41
Pathian In Israel Thu A Kam
1 Pathian in, “A hlatpi ih um mi ram pawl,
Dai zirziar in um uhla
ka simmi hi ngai hnik uh!
Thurelnak hmunah nan thu cu rak keng uh.
Nan thuhla relnak tikcu nan ngah ding.
Ra uhla zoso a hman ti
2 “Mi hmuahhmuah nehtu cu
zo in so nisuahnak lamin a rak hruai?
A fehnak kipah zo in so nehnak a pek?
Miphun tampi le siangpahrang tampi tlunah
zo in so nehtu a siter?
A nehmi pawl cu leivut si hai sehla
cubangin a ralnam in a sah thlak!
Fangkungro cu thli ih a semhlo bangin
a conkiang in a òhekdarh òheh!
3 An dungin a dawi, himdam zet in a feh vivo!
Leilung hman a dai manlo titlak in a zamrang.
4 Hitiih a ngaihtuahtu cu zoso a si?
Leilungtlun thuanthu ih cang dingin
a tumtu cu zoso a si?
Bawipa keimah cu
a hramthok ah ka rak um zo;
Bawipa Pathian keimah cu
a netnak khalah ka um ding.
5 “Lamhlatpi ram pawl in
ka thiltuami cu an hmu zo;
An òih ngaingai ih an thinphang in an òhia.
Curuangah hmunkhat ah
an tongkhawm aw.
6 Kutzungthiam pawl tla an bawm aw ih,
Pakhat le pakhat tha an pe aw.
7 Lettama in sui sertu hnenah
‘Sui tuah na thiam zet,’ a ti.
Milem ngilzet ih a deengtu in,
Tlawngkhen in a kaikomtu cu a lom.
Mi pakhat in ‘Na erhmi cu aòha a si,’ a ti ih
hngetzet in milem cu an retnak hmunah
8 “Sikhalsehla, nang Israel! Ka siahhlawh,
Nang cu ka lo hrilzo mi na si.
Ka rual Abraham ih tesinfa nan si.Ref 41.8 2 San 20:7; Jeim 2:23;
9 Leilung netnak in ka lo hruai;
Vanhram deng ihsin ka lo ko ih,
‘Nang cu ka siahhlawh na si,’ ka lo ti.
Ka lo hnong lo, ka lo hril sawn a si.
10 Zianghman òih hlah,
Na hnenah ka um a si.
Keimah cu na Pathian ka si,
Zianghman in lo phangter hlah seh.
Ka lo bawm dingih ka lo cakter ding;
Ka lo hum dingih ka lo run ding.
11 “Na parih thinhengtu pawl cu
mual an pho dingih ningzah an tuar ding.
Nangmah a lo dotu cu an thi ding.
12 Cat lo ih a lo dotu pawl cu
leilung ihsin an hloral ta ding.
13 Keimah cu Bawipa na Pathian ka si;
Na tha ka lo cakter ih,
‘Zianghman òih hlah; Ka lo bawm ding,’
14 Bawipa in, “Maw Israel,
Miphun fate le mi òawnòai na si.
Asinan zianghman òih hlah,
Ka lo bawm ding.
Israel ih Pathian Thianghlim
Keimah cu a lo runtu ka si.
15 Nangmah cu fang vuaknak fung,
a thar, a hriammi, ha a neimi bangtuk ah
ka lo tuah ding.
Tlangsang pawl na cil dingih an siat ding;
Tlangmual pawl tla leivut ah
an cangòheh ding.
16 Van ah na khirh hai dingih
Thli in a semhlo ding;
Thlisia in khuazakip ah a òhekdarh ding.
Asinan keimah hi na Pathian ka si ruangah
nang cu na lung a awi ding.
Israel ih Pathian Thianghlim hi
17 “Ka minung pawl
mangbang vansang in an um ih
tihal in an dang a car tikah,
Bawipa keimah in
an thlacamnak cu ka thei ding;
Israel ih Pathian keimah cun
ka dungtun dah lo ding.
18 Tlangcar lak ihsin tiva an put dingih
Phairawn in cerhti fim an luang ding.
Nelrawn cu ticawm in ka khahter dingih
Ramcar cu cerhti luannak ah
ka canter ding.
19 Nelrawn ah sidar zanthing ka khoter ding,
Lawithing, lenhmui le olif thing tla
ka khoter ding.
Lenkolh ah tupi ka umter dingih
cuih tupi ahcun farthing, hualthing le
tufar thing an kho ding.
20 Cumi cu mi in an hmuh tikah
Bawipa keimah ih tuahmi
a si kha an thei ding.
Israel ih Pathian thianghlim in
hi hmuahhmuah cu a cangter a si tikha
an theithiam thlang ding,” tiah a ti.
Bawipa In Khawvang Pawl A Zuam
21 Israel siangpahrang,
Bawipa Pathian in;
“Miphun hmuahhmuah ih khawvang pawl,
Nan thuhla cu rel hnik hmen uh!
Nan thiam tawkin sim hnik uh!
22 Hinah ra uhla thil a cang dingmi
sim cia hnik uh;
Thil a cangzo mi pawl ih tican
in simfiang hnik uh.
Cule hmailam ih thil a cangmi a um tikah
a tican kan theih theinak dingah,
ziangti zawng in so a kim ding,
ti in simfiang hnik uh.
23 Hmailam ih a ra dingmi thuhla in sim uh;
Cuticun khawvang ngaingai nan si
kan thei ding.
Thilòha pahnih khat tal tuah hnik uh.
Asilole thihnak thupoimawh
thlenter hnik uh.
Òihnak le tuksumnak in, in khahter hnik uh.
24 Nanmah siseh, nan thiltuahmi siseh,
thuphan hlir nan si!
Nanmah a lo biatu pawl cu
fihnungza an si fawn.
25 “Nisuahnak lamih a ummi pakhat ka hril zo;
Saklam ihsin do dingah ka hruai ding.
Mi uktu pawl cu ciarbek vekin a pal,
Beel tuahtu ih tlak a pal bangin
a palbeek a si.
26 Hi thil a cang ding, tiah in sim cia theitu
zotal nan um maw?
Nan hman ngai a si hi, kan ti dingah
zotal nan um maw?
Cubangtuk a òongtu zohman nan um lo;
Òong kamkhat hman nan òong lo,
Nan òong a theitu pakhat te hman an um lo.
27 Keimah Bawipa cu
Zion hnenih hi thuthang a phuangtu
hmaisabik ka si.
Jerusalem hnenah palai ka thlah ih,
‘Na minung an ra ding! an rakir ding a si,’
tiah sim dingin ka fial a si.
28 Nan khawvang pawl ka zoh tikah
Pakhat hman in zianghman an òong lo.
Ka thusuhmi a let theitu zohman an um lo.
29 Hi khawvang pawl hi thulolak hlir an si;
An tuah thei mi zianghman a um lo.
An milem pawl hi mi òawnòai le
huham nei lo hlir an si.