10
1 Israel cu a rah tam zet sabit hri vek a si. An paòhat deuhdeuh tikah biakòheng tam deuhdeuh an dawl. An ram in rawl tam deuh a suah tikah an biakmi òhuamthiang pawl cu mawi deuhdeuh in an tuah.
2 An thinlung cu bumnak in a khat ih anmah ih sualnak ruangah an tuar ding. Pathian amah rori in an biakòheng pawl cu a bal dingih an òhuamthiang pawl cu a khiak òheh ding.
3 Rei lo teah hi minung pawl in, “ Bawipa kan òihzah lo ruangah siangpahrang kan nei lo. Asinan siangpahrang cun ziangso in ti sak thei cuang ding?
4 An òong lawnglawng a si ko; thulolak kamawknak le tiamawknak lawnglawng a si. Dingnak cu dinglonak ah a cang ih leileh sungih tur nei hrampi bangin a kho ciamco,” tiah an ti ding.
5 Samaria khuapi sungih a ummi pawl cu an thin a phang dingih Bethel ih an sui cawcang a hloh ruangah an riah a sia ngaingai ding. Anmah le an puithiam pawl cun a cuih caw lem cu an òah ding. A mawinak sui hmuahhmuah an lak òheh tikah an òap an rak ding.Ref 10.5 2 Siang 12:28, 29;
6 Cuih caw lem cu Assiria siangpahrang bawipa hnenah siah ai ah an pek ding. Caw lem biak ding thu a thlun ruangah Israel cu ningzak le mualpho in a um ding.
7 Samaria le a siangpahrang cu tidai parih a phuanmi thingtan fate bangin a fen hlo ding.
8 Israel mi ih biakmi Aven tlangzim ih milem pawl cu siatsuah òheh an si ding. An biakòheng parah hrampi le hlingkung an kho ding. Mipi pawl in tlangsang hnenah, “In thup aw,” an ti dingih tlangte hnen ahcun, “In khuh aw,” tiah an ko ding.Ref 10.8 Luk 23:30; Thup 6:16;
Bawipa In Israel Thu A Òhen
9 Bawipa in, “Israel mi pawl in Gibeah ih an sualnak thok in atu tiangah ka parih sual hi an cawl dah lo. Curuangah ral in Gibeah ah a man ding.Ref 10.9 Thuò 19:1-30;
10 Hi misual phun hi ka do dingih ka hrem ding. Miphun tampi in an bor dingih an sualnak tampi ruangah hremnak an tuar ding.
11 “Israel cu hlanlai ahcun cawcangte hremòhatmi fangcil duh zetmi bangtuk a rak si. Asinan hnaòuan khung òuan thei dingin a mawi zetmi a hngawng ah hngawngkol ka thluah. Judah in òhee a hnuk ih Israel in òhun a hnuk, cutiin lei an let.
12 ‘Nan hrangah lei thar let uh; dingnak phun uhla ka hnenih nan òan man thluasuahnak vui cu at uh. Nan Bawipa ka hnenih nan kir caan a cu zo; ka ra dingih nan parah thluasuahnak ka lo burh ding’ ka ti.Ref 10.12 Jer 4:3;
13 Sikhalsehla nan tuhmi cu òhatlonak a si ih òhatlonak vui nan at a si. Nan thuphanpernak rah nan ei zo a si.
“Nan rangleng pawl le nan ralkap tam zet nan rinsan ruangah,
14 nan minung hnenah raldonak a thleng dingih nan ralòannak hmuahhmuah siatsuah òheh an si ding. Cuih ni cu siangpahrang Shalman in ral a do ih Betharbel khua a siatsuah ih nunau le nauhak pawl a thah òheh ni vek a si ding.
15 Thil òha lo nan tuahmi a tam tuk ruangah cuvek thotho in nannih Bethel minung par khalah a cang ding. Raldonak a thok ve tein Israel siangpahrang cu a thi ding,” tiah a ti.