24
Bawipa In Leilung Pumpi A Hrem Ding
1 Bawipa in leilung a siatsuah òheh dingih a òhing reprep ding. Leilung cu a lingletter dingih minung pawl a òhekdarh òheh ding.
2 Zozo khal sisehla an tonmi a bangran òheh ding; puithiam pawl le senpi pawl, sal pawl le bawi pawl, a leitu le a zuartu pawl, paisa coihtu le cawitu pawl, milian le mifarah pawl an tonmi a bangrep òheh ding.
3 Leilung pumpi cu a khingkuai òheh dingih a siatbal òheh ding. Bawipa in a sim zo ih a sim vekin a cang ding.
4 Leilung cu a car ih a vuai òheh; leilung pumpi cu a derdai; lei le van a siatral òheh.
5 Mi in Pathian daan an buar ih kumkhua hrangih a tuahmi thukamnak cu an siatbal; cuticun leilung an borhhlawhter a si.
6 Cuhrangah leilung cu siat dingah Pathian in a cam. Leilungmi in an sualman an tuar a si. A nungmi an mal deuhdeuh.
7 Sabit kuang pawl an vuai ih sabit a har deuhdeuh. Lungawi sopar teih a rak um òheumi pawl cu riahsiatnak in an khat.
8 Nuam zet ih hla an sak òheunak òingòang le khuang pawl cu an dai zo.
9 Zu an in hmanah nuam zet in hla an sa thei nawn lo; zu ih thawtnak khal an thei nawn lo.
10 Khuapi sungah ziang hmuahhmuah a buai òheh; minung pawl cu luat duh ah inn sungah an kharhkhum aw òheh.
11 Mi pawl cu lamzin ah an ding ih zu duh ah an au. Nomnak zianghman a um nawn lo; nomnak cu ramsung ihsin kumkhua daih in dawihlo a si zo.
12 Khuapi cu a siat òheh ih a kotka pawl cu a bal òheh.
13 Leilungtlun ramkip ah cuticun a si òheh ding. Rawl lak caan a cem ih olif kung ihsin olif rah an vuakthlak òheh ih pakhat hman tanglo ih an lak òheh caan a bang ding.
14 A tangsun pawl cu lungawi in hla an sak ding. Nitlak lamih a ummi pawl in Pathian a nasat zia an phuang dingih,
15 nisuahnak lamih a ummi pawl in an thangòhat ding. Tifinriat kap tluan ih a ummi pawl in Israel ih Pathian Bawipa cu an cawimawi ding.
16 Leilung tlunih a hlabik ram hman in Israel miphun, miphun dik, an thangòhatnak hla cu kan thei ding.
Asinan kei ih hrangah cun beisei ding a um lo. Ka cem deuhdeuh ih ka taksa ruangpi in a daih nawn lo. Mi zuarthlaitu pawl in, in zuarthlai thotho ih in zuarthlainak cu ani, ani in a besia deuhdeuh.
17 Maw leitlun minung pawl, tuksumnak a um, khur thukpi a um ih nan hrangah thang kam cia in a um.
18 Tuksumnak ihsin tlanhlo a tumtu cu khur sungah an tla ding; khur ihsin a tlantu cu thang in a awk ding. Van ihsin ruah nasa zet in a sur dingih leilung hramòonak a hnin òheh ding.
19 Leilungpi cu a khing ding, a kuai dingih a phel aw ding.
20 Leilungpi cu zuri bangin a sawn dingih thlisia lakih deute bangin a tlu ding. Leilungpi hi a sualnak in a delh tuk zo; a tlu dingih a thosal nawn lo ding.
21 Bawipa in tlunlam ih a ummi huham neitu pawl le leilung parih mi uktu pawl a hremnak tikcu caan a ra thleng ding.
22 Bawipa in khur sungih thawngtla bangin siangpahrang pawl a khawm ding. Anmah hremnak tikcu caan a thlen hlan cu thawnginn sungah a khum hai ding.
23 Thlapi a thim ding; ni a tlang lo ding; ziangahtile Cungnungbik Bawipa cu siangpahrang a si ding. Jerusalem khua Zion Tlang ihsin a uk dingih misenpi hotu pawl in a sunlawinak huham an hmu ding.