23
Pathian In Foenisia Khua Pawl A Hrem Ding
1 Òaiar khua hrangih a thlengmi thu:
Tipithuanthum parih khualtlawngmi pawl, riahsia in òap ai-uh! Nan suah nan luhnak khuapi Òaiar cu a siat òheh zo; inn pawl le lawng colhnak tla a siat òheh zo. Saipras ihsin nan lawng pawl an kir tikah cuih thu cu nan thei.
2 Maw Sidon khua ih sumtuahtu pawl, ai-hram uh! Nan minung pawl cu,
3 Izipt ram ih a suakmi rawl lei le zuar tahrat in ram tinkim thawn sumtuah dingah tifinriat parah nan thlah hai.
4 Maw Sidon khuapi, ningzakza na si. Tifinriat le tipithuanthum thuuk pawl in an lo khaak ih, “Faate ka nei dah lo. Fapa le fanu khal ka cawm dah lo,” a ti.
5 Òaiar a siat òheh a si, ti an theih tikah cun Izipt mi pawl hman an mang a bang dingih an riah a sia ding.
6 Maw Foenisia mi pawl, riahsia in òap-ai uh! Spain ram ah tlanhlo tum uh!
7 Khuahlan lai ih an rak din mi, nomnak in a khat mi Òaiar khuapi rak timi cu hihi a si pei maw? Tifinriat khatlam ralah ramdang lak ding le luah dingah tifinriat ral ih mi a thlahtu khuapi cu hihi a si pei maw?
8 Leilungtlun ih upat bikmi sumtuahtu tum zetzet umnak, miuk bawi umnak Òaiar khuapi parah zoso hibangtuk in thu a tawlrel?
9 Cungnungbik Bawipa ih tawlrelmi a si! An hngalnak le an tluangkhawnnak cemter dingah le an upat mi pawl mualphoter dingah Pathian in a tuahmi a si.
10 Maw Spain ram a va luahtu pawl, va feh uhla lo va thlo uh! A lo humtu ding zohman an um nawn lo.
11 Bawipa in a kut cu tifinriat parah a khai ih ram tampi a hlon òheh zo. Foenisia ram ih pursum leilawnnak hmun tum pipi pawl tla siat òheh dingin thu a pek.
12 Maw Sidon khuapi, na lungawinak a cem zo. Na minung pawl cu hremnak an tuarih Saipras ih an tlan khalle an him cuang lo ding.
13 (Òaiar khuapi hramlak ramsa tlannak ih a cangtertu cu Assiria mi an si lo, Babilon mi an si. Raldonak innsang cu Babilon mi pawl in an sak ih Òaiar khuapi kulhnak ralhruang an bal ih khuapi cu an siatsuah òheh a si.)
14 Maw tipithuanthum parih lawng thluntu pawl, riahsia in òap ai uh! Nan rinsan zetmi khuapi cu a siat òheh zo a si.
15 Òaiar khuapi cu siangpahrang san khat sung caan, kum sawm sarih sung an hngilh tikcu caan a ra thleng ding. Cui kum a cem tikah Òaiar khuapi cu hla sungih hlawhhlangnu vek a si ding.
16 Na òingòang la awla,
khua sungah tawivak aw;
Nang, hngilh zo mi hlawhhlang nu!
An lo theihsalnak dingah,
Na òingòang tum awla
na hla saksal aw.
17 Cui kum sawm sarih a cem tikah Bawipa in Òaiar cu a hnaòuan hlun a òuantersal dingih leilungtlun ramkip ah hlawhhlang nu a cangsal ding.
18 Pursum leilawn ihsin a ngahmi paisa cu Bawipa ih hnenah pek a si ding. A paisa cu a khawl ciamco lo ding, asinain Bawipa a betu pawl in a paisa cu rawl leinak le an haimi an hnipuan leinak ah an hmang ding.Ref 23.1-18 Ezk 26.1-28:19; Joe 3:4-8; Amo 1:9, 10; Zek 9:1-4; Mat 11:21, 22; Luk 10:13, 14;