5
Sabit Hmuan Hla
1 Ngai hnik uh, hla ka losah sak ding,
Ka rualpa le a sabit hmuan hla cu:
Ka rualpa in sabit hmuan a nei,
Leilung òha zet
tlangpar ramòha zet ah,
2 Leilung a ceek ih lungto pawl
a hrilfai òheh,
Sabit kuang òha bik pawl a phun.
Hmuan kilnak ah thlam a sak ih,
Sabit rialnak ah khur a lai.
Cule sabit rah hmin ding a hngak,
Asinan a sabit rah cu
a zate in a thur thluh.Ref 5.2 Mat 21.:33; Mar 12:1; Luk 20:9;
3 Ka rualpa in, “Jerusalem le Judah ih a ummi pawl, ka sabit hmuan le keimah thu hi in ruah sak hnik uh.
4 Ka sabit hmuan hrangah ka tuah lomi ziangso a um. Asinan ziangahso ka ruah vekih sabit rah thaw suak lo in sabit rah thur a suah?
5 Ka sabit hmuan parah hibangtuk in ka tuah ding. A hauhruang ka bauhòheh dingih a kulhnak ka bal òheh ding; ramsa in an duh le ei in palsiat òheh hai seh.
6 Hrampi kho in khat òheh seh. Sabit kuang cu ka thianfai nawn lo dingih a thlawh khal ka thlo nawn lo ding. Hling le so khat òheh seh. Khawdur khal ruah surter hlah aw tiah ka kham ding,” tiah a ti.
7 Israel cu Cungnungbik Bawipa ih
sabit hmuan a si;
Judah mi cu a cinmi sabit kuang
òha zet an si.
Òhatnak an tuah ding tiah a zum;
Asinan mi an that ih
thisen an luanter.
A dikmi an tuah ding tiah a zum;
Asinan an òhatlonak
a tuartu pawl an òap an ai.
An Tuahmi Thilòha lo
8 Nan cem a si! Inn le lo nan neih cia mi tlunah inndang le lodang nan bet vivo. A rei hlanah zohrang hmanah hmun le ram a um nawn lo dingih ram sungah nanmah lawng nan um ding.
9 Cungnungbik Bawipa in, “Hi inn tum pipi le inn mawi zetzet hi a lawng òheh dingih a siat òheh ding.
10 Rawl han ngab Rawl han nga ciinnak hmun cu ekkah panga kau a si ih ekkah pakhat cu pi 200 sau, pi 200 kau hrawng a si. hmuan ih cinmi sabit in sabitti cuai hnih lawng a suah ding. Thlaici han hra tuh mi in rawl han khat lawng a suah ding,” a ti mi ka thei zo.
11 Nan cem a si! Zingpit nan thawh ve tein zu nan in ih zu nan rit ruangah zanlam tlaipi tiang nan meng.
12 Nan puai caan ah òingòang le khuang le phirivau nan tum ih sabit zu thawn nan ciah aw. Asinan Bawipa in ziang a tuah ti nan thei thei lo.
13 Curuangah sal kaih mi ah nan cang ding. Nan hotu pawl rawl lo in an thi dingih mi zaran pawl cu tihal in an thi ding.
14 Mithi khua in a pum a puar zo, a khop zo ti a nei lo; a kaa kau zet in a aang ringring. Jerusalem ih bawi le upa pawl khal an au an khuang ih a hnok celcelmi mizaraan pawl thawn hmunkhat ah a dolh hai a si.
15 Zozo khal an ning a zak dingih mi puarthau pawl hmuahhmuah òhum òheh an si ding.
16 Asinan Cungnungbik Bawipa in a cahnak huham a langter dingih a hman mi a tuah ding, a thianhlimnak cu a minung pawl thu a òhennak parah a langter ding a si.
17 A siat òhehmi khuapi sungah cun tuu pawl in hrampi an ei dingih me pawl in tlimno an ngah ding.
18 Nan cem a si! Nan sualnak ihsin nan luat suak thei nawn lo a si hi!
19 “ Bawipa in ka tuah ding a ti mi cu zamrang in tuah sehla kan zoh hnik pei cu. Israel ih Pathian thianghlim in a saduhthah cu tuahsuak hnik seh; a ruahmi le a tumtahmi pawl cu hmu hnik uh si!” nan ti.
20 Nan cem a si! Thilòha lo cu thilòha nan tiih thilòha cu thilòha lo nan ti. Thimnak cu tleunak ah nan cangter ih tleunak cu thimnak ah nan cangter. A khaa mi cu a thlum ah nan tuah ih a thlum cu a khaa ah nan tuah a si.
21 Nan cem a si! Kan fim, kan fim ngaingai tiah nan ruat aw!
22 Nan cem a si! Zu palang lamah micak pawl! Zu a phunphun rawi lam ahcun ralòha le òih nei lo pawl nan si!
23 Asinan nawhthuh an lo pek ahcun mi mawh khal nan thlah hluahhlo ih mawh nei lo sawn cu a thu nan theih sak lo.
24 Curuangah fangcang kungro le hrampi car cu meisa in a huul ih a kang òheh vekin nan hram pawl an muat dingih nan par mawi pawl an vuai dingih thli in a semhlo òheh ding; ziangahtile Israel ih Pathian thianghlim, Cungnungbik Bawipa ih in zirhmi nan hnong a si.
25 A minung pawl parah Bawipa cu a thin a hengih hrem dingah a kut a khai zo. Tlang pawl an hnin òheh dingih a thi mi pawl ih ruak cu hnawmhne bangin lamzin ah an ril teptep ding. Cui hnu hmanah Bawipa ih thinhennak cu a reh hrih lo dingih hrem dingah a kut a khai hrih ko ding.
26 Bawipa in lamhlapi ih a ummi miphun khat ko dingah theihthiamnak a langter. Vanhram deng ihsin ra dingah hurhuuk in a ko. An ra ngaingai ih zamrangzet in an ra thleng.
27 An lakah a baang mi pakhat hman an um lo; pakhat hman a bah mi an um lo. An it lo, an sing fawn lo. An taikhap pakhat te hman a dor lo ih an kedam hri pakhat te hman a cat lo.
28 An conkiang pawl cu an hriam ngaingai; an li cu sai mai dingih nawp cia an si. An rang tin pawl cu òeklung vekin an hak ih an rangleng ke pawl cu phusing bangin an herh aw.
29 An ralkap pawl cu kiosa in sa an deh ih zohman lon thei lo dingah an tlanpi ih an ai an kio bangin an thawm a ring a si.
30 Cui ni a thlen tikah tifinriat awn vekin Israel tlunah an awn an au ding. Hi ram hi zoh hnik uh. Thimnak le awloksongnak lawng a um. Tleunak cu thimnak in a dolh a si.