti.
8 Cule Bawipa in, “Zoso ka thlah ding? Zosi kan palai a si ding?” a ti ka thei.
Cutikah kei in, “Keimah ka feh ding! I thlah aw!” ka ti.
9 Cule anih in, “Va feh awla hi minung pawl hnenah: ‘Ziangtluk ih nan ngai hmanah nan thei lo ding. Ziangtluk ih nan zoh hmanah nan hmu lo ding,’ ti aw.
10 Hi minung pawl ih thinlung hi molter awla an hna khal setter in an mit tla cawter aw; cuticun hmu hlah hai seh, thei hlah hai seh, theithiam hlah hai seh. An hmuh ih, an thei ih an theihthiam a si ahcun ka lamah an hoikir dingih an dam pang ding,” tiah a ti.Ref 6.10 Mat 13:14, 15; Mar 4:12; Luk 8:10; Joh 12:40; Tirh 28:26, 27;
11 Cutikah kei in, “ Bawipa, cuticun ziangtik tiang so a si ding?” ka ti.
Anih in, “Khuapi pawl siatsuah òheh an si ih an òhing reprep tiang; zozo khalin an inn an tlansan òheh tiang; hi ram hi an òiosan ih a òhin reprep tiang a si ding.
12 Hi minung pawl hi lamhlapi ah ka kuat hai dingih an ram cu ramòhing ah a cang ding.
13 Minung pahra sungah pakhat hi ram sungih a taan hmanah anih khal cu siatsuah cih a si thotho ding; amah cu an hau cia mi sasua kung sumhmui bangtuk a si ding,” a ti.
(Sumhmui cu Pathian ih minung pawl hramthawhnak thar tican a si.)