40
Ruahsannak Òongkam
1 Kan Pathian in,
“Ka minung pawl hnem uh,
Ka minung pawl hnem hai uh;
2 Jerusalem khua mi pawl tha pe uh.
A reizet an tuar zo ih an sualnak cu
ngaidam a si zo, tiah sim uh.
An sualnak hmuahhmuah ih ruangah
nasa zet in daan ka tat hai a si,” tiah a ti.
3 Aw a thangih,
“ Bawipa hrangah
Hramlak ramòhing ah lamzin tuah uh.
Kan Pathian hrangah nelrawn ah
lamzin sial uh!Ref 40.3 Mat 3:3; Mar 1:3; Joh 1:23;
4 Horkuam hmuahhmuah
silhkhah thluh uhla,
Tlangsang hmuahhmuah bal òheh uh.
Tlang pawl cu hmunrawn ah
an cang dingih,
Leilung bingbo hmuahhmuah
rual tein rem thluh an si ding.
5 Cutikah Bawipa ih huham cu
a lang dingih,
Mi hmuahhmuah in an hmu ding.
Bawipa amah rori in
a kam zo a si,” a ti.Ref 40.3-5 Luk 3:4-6;
6 Aw in, “Au aw!” i ti.
Kei in, “Ziangso ka au ding?”
tiah ka sut.
“Minung cu hrampi bangtuk an si;
Hramlak pangpar hnakin
rei deuh an nung cuang lo.
7 Hrampi cu an vuai ih pangpar cu an ziam,
Bawipa in an parih
thli a hranter tikah cun!
Minung cu hrampi hnakin
an cak deuh cuang lo.
8 A si, hrampi cu an vuai ih
pangpar cu an ziam;
Asinan kan Pathian thu cu
a hmun ringring a si,” a ti.Ref 40.6-8 Jeim 1:10, 11; 1 Pit 1:24, 25;
9 Maw Jerusalem,
tlang parah hung kai awla,
Thuthang Òha cu hung sim aw.
Maw Zion, ring zet in au awla,
Thuthang Òha cu phuang aw.
Simsuak aw, zianghman òih hlah.
Judah ram khuapi pawl hnenah,
‘Nan Pathian a ra lai a si,’
10 Bawipa cu a cahnak huham thawn
miuk dingah a ra lai.
A runsuak mi pawl tla a rak hruai a si.Ref 40.10 Isa 62:11; Thup 22:12;
11 A tuu pawl cu tuukhal bangin
a kilkhawi ding;
Tuufaate pawl cu hmunkhat ah
khawm tahrat in,
A kut in a cawi dingih,
an nu hnenah nuamte in a fehpi ding.
Tahòhim Theih Lomi Israel Ih Pathian
12 Tipithuanthum khi a suumpi in
a tah theitu an um maw?
Van khi a khaap in
a tah theitu teh an um maw?
Zoso leilungtlun ih leivut hi
a bawm sungah a thun òheh thei?
Zoso tlangsang le tlangmual hi
cuai in a khai thei?
13 Hitiin tuah aw tiah
Bawipa a sim theitu zoso a um?
A zirh theitu le ruahnak pe theitu teh
an um maw?Ref 40.13 Rom 11:34; 1 Kor 2:16;
14 Pathian in zoso thu a ron dah?
Zohnen ah so fimnak le theihthiamnak
a hawl dah?
Thiltuahdan teh zotal in an sim dah maw?
15 Bawipa ih hrangah
miphun pawl cu zianghman an si lo;
Tidai forkhat tluk fang an si.
Lamhlatpi ih tikulh pawl tla cu,
leidip fangkhat tluk in an zang a si.
16 Lebanon tupi sungih
ramsa hmuahhmuah cu,
kan Pathian hnenih thawinak
pek dingah a tam tuk lo.
Tupi sungih thingkung hmuahhmuah khal cu
mei-ur thawinak zanthing hrangah
a maltuk a si.
17 Leilungtlun miphun hmuahhmuah cu
A hrangah zianghman an si lo.
18 Pathian cu ziangthawn so
kan òhim thei ding?
Ziang a bang ticu ziangtinso
kan rel thei ding?
19 Kutzungthiam pawl ih tuahmi milem,
Sui sertu pawl ih sui in an khuutmi,
Ngunkheng sungih an tohmi
bangtuk a si lo.Ref 40.18-19 Tirh 17:29;
20 Sui le ngun a neilotu cun
a siat ol lomi zanthing an hril.
Kutzungthiam pakhat a hawl ih
a tlu lo dingmi milem a tuahter.
21 Nan hmu lo maw?
Nan thei dah lo maw?
Reipi ihsin sim cia nan si lo maw?
Leilung ziangtin a thok ticu
nan thei zo lo maw?
22 Leitlun le van lengah
A siangpahrang tohkham parih
a totu in a tuah a si.
A hnuai ih milai pawl cu a mithmuh ah
sihte tia fang an si.
Van khi puan bangin a pharh ih
Minung umnak ah puanthlam bangin
a zaar a si.
23 Amah in uktu cak zetzet cu a thlak ih,
thulolak ah a tuah òheh.
24 Anmah tla cu thingkung note, hram nei lo
a suak pekte bangtuk an si.
Culai ah Bawipa in thli a hranter,
an car òheh ih fangkungro bangin
25 Pathian thianghlim cu
zo thawn so kan tahòhim thei ding?
Amah a bangtu zotal an um maw?
26 Van khi hun zoh hnik uh!
Nan hmuhmi arsi hmuahhmuah khi
zo in so a tuah?
Ralkapbu an ho vekin hi arsi pawl
a hotu cun ziangzat an si, ti a thei ih
an hmin in a ko fingfing a si.
A huham cu a nasa ngaingai ih
Pakhat te hman an hlo dah lo.
27 Maw Israel, ziangahso nan phunzai ih
Bawipa in kan harnak in theih sak lo.
Kan hrangah thil a tawlrel òha lo, tiah nan ti?
28 Nan hmu lo maw?
Nan thei dah lo maw?
Bawipa cu kumkhua ih
a hmun mi Pathian a si.
Leilung hmuahhmuah tuahtu a si.
Anih cu thabaang le thacem in a um dah lo;
A ruahnak cu theih ban ding rual a si lo.
29 A baang mi le thacem mi pawl cu
an tha a caktersal .
30 Mino pawl hman an baang dingih,
Tlangval khal an tha cem in an sawn ding.
31 Sikhalsehla Bawipa a rinsantu cu
An tha a tlungsal ding.
Muvanlai vekin thlapharh in an zam ding.
An tlan khalle an tha a baang lo ding;
An feh rero khalle thacem in
an sawn dah lo ding.