9
Lei Le Van Ih Pathian Biaknak
1 Hmaisabik Thukamnak in Pathian biakdan a nei ih milai ih tuahmi biakkhawmnak hmun khal a nei.
2 Biakinn cu puan in an sak ih a lenglam khaan cu Hmun Thianghlim an ti. Cutawkah mei-inn le cabuai le Pathian hnenih pekmi Sang pawl an ret.Ref 9.2 Suah 26:1-30, 25:31-40, 23-30;
3 Puanzar pahnihnak ih dunglam ah Hmun Thianghlim Bik timi khaan a um.Ref 9.3 Suah 26:31-33;
4 Cutawkah rimhmui urnak sui biakòheng le sui ih khutmi Thukam Kuang tla an um. Cuih Thukam Kuang sungah Manna Sang an retnak sui beel le hnah no a cerhmi Aaron ih kianghrol le thukham pawl an ngannak lungtlep pahnih khal an ret.Ref 9.4 Suah 30:1-6, 25:10-16, 16:33; Mipum 17:8-10; Suah 25:16; Daan 10:3-5;
5 Cuih Thukam Kuang parah cun Pathian sunlawinak langtertu Cherub timi thlanei zuk an ret ih sual ngaithiamnak hmun tlunah an thla an pharh aw. Atu cu hivek thu famkimih simnak tikcu a si lo.Ref 9.5 Suah 25:18-22;
6 Puanthlam sungih thil an tuahdan cu hitiin a si. Puithiam pawl cu an hnaòuan òuan dingah nitin tein a lenglam deuh khaan sungah an lut ih,Ref 9.6 Mipum 18:2-6;
7 Puithiam Sang lawnglawng a sungta khaan sungah kum khat vei khat a lut. Amah ih sualnak le midang in thei lo in sualnak an tuah pangmi sualnak hrangah thisen a keng ih Pathian a pek.Ref 9.7 Pui16:2-34;
8 Hibangtuk an tuahmi sungin Thlarau Thianghlim in fiang zet ih a langtermi cu: Puanthlam lengta deuh a um lai ahcun Hmun Thianghlim Bik fehnak lamzin a ong hrih lo, tican a si.
9 Himi cu tahòhimnak a si ih atu kan san hi a sawh duhmi a si. A tican cu, Pathian hnenih pekmi laksawng le thawinak òilva pawl in Pathian a betu pawl ih thinlung famkim in a tlengfai thei lo, tinak a si.
10 Ziangahtile cuih thawinak pawl cu rawl le tidai le thianfainak ih tuahmi thawinak thawn a pehtlai aw mi an si. Cupawl cu a lenglam daan lawnglawng an si ih Pathian in ziang hmuahhmuah a thar in a rem hlan sung lawng ih hmanmi an si.
11 Sikhalsehla Khrih cu thil òha a um cia mi pawl ih tlunah Puithiam Sang si dingin a ra zo a si. A hnaòuannak puanthlam cu a tum sawn ih a famkim fawn. Milai ih tuahmi puanthlam a si lo ih hi leilung tuahmi thil sungih a telmi khal a si lo.
12 Khrih cu cuih puanthlam sungah a lut ih Hmun Thianghlim Bik ah kumkhua daihin a thlen tikah me thisen le cawcang thisen pawl kha thawinak hrangah a keng lo; amah ih thisen sawn a keng ih kan hrangah kumkhua rundamnak a tuahsuak a si.
13 A thiang lo misenpi parah puithiam in me thisen le cawcang thisen le urmi cawla ih vutcam pawl kha a theh ih cumi cun biaknak lamih an thianfai lonak hmuahhmuah a thianfaiter a si.Ref 9.13 Pui 16:15-16; Mipum 19:9, 17-19;
14 Cubangtuk in thianfainak a um thei a si ahcun ziangtlukin so Khrih ih thisen cun a thianfaiter sinsin ding! Kumkhua ih a nungmi Thlarau sungin a famkimmi thawinak ah amah le Amah Pathian hnenah a pe aw a si. A nungmi Pathian hna kan òuan theinak dingah, santlai lo daan thlunnak ihsin kan siaòha thleidannak thinlung kha a thisen in a tlengfai a si.
15 Cuti a si ruangah Pathian ih a kawhmi pawl in Pathian ih a kam cia mi kumkhua thluasuah an co theinak dingah thukam thar a ngaihtuahtu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak hnuai an um lai ih an sualnak sung ihsin a luatter.
16 Ro cah thu kan ti ahcun ro cahtu a thih hnu lawng ih thlun ding a si;
17 ziangahtile a nun lai ahcun a ro cahmi cu hman a theih lo; a thih hnu lawngah hman a si.
18 Curuangah a si thukamnaka 9:18 * Grik òong ih Thukamnak timi le ro thucah timi òongfang a bang rep. hmaisa deuh hrang hmanah thisen thawn lawngin sullam a neihnak cu!
19 Moses in a hmaisabik ah Daan cabu sungih a ummi thukam hmuahhmuah cu misenpi hnenah a than. Cuih hnuah cawcang thisen le me thisen kha a lak ih tidai thawn a rawi hnuah, hissop thinghnge fate le tuuhmul sen òemcihmi hmangin, Daan cabu le misenpi kha a theh hai ih,Ref 9.19-20 Suah 24:6-8;
20 “Nan thlun dingah Pathian ih thukamnak a lo pekmi a hngettertu cu hi thisen hi a si,” tiah a ti.
21 Cuvek thotho in Moses in thisen cu Thukam Puanthlam le Pathian biaknak ih an hmanmi thilri pawlah a theh òheh.Ref 9.21 Pui 8:15;
22 Daan sungih a um vekin ziang hmuahhmuah cu thisen lawngin a tlengfai ih thisen a luan lonak ahcun sual ngaidamnak a um lo.Ref 9.22 Pui 17:11;
Raithawinak In Sual A Tlengfai
23 Vancung ih a ummi thil an cawncopmi pawl cu cubangtuk ih thianfaiter an òul. Asinan vancung ih ummi a ngaingai a simi khalin thawinak òha sinsin a òul.
24 Cuih a ngaingai an cawncopmi thil, milai ih tuahmi Hmun Thianghlim sungah Khrih cu a lut lo. A luhnak cu vancung a si ih atu ah kan ai awh in Pathian hmaika ah a um.
25 Judah mi Puithiam Sang cu kumtinte òilva thisen keng tahrat in Hmun Thianghlim Bik sungah a lut. Sikhalsehla Khrih cu amah le amah thawinak ih pe aw dingin vei tampi a lut lo;
26 cuti si lo sehla leilung semtir ihsi cun vei tam zet a tuar a òul ding. Cubangtuk si lo in atu san netabik a cem zawng ahhin, amah le amah thawinak ah pe aw in sualnak a tlengfai theinak dingah kumkhua daih in vei khat lawng a lang.
27 Minung cu zokhal vei khat thih keel a si; cuih hnuah Pathian in thu a òhen ding.
28 Cubangtuk in Khrih khal minung sualnak tlengfai dingah thawinak hrangah vei khat a pe aw. Cule vei hnihnak a langsal dingih cutikah cun sualnak thu ah si nawn lo in amah a hngaktu pawl rundam dingah a si ding.Ref 9.28 Isa 53:12;