2
1 Cuticun leilung siseh, van tla siseh, lei parih a ummi hmuahhmuah le van ih a ummi hmuahhmuah thawn Pathian in a tuah òheh.
2 Ni ruk sungah Pathian in a hnaòuan cu a òheh ih ni sarih ni ah a hnaòuannak ihsin a cawl.Ref 2:2 Heb 4:4, 10.
3 A hnaòuanmi a òheh ih a ni sarihnak ah a colh ruangah Pathian in cuih ni cu thluasuah a pe ih ni sunglawi ah a canter.Ref 2:3 Suah 20:11.
4 Lei le van a tuahnak thuhla cu cubangtuk in a si.
Eden Hmuan
5 Bawipa Pathianb 2:5 Bawipa Pathian: timi hi Hebru òong in “ Yahweh Elohim” an ti. “ Yahweh” timi hi Bawipa ti-in kan let. in lei le van a tuah òheh tikah lei parah thing le hrampi a um lo; thlaici keuh ding khal a um hrih lo; ziangahtile Pathian in ruah a surter hrih lo. Leiram òuantu dingah milai khal an um hrih lo.
6 Ruah a sur hrih lo nain leilung sungin ti a put ih leilung cu a hnawngter òheh.
7 Cun Bawipa Pathian in leidip a lak ih milai ah a tuah. A hnar sungah nunnak thaw a vun thawt ih minung ah a cang.Ref 2:7 1 Kor 15:45.
8 Cun Bawipa Pathian in nisuahnak lamih a ummi Eden ah hmuan a tuah ih a cuih hmuanah cun a tuahmi minung cu a umter.
9 Rah òha a rahmi le a mawi zetzetmi thingkung a phunphun a cuih hmuanah cun a keuhter.Ref 2:9 Thup 2:7; 22:2, 14. Hmuan laifangah nunnak thingkung, a òha le a sia theihthiamnak thingkung khal a keuhter.
10 Cun hmuan hnawngtertu dingah Eden ihsin tiva pakhat a luang ih, hmuan leng a thlen tikah tiva pali ah a òhek aw.
11 Pakhatnak tiva ih hmin cu Pishon a si ih Havilah ram kimvel ah a luang. Havilah ram ahcun sui a um.
12 Havilah ram ih sui cu sui phun òha a si ih thingthling mankhung le Oniks lungvar sen tla an um.
13 A pahnihnak tiva cu Gihon a si ih Kush ram kimvel ah a luang.
14 A pathumnak tiva cu Tigris a si ih Assiria ram nisuahnak lamah a luang. A palitnak tiva cu Eufrates a si.
15 Cun Bawipa Pathian in a semsuahmi pa cu loram òuantu le kilkhawitu dingin Eden hmuan ahcun a umter.
16 Pathian in a hnenah, “Hmuan sungih a ummi thingrah hmuahhmuah na ei thei;
17 asinain a òha le a sia theihthiamnak thingkung ih rah cu na ei hrimhrim lo pei. Na ei asile na ei ni in na thi ding,” tiah a sim.
18 Cun Bawipa Pathian in, “Minung hi amah lawng ih a um ding cu a rem lo; amah bawmtu ah rualpi ka tuah sak ding,” a ti.
19 Cule Pathian in leilung a lak ih ramsa a phunphun le vate a phunphun ah a tuah ih ziangtin a ko pei tiah cupa hnen ahcun a fehpi hai. Cule cupa in hmin a rak sak ciar vekin an hmin ah a cangta.
20 Cuticun cupa in hramlak ramsa siseh, innzuat sumhnam le van ih a zammi vate hmuahhmuah siseh, hmin a sak hai a si. Sikhalsehla amah ih hrangah bawmtu le rualpi a um hrih lo.
21 Curuangah Bawipa Pathian in cupa cu ihhmuh thaw zet in a itthatter ih a ihthah sungah a hnakruh pakhat a lak ih a titsa in a phitsal.
22 Mi pa sung ihsin a lakmi hnakruh cun nunau a tuah ih mi pa hnenah a ratpi.
23 Cuih mi pa cun,
“Atu lawngah maw keimah vek minung,
Ka ruh in tuahmi ruh,
Ka titsa in tuahmi titsa ka ton.
Mi pa sungin lakmi a si ruangah,
Mi nu tiin kawh siseh, ” tiah a ti.
24 Cuti a si ruangah mipa in a nu le a pa a tanta ih a nupi thawn an kom aw. Cutiin tisa khat ah an cang.Ref 2:24 Mat 19:5; Mar 10:7, 8; 1 Kor 6:16; Efe 5:31.
25 An pahnih in lawngfangkheh in an um nain ningzah an thiam lo.