7
Puithiam Melkhizedek
1 Melkhizedek cu Salem khua siangpahrang a si ih Cungnungbik Pathian ih puithiam a si. Abraham cu ral a do ih siangpahrang pali a nehnak hmun ihsin a rakir tikah Melkhizedek in a rak hmuak ih thluasuah a pek.Ref 7.1-2 Sem 14:17-20;
2 Cule Abraham in ral hnenih a lonmi thil òhenhra òhenkhat cu Melkhizedek a pek. (Melkhizedek hminih tican pakhatnak cu “Dingnak Siangpahrang,” ti a si; cule amah cu Salem khua siangpahrang a si ruangah a hminih tican cu “Daihnak Siangpahrang,” ti khal a si.)
3 Melkhizedek ih nu le pa thu le pi le pu ih thu nganmi zianghman a um lo. Amah ih suahnak siseh, a thihnak thu khal siseh, nganmi zianghman a um lo. Pathian Fapa bangtuk a si; curuangah kumkhua in puithiam a si.
4 Curuangah ziangtlukin mi tum a si, ti cu nan thei. Mi hminthang le kan phun cithlahtu Abraham in ral hnenih a lonmi thil hmuahhmuah ih òhenhra òhenkhat a pek.
5 Cule Levi miphun ih tesinfa puithiam a òuantu pawl cu Israel mipi hnen ihsin òhenhra òhenkhat lak dingin an Daan in a ti. Cuih Israel misenpi pawl cu Levi mi pawl vekin Abraham tesinfa an si ko nain òhenhra òhenkhat an pe thotho.Ref 7.5 Mipum 18:21;
6 Melkhizedek cu Levi tesinfa a si lo; asinain Abraham hnenin òhenhra òhenkhat a lak ih Pathian thutiamnak a cotu Abraham cu thluasuah a pek.
7 Thluasuah a petu cu thluasuah pekmi a cotu hnakin a tum deuh ti cu a fiang a si.
8 Levi tesinfa puithiam a simi thu ahcun, òhenhra òhenkhat cu a thi leh dingmi minung in an lak; sikhalsehla Melkhizedek thu ahcun, Ca Thianghlim ih a ti vekin, òhenhra òhenkhat cu a nungmi in a co a si.
9 Cule Abraham in òhenhra òhenkhat a pek tikah (Levi tesinfa pawl khal òhenhra òhenkhat a petu an si ih) Levi khalin a pek ve ti theih a si.
10 Ziangahtile Levi cu a suak hrih lo nain amah a hringtu Abraham kha Melkhizedek in a ton tikah Abraham ih pum sungah a rak um zo, ti a theih a si.
11 Levi mi puithiam phun an sinak sirhsan in Daan cu Israel mi hnenah pek a si. Cule Levi mi pawl in puithiam hna an òuannak a famkimmi rak sisehla puithiam phundang, puithiam Aaron hrin si lo in puithiam Melkhizedek phun a suah a òul lo ding.
12 Puithiam sinak a thleng awk tikah daan khal a thleng awk a òul ve.
13 Hi thu hmuahhmuah in a sawh duhmi cu kan Bawipa cu a hrin a dang ih a phunpi sungin zohman biakòheng ah puithiam a òuantu an um dah lo.
14 Amah cu Judah hrin sung ihsin a suakmi a si, ti cu mi hmuahhmuah ih theih a si; cule Moses in puithiam thuhla a sim tikah hi Judah phun thu cu a telh dah lo.
Puithiam Dang Pakhat
15 Hi thu cu thufiang sinsin a si; Melkhizedek bangtuk puithiam phundang pakhat a suak zo.
16 Amah cu milai ih tuahmi nunphung le daan in puithiam cangmi a si lo; cemti nei lo nunnak ih huham thawngin a cangmi a si.
17 Ziangahtile Ca Thianghlim in, “Nang cu Melkhizedek puithiam sidan vekin kumkhua puithiam na si ding,” tiah a ti.Ref 7.17 Saam 110:4;
18 Curuangah daan hlun cu san a tlai lo ih a òhathnem nawn lo ruangah an hnong a si.
19 Ziangahtile Moses Daan in zianghman famkim in a tuah theimi a um lo; cule atu ahcun Pathian kan naih theinak dingah a òha deuhmi ruahsannak in pek zo.
20 Cuih tlunah Pathian ih tiamkamnak a um hrih fawn. Midang puithiam an rak si lai ah cubangtuk tiamkamnak cu a um dah lo.
21 Sikhalsehla Jesuh cu tiamkamnak thawn puithiam a cang ih a hnenah Pathian in,
“ Bawipa in thukamnak fek zet in a tuah ih
a thu cu a òhin lo ding;
“Nangmah cu kumkhua in puithiam
na si ding,”,” tiah a ti.Ref 7.21 Saam 110:4;
22 Hibangtuk ih an danawknak in Jesuh cu a òha deuhmi thukamnak ih aamahkhan ah a cangter fawn.
23 Cule an danawknak phunkhat a um lala: Cumi cu ziang a si tile, puithiam dang cu tampi an um ih an thih ruangah an hnaòuan an peh thei nawn lo.
24 Sikhalsehla Jesuh cu kumkhua in a nung ih kumkhua in puithiam a si ringring.
25 Curuangah atu le kumkhua in amah ih sungin Pathian a pantu pawl cu a rundam thei a si; ziangahtile kumkhua ih a nun ruangah Pathian hnenah a dil sak ringring.
26 Cuti a si ruangah Jesuh cu kan òulmi a kimter theitu Puithiam Sang a si. Amah cu a thianghlimmi a si; sualnak le mawhnak a nei lo; misual pawl hnen ihsin a hrante in òhen a si ih van tlunah cawisang a si zo.
27 Anih cu puithiam dang bangtuk a si lo; puithiam dang bangtukin nitin amah ih hrangah hmaisabik ah sualthlah thawinak pek ih cuih hnuah misenpi hrangih thawinak pek ti a òul lo. Amah ih nunnak kha a pek tikah kumkhua daih in thawinak vei khat lawng a pek a si.Ref 7.27 Pui 9:7;
28 Moses Daan in mi famkim lo pawl kha Puithiam Sangah a tuah. Sikhalsehla Moses daan hnu ih a rami tiamkamnak thawn tuahmi Pathian thukamnak in kumkhua in a famkimih tuahmi a Fapa kha Puithiam Sangah a hril a si.