3
Milai Sualnak
1 Cun Pathian ih tuahmi hmuahhmuah lakah rulpi cu a hrokhrawl bikmi ramsa a si.Ref 3:1 Heb 4:4, 10. Rulpi cun nunau hnenah, “Hmuan sungih thingkung pakhatkhat ih rah nan ei lo pei tiah Pathian in a lo ti ngaingai maw?” tiah a sut.
2 Nunaunu cun, “Hmuan sungih thingrah hmuahhmuah kan ei thei ko,”
3 asinain hmuan laifangih a ummi thingrah cu kan ei thei lo, ziangahtile a cuih thingrah cu “Nan ei lo pei; a tham khal nan tham lo pei, nan ei asile nan thi ding a si, tiah Pathian in, in ti,” tiah rulpi cu a ti.
4 Rulpi cun, “Cutin a si lo, nan thi hrimhrim lo ding.
5 Nan ei asile nan ei ni in nan mit a vang dingih Amah Pathian vekin a òha le a sia theihthiamnak nan nei ding, ti kha Pathian in a theih cia ruangah a lo khamnak a si,” tiah nunau hnenah a sim.
6 Cuticun nunaunu in hmuan laifangih thingkung mawi zia le a rah thawt ding zia cu a hmu ih fim cu ziangtluk duhnungza so a si ding, tiin a ruat. Curuangah thingrah cu a lo ih a ei. Cuih hnuah a pasal a pek ih anih khalin a ei ve.
7 Thingrah an ei òheh ve tein an mit vang in theihtheinak an nei ih lawngte ih um an si kha an thei aw. Curuangah theipi hnah an òhitkhawm ih an hup aw.
8 A cuih zanlam simnem ah Bawipa Pathian cu hmuan sungah a ra. A rat thawm an theih tikah a hnen ihsin hmuan sungih thingruul lakah an relh.
9 Cutikah Bawipa Pathian in mi pa cu a ko ih, “Khui lamah so na um?” tiah a ti.
10 Cupa in, “Hmuan ih na rat thawm ka thei ih lawngfangkheh ka si ruangah ka thin a phang ih ka relh a si,” tiah a ti.
11 “Zo in so lawngfangkheh ih na um cu a lo sim? Thingrah ei hlah aw ka lo timi na ei maw si?” tiah Pathian in a sut.
12 Mi pa in, “Ka hrangih na tuahmi nunaunu in thingrah cu i pe ih ka ei a si,” tiah a ti.
13 Cule Bawipa Pathian in nunaunu hnenah, “Zianghrangah hitiin thil na tuah?” tiah a sut. Cun nunaunu in, “Rulpi in i bum ih ka rak ei a si,”Ref 3:13 2 Kor 11:3. tiah a ti.
Pathian Ih Cawhkuan Peknak
14 Cun rulpi hnenah Bawipa Pathian in,
“Nunaunu na bum ruangah
cawhkuan ka lo pe;
Ramsa hmuahhmuah lakah
nangmah lawng in
hi camsiatnak hi na tuar ding;
Atu thokin a bokin na vak dingih,
Na nunsung hmuahhmuah
na ei ding rawl cu leidip a si ding.
15 Nunau thawn ka lo ral awter dingih,
Nan tesinfa tiangin nan ral aw ding.
Na lu a lo sutbeek dingih,
Nang in a kedil na cuk ding,”
tiah a ti.
16 Cun Pathian in nunau hnenah,
“Fa na vun tikih na harnak cu
ka òhanter ding,
Na hrin tikih a natnak cu
ka karhter ding.
Cu cingin na pasal cu
na duh thotho dingih,
A lo uktu a si ding,” tiah a ti.
17 Cule Pathian in mi pa hnenah,
“Na nupi thu na ngai sawn ih,
ei lo ding ka timi thingrah
na ei ruangah,
Leiram cu nangmah ruangah
siatserh a si;
Na pumcawmnak ah zonzai zet in,
Na nunsung hmuahhmuah
hna na òuan ding.
18 Leilung in hling le so le
hrampi a phunphun a suah pei ih,
Culak ih a keuhmi hramrawl na ei pei.Ref 3:18 Heb 6:8.
19 Leidip in tuahmi na si ih,
Leilung ih na cansal tiang,
Na nunnak hrangah na thlanhriput in
hna na òuan ding.
Leidip in tuahmi na si ih,
leidip ah na cangsal ding,” tiah a ti.
20 Cun mi pa in a nupi cu minung hmuahhmuah ih nu a si hrangah Evic 3:20 Evi: tihi Hebru òong in “ a nung” ti thawn a bang aw. tiah a ko.
21 Cule Bawipa Pathian in Adam le a nupi hrangah savun hnipuan a tuah sak ih a hrukter.
Adam le Evi Hmuan Lengah
22 Cun Bawipa Pathian in, “Minung cu a òha le a sia thleidan a thiam zo hrangah kanmah vek a si zo. Nunnak thingkung ih rah eisal in kumkhua in a nung pang ding,”Ref 3:22 Thup 22:14. tiah a ti.
23 Curuangah Bawipa Pathian in minung cu a semnak leilung thlo dingin Eden hmuan ihsin a dawi.
24 Pathian in minung cu a dawisuak ih nunnak thingkung kiangih zohman rat ngam lonak dingah hmuan ih nisuahnak lamah Cherubimd 3:24 Cherubim: timi cu ramsa phunkhat, vancungmi bangtuk a si. le a tle zukzo ih a her aw luailomi ralnam a ret.