8
Kan Puithiam Sang Jesuh
1 Kan simmi ih a sawh duh bikmi cu: Vancung Pathian tohkham sunglawi vorhlam rori ah a to theitu Puithiam Sang kan nei, timi hi a si.Ref 8.1 Saam 110:1;
2 Hmun Thianghlim bik ah Puithiam Sang cu a òuan ih cuih hmun cu minung ih sakmi puanthlam si lo in Bawipa ih sakmi puanthlam ngaingai a si.
3 Puithiam hmuahhmuah ih hnaòuan cu Pathian hnenih pekmi laksawng le thawinak ih pekmi òilva ap ding kha a si; cubangtuk in kan Puithiam Sang khalin ziangtal pek ding a neih ve a òul.
4 Leilung parah um sehla puithiam a òuan lo ding, ziangahtile Judah daan in laksawng pekmi a aptu dingah puithiam dang an um.
5 Cutiin leilung ih puithiam an òuanmi cu vancung ih puithiam òuannak ih a thluathlam lawng a si. Cuvek thotho in Moses ih thuhla khalah a si. Moses in thukamnak puanthlam a sak zik tikah Pathian in a hnenah, “Tlang parih zohòhim ding ka lo hmuhmi vek cekci in nan sak pei,” a ti.Ref 8.5 Suah 25:40;
6 Sikhalsehla annih òuanmi hnakin a òha deuhmi puithiam hnaòuannak cu Jesuh hnenah pek a si zo. Pathian le a minung karlak ih Jesuh in a tuahmi thukamnak cu a òha deuhmi kamawknak a si bangtukin a puithiam hnaòuannak khal cu a òha deuhmi a si.
7 A hmaisa thukamnak ah famkim lonak um hlah sehla a neta deuh ih thukamnak cu a òul lo ding.
8 Sikhalsehla Pathian in a minung pawl a mawhthluk ih,
“ Bawipa in hitiin a sim:
Israel mi le Judah mi pawl thawn
thukamnak a thar in ka tuah ding caan
a ra thleng cing ding.Ref 8.8-12 Jer 31:31-34;
9 Sikhalsehla an pipu pawl
an kut in ka hruai ih Izipt ram ihsin,
ka suah lai ih ka tuahmi
thukamnak bangtuk cu a si lo ding.
An hnenih ka rak tuahmi thukam cu
an thlun duh lo ruangah kei khalin
zianghman ah ka siar hai lo,” a ti.
10 Cule Bawipa in:
“A ra dingmi tikcu caan ah
Israel mi pawl thawn hibangtuk in
thukamnak ka tuah ding;
Ka daan cu an ruahnak parah ka ret dingih,
an thinlung sungah ka ngan ding.
Keimah hi an Pathian ka si dingih
annih cu ka minung an si ding.
11 Zohman in an unau siseh,
an ram sungih an phunpi siseh,
“ Bawipa thei uh,” an ti awk
a òul nawn lo ding.
Ziangahtile upa bik in nauta bik tiang
an zate in in thei òheh ding.
12 An sualnak ka ngaidam dingih,
an mawhnak khal ka ciing nawn lo ding,”
tiah a ti.
13 Hibangtuk in thukam thar thu Pathian in a sim ruangah a thukamnak a hmaisa cu a hlun ah a cang zo; cule a hlun zomi le a òet zomi pawl cu a rei hlanah an hloral ding a si.