11
Pathian In Ralthotu A Minung A Duhdawt
Bawipa in hitiin a ti:
1 Israel cu a nauhak lai ihsin ka duhdawt;
Ka fapa a si vekin Izipt ram ihsin
ka ko suak.Ref 11.1 Suah 4:22; Mat 2:15;
2 Asinan ka fapa tiih ka ko
deuhdeuh tikah ka hnen ihsin
a hlat sinsin ah a pial.
Ka minung cun Baal hnenah
raithawinak an pek;
Milem hnenah rimhmui an ur.
3 Sikhalsehla Israel feh a zirhtu cu
keimah ka si.
Ka òaang ih a cawitu cu keimah ka si.
Asinan anmah damtertu
ka si kha an thei lo.
4 Duhdawtnak le lainatnak
hri thawn ka hruai;
Ka cawi ih ka biang ah ka neek cih,
Kuun tahrat in rawl ka fah a si.
5 Asinan ka hnenah an kir duh lo;
Curuangah Izipt ram ah an kirsal dingih,
Assiria in a uk hai ding.
6 Ral in an khua an lak òheh
dingih khua kotka pawl
an siatbal òheh ding.
Anmah duhnak lawng an tuah ruangah,
Ka minung pawl siatsuah òheh an si ding.
7 Ka hnen ihsin pial
an tum ringring ruangah,
An parah hngawngkol bun an si ih,
Cungnungbik hnenah
an au rero ding nain
sawngtu zohman an nei lo ding.
8 Maw Efraim, ziangtinso
ka lo thlah thei ding?
Maw Israel, ziangtinso
ka lo dungtun thei ding?
Admah bang cun ziangtinso
ka lo siatsuah thei ding?
Zeboiim vek cun ziangtinso
ka lo tuahsiat thei ding?
Cubangtuk ka lo tuah ding cu
ka ruat thei lo;
A lo duhtu ka thinlung hi
a hlum ih a neem a si.Ref 11.8 Daan 29:23;
9 Ka thinheng in ka lo cawh lo ding,
Israel cu ka siatsuahsal lo ding;
Ziangahtile kei cu minung ka si lo,
Pathian ka si;
Nan hnenih a ummi
Thianghlim bik cu ka si;
Thinheng in ka ra lo ding.
10 An ral pawl lamah kiosa bangin
ka huuk dingih,
Ka minung pawl in, in thlun ding.
Nitlaknak lam in òhia phahphah
in, in pan ding.
11 Izipt ihsin vate bangin zamrang
zet in an ra ding;
Assiria ihsin thuro bangin an rung ding.
An inn ciar ah ka tlunpi ding,
Keimah Bawipa in ka ti.
Israel Le Judah A Mawhthluk
12 Bawipa in hitiin a ti, “Israel mi in an thuphanpernak le an mibumnak in, in kulh theh. Rin tlak le a thianghlimmi Pathian ka si nain Judah mi pawl cun in dodal lai thotho.