25
Thangòhatnak Hla
1 Maw Bawipa,
nangmah cu ka Pathian na si;
Ka lo upat dingih na hmin
ka thangòhat ding.
Mangbangza thil pawl na tuah zo;
Kum reipi ihsin na tummi pawl cu
Fel tein na tuah òheh a si.
2 Khuapi pawl cu na siatbal òheh ih,
An kulhnak ralhruang pawl
na siat òheh.
Kan ral pawl ih sakmi
siangpahrang inn pawl cu,
Ziangtik hmanih saksal nawn lo dingin
a siat òheh.
3 Ram cak zetzet sungih minung pawl in,
Nangmah cu an lo thangòhat ding;
Zangfah nei lo ram ih khuapi pawl khalin
Nangmah cu an lo òihzet ding.
4 Mifarah le bawmtu nei lo pawl in
an lo pan ih, harsatnak caan khalah
an him a si.
Thlisia a hrang tikah beunak na pek hai ih,
Nisat tikih colhnak ah daihnem na pek.
Thlatang ih thlisia bangin,
Zangfah nei lomi in an do hai;
5 Ramcar lakih nisen sa bangin;
Sikhalsehla Bawipa nangmah in
kan ral pawl cu na daihter ih;
Khawdur in nisa a daihter bangin,
Zangfah nei lomi ih
au thawm cu na rehter.
Pathian In Rawl Ei Puai A Timlam
6 Hitawk Zion Tlang parah hin Cungnungbik Bawipa in leilungtlun ramkip le miphunkip hrangah rawl ei puai a tuah ding. Cui rawl ei puai ahcun rawl thawbik le sabit thawbik an pe ding.
7 Hi tlangpar ahhin ramtin le miphun tin ih riahsiatnak cu mero bangin a kiangter ding.
8 Cungnungbik Bawipa in thihnak cu kumkhua in a hloralter ding. Mi hmuahhmuah ih mitthli a hnul dingih leilungtlun khuazakip ah a minung pawl ih an tuarmi mualpho ningzahnak cu a lak hlosak ding. Bawipa Amah in a sim zo a si.Ref 25.8 1 Kor 15:54; Thup 7:17; 21:4;
9 Cui ni a thlen tikah zozo khalin, “Amah cu kan Pathian a si! Amah cu kan rinsan zo ih in runsuak zo a si! Amah cu Bawipa a si! A hnenah kan rinsannak cu kan retih lungawi aipuang in kan um; ziangahtile in hum zo a si,” an ti ding.
Pathian In Moab Mi A Hrem Ding
10 Bawipa in Zion Tlang cu a hum ding; asinain fangkuangro dawm ih an palbeek bangin Moab mi pawl cu palbeek an si ding.
11 Tileuh tum bangin an kut cu an hawi ding, asinain Pathian in anmah cu a namthla dingih an kut cu pawk ding nei lo in a pil ding.
12 Bawipa in Moab mi pawl ih sakmi ralhruang, sang zetzet ih an dawlmi phar pawl cu a balcim dingih leivut ah an cang òheh ding.Ref 25.10-12 Isa 15:1-16:14; Jer 48:1-47; Ezk 25:8-11; Amo 2:1-3; Zef 2:8-11;