9
Hosea In Israel Hremnak Thu A Than
1 Maw Israel mi pawl, khawvelmi bang ih nan puai tuahnak cu baang thlang uh. Nan Pathian hnen ihsin nan pial zo ih a hmaiah rin tlak lo ah nan cang zo. Hi ram pumpi sungah hlawhhlang bangin Baal khawzing hnenah nan zuar aw zo ih, a man in pekmi tiih nan ruahmi rawl in nan lung a lo awiter a si.
2 Asinan rei lo teah rawl le olif hriak le sabit tla khopkham in nan ngah lo ding. Sabitti thar khal nan ngah nawn lo ding.
3 Israel mi pawl cu Bawipa ih ram sungah an um nawn lo ding. Izipt ram ah an kirsal a òul dingih Assiria ram ih a thiang lomi rawl an ei ding.
4 Ramdang ahcun Bawipa ih hnenah sabit thawinak an pe thei lo dingih thawinak dang khal a hnenah an pe thei lo ding. An rawl cun rawl eitu hmuahhmuah a ti borhbah dingih ruakhngah rawl ei thawn a bang aw ding. An rawl cu an rilrawnnak rehtertu lawng a si dingih Bawipa ih biakinn ih pekmi ah saan a si lo ding.
5 Cule Bawipa hrangih puai tuah tikcu caan a thlen tikah ziangso an tuah ding?
6 Hlohralnak a thlen ih misenpi pawl an òiodarh tikah Izipt mi pawl in Memfis khuapi ih phum dingah an khawm hai ding. An sui le an ngun a rak umnak, le an inn le an lo a rak dinnak hmun ah hrampi le hlingkung pawl an kho òheh ding.
7 Hremnak an tuar caan a thleng zo, an parih phulak caan a thleng zo. Cutiin a cang tikah Israel mi pawl in an thei ding. “Hi profet hi a aa a si; hi thlarau lam hmutu hi a molh a si,” nan ti. Nan sualnak a tam tuk ruangah kei cu nasa zet in in hua.Ref 9.7 Luk 21:22;
8 A minung Israel mi hnenih ralrinnak thu sim dingah Pathian in kei hi profet in i thlah a si. Asinan ka fehnak kip ah vate bangin thang ih awk in tum. Pathian inn sung hmanah misenpi hi profet ih ral ah an cang.
9 An thil tuahmi cu a òha lo tuk ih Gibeahh Gibeah ah Levi nupisun an kaihrem ruangah Benjamin mi an thi thluh zik a si. khua ih an rak tuahmi vek a si ko. Pathian in an sualnak cu a ciing ringring dingih a hrem hai ding.Ref 9.9 Thuò 19:1-30;
Israel Sualnak Le An Sual Man
10 Bawipa in, “Hmaisabik ih Israel ka rak hmuh tikah nelrawn ih sabit rah hmuh vek a si. Nan pu le nan pa ka rak hmuh tir ah theipi rah tikcu ih a rah hmin hmaisabik hmuh vek a si. Sikhalsehla Baal-Peor tlang an thlen tikah cun Baal khawzing biak an thok. Cule a rei hlanah an duh zetmi khawzing pawl vekin ningsinza ah an cang.Ref 9.10 Mipum 25:1-5;
11 Israel ih ropitnak cu vate bangin a zuang hlo ding; faate an hring nawn lo ding, an nunau pawl favun an um nawn lo dingih an sungin nau a sem nawn lo ding.
12 Faate an neih hmanah ka lak sak dingih an nung lo ding. Hi minung pawl ka tlansan tikah cun thil poimawh zetzet an parah a thleng ding,” a ti.
13 Israel cu ka hmuh tir ah mawi zet ih a khomi tuumkung bangtuk a si; asinain atu ah an faate pawl cu ramsa bangin dawimi le thahmi an si kha ka hmu.
14 Maw Bawipa hi minung pawl parah ziang tuah ding so ka lo dil ding? An nunau pawl cu cingter òheh awla an hnawi cu carter òheh aw.
Bawipa In Israel A Hrem
15 Bawipa in, “An thil sual tuahmi hmuahhmuah hi Gilgal ah a thok. Cutawk ihsin anmah huat ka thok a si. Thil sual an tuah ruangah ka ramsung ihsin ka dawisuak hai ding. Ziangtik khalah ka duhsal nawn lo ding; an hotu pawl in an zate in in dodal a si.
16 Israel mi pawl cu a hram a carmi le a rah thei lomi thingkung vek an si. Faate an nei lo ding. An neih hmanah an duh zetmi an fahniang pawl cu keimah in ka that òheh ding,” tiah a ti.
Israel Parih Profet Òongkam
17 A hna ka òuanmi ka Pathian in a minung cu a hnong ding. Ziangahtile a thu an ngai duh lo. Miphun dang lakah mi vakvai phun ah an cang ding.