38
Siangpahrang Hezekiah Natnak Le Damnak
1 Culai ah siangpahrang Hezekiah cu a na ih a thi zikte. Amoz fapa profet Isaiah in a va veh ih, “ Bawipa in a seherhmi hmuahhmuah tuah òheh in sim òheh seh, a nunglo ding a lo ti. Curuangah thi dingin timlam aw,” tiah a va ti.
2 Cutikah Hezekiah cu phar lamah a her ih thla a cam.
3 Maw Bawipa, ka damsung hmuahhmuah ah nangmah rinsan in le rin tlak zet in ka lo rian zo ih tuah ding i duh sak mi lawnglawng tuahsuak ka tum ringring cu ciing hram aw,” tiah a ti. Cule nasa zet in a òap ciamco.
4 Cule Bawipa in Isaiah hnenah,
5 “Hezekiah hnenah va feh awla ‘ Bawipa keimah, na pu David ih Pathian in na thlacamnak cu ka thei ih na mitthli ka hmu zo. Tuihnu kum hleinga ka lo nunter hrih ding.
6 Nangmah le hi khuapi cu Assiria siangpahrang kut sung ihsin ka lo luatter dingih hi khuapi cu ka hum ringring ding, a ti,’ tiah va sim aw,” a ti.
7 Isaiah in, “ Bawipa in a thukamnak a kimter ding tinak ah hminsinnak a lo pe ding.
8 Siangpahrang Ahaz ih a tuahmi ni tahnak kha sun hnuah Bawipa in a thlaam cu dunglam ah kal hra a kirter ding,” tiah a ti. A ti vekin a thlaam cu dunglam ah kal hra a kirsal a si.
9 A natnak ihsin Hezekiah a damsal tikah lungawi thangòhatnak hla a ngan:
10 Ka san òhat laitak ah,
Mithi khua ka thleng ding a si hi, ka ti.
Tarkun ih nunglo dingah ka ruat aw.
11 Midang a nungmi zokhal,
Minung umnak hi ram ahcun,
Bawipa ka tongsal nawn lo ding,
tiah ka ruat!
12 Ka nunnak cu An balmi thlam bangin,
sahcat a si ih a cem ta.
Thiamtlang ihsin an tan mi puan bangin.
Pathian in ka nunnak a cemter a si hi, ka ti.
13 Kiosa in ka ruh khiak òheh bangin
Zan vaarte nat tuar in ka òap ka ai
Pathian in ka nunnak
a cemter a si hi, ka ti.
14 Ka aw cu a diim zet ih
theih thei a si nawn lo;
Thuro bangin ka awn maimai.
Vancung lam ka thlirnak ah
ka mit an kham òheh;
Maw Bawipa,
hibang harnak sungin i run aw.
15 Ka sim thei mi ziangso a um?
Bawipa ih tuahmi an si òheh si!
Ka thin a na tuk ih ka it thei lo.
16 Maw Bawipa, na hrangah ka nung ding,
Na hrang lawngah nun ka duh.
I damter awla i nungter hram aw.
17 Ka thin natnak cu daihnakah a cang ding;
Ka nunnak cu òihphannak sungin na run.
Ka sualnak hmuahhmuah
i ngaidam òheh.
18 Mithi khua ihsin zohmanin
an lo thangòhat theilo ding;
Mithi pawl in rin tlak na sinak cu
an ring theilo a si.
19 A lo thangòhattu cu minung pawl an si;
Atu ih ka lo thangòhat bangtukin.
Rin tlak na si zia cu pa le pawl in
an faate pawl an sim a si.
20 Maw Bawipa, nangmah in i damter zo;
Òingòang kan tum dingih
Nangmah thangòhatnak hla kan sak ding.
Kan nundam sung hmuahhmuah ah
Nangmah cawimawinak cu
Na Biakinn sungah
kan sa ringring ding.
21 Isaiah in siangpahrang cu, “Theipi rah rialdip awla na khuaihli hma ah ben aw; cule na dam ding,” tiah a ti.
22 Cutikah siangpahrang Hezekiah in, “Biakinn ah ka feh theisal ding, ti langnak ah ziang khihhmuhnak so a um?” tiah a sut.