39
Babilon Ihsin Palai An Ra
(2 Siang 20:12-19)
1 Cui caan ah Babilon siangpahrang a simi, Baladan fapa Merodak Baladan in siangpahrang Hezekiah a na ti kha a thei; curuangah ca pakhat le laksawng pakhat a kuat.
2 Hezekiah cun Baladan ih palai pawl cu òha tein a rak zoh ih a lennak hmuahhmuah a hmuh òheh hai. A neihmi a sui le a ngun pawl, rimhmui le zihmui pawl, a ralkap le ralkap thilthuam hmuahhmuah tla a hmuh a si. A thilri retnak inn sungah siseh, a uknak sung hmuahhmuah ah siseh, a neihmi a hmuh lomi pakhat hman a um lo.
3 Cule profet Isaiah cu siangpahrang Hezekiah hnenah a feh ih, “Himi pawl hi khui in so an rat? Na hnenah ziangso an sim?” tiah a sut.
Hezekiah cun, “Ram hla zet, Babilon ram in an ra,” tiah a ti.
4 Isaiah in, “Siangpahrang inn sungah ziangso an hmuh?” tiih a sut tikah Hezekiah in, “Ziang hmuahhmuah an hmu òheh. Thilri retnak inn sungah ka hmuhter lomi thil zianghman a um lo,” tiah a ti.
5 Cutikah Isaiah in, “Cungnungbik Bawipa in,
6 ‘Na inn sungih a um mi hmuahhmuah, tuih sun tiangin na pu le na pa pawl ih an rak khawl mi thilri le hlawnthil pawl cu Babilon ram ih an phurh òhehnak tikcu a ra thleng ding. Zianghman a tanglo ding.
7 Nangmah ih tesinfa pawl rori hman Babilon ah an hruai dingih Babilon siangpahrang inn ih hnaòuantu dingah an til an per ding a si,’ a ti,” tiah a sim.Ref 39.7 Dan 1:1-7; 2 Siang 24:10-16; 2 San 36:10;
8 Cumi cu siangpahrang Hezekiah in a theih tikah a nundam sungah cun daihnak le humhimnak a um ding, ti can ai a si tiah a zum ruangah Hezekiah cun, “ Bawipa hnen ihsin a ra mi thu i simmi cu thuòha a si,” tiah a sawn.