12
1 Zingpit ihsin zanlam tiang Israel mi pawl ih an tuahmi cu thil òhahnem lo le siatsuahnak lawnglawng an si. An lakah mi zuarthlainak le thisen suahnak a karh ciamco. Assiria thawn ral remnak an tuah ih Izipt thawn pursum leilawnnak an tuah,” tiah a ti.
2 Bawipa in Judah mi pawl mawhthluk ding a nei; Israel pawl khal an nun zia a òhat lo ruangah a hrem ding. An tuahmi parah phu a lak ding.
3 An pu Jakob cu a u Esau thawn an nu ih pum sungih an um lai ah an sual aw; a hung upat tikah Pathian thawn an buan aw fawn.Ref 12.3 Sem 25:26;
4 Vancungmi thawn an buan aw ih a neh. Jakob cu a òap ih thluasuah a dil. Pathian cu Bethel ah Jakob hnenah a ra ih thu a sim.Ref 12.3, 4 Sem 32:24-26;Ref 12.4 Sem 28:10-22;
5 Amah cu Cungnungbik Bawipa Pathian a si; Bawipa ti cu a hmin a si.
6 Curuangah Jakob ih tesinfa pawl, nan Pathian cu rinsan uhla atu ah amah ih hnenah kir uh. Rin tlak le ding tein nung uhla, nan Pathian hnaòuan ding cu thinfualte in hngak uh.
Thuòhennak Òongkam
7 Bawipa in, “Israel mi pawl cu Kanaan mi pawl vek thotho in an hrokhrawl. An thil leitu pawl kha a dik lo cuai khainak in bum an duh.
8 ‘Kan lian ngah zo, kan nei ngah zo a si. Zohman in thil dik lo in lennak nan ngah tiah in mawhthluk thei lo ding,’ an ti.
9 Sihmansehla kei hi Izipt ram ihsin a lo hruaisuaktu Bawipa nan Pathian ka si. Nelrawn ih nan hnen ka rat lai ah puanthlam sungih nan rak um vek khan ka lo umtersal ding.Ref 12.9 Pui 23:39-43;
10 “Profet pawl hnenah thu ka sim ih langnak tampi ka umter. Profet pawl hmang in ka minung pawl hnenah ralrinnak ka pek.
11 Gilead ah milem an biak ih a betu hmuahhmuah cu an thi ding. Gilgal ah cawcang in rai an thawi; curuangah biakòheng pawl cu hramlak ih lungtopen ah an cang ding,” tiah a ti.
12 Kan pu Jakob cu Aram ram ah a tlan; cutawkah nupi hlawhnak ah tuu a khal.Ref 12.12 Sem 29:1-20;
13 Israel mi pawl Izipt saltannak ihsin suah dingah le kilkhawi dingah Bawipa in profet pakhat a thlah.Ref 12.13 Suah 12:50, 51;
14 Israel mi pawl in Pathian cu nasa zet in a thin an hengter; an sualnak ruangah thi tlak an si. Pathian parih thangsiatnak an thlenter ruangah amah in a hrem ding a si.