SEMTIRNAK
(Genesis)
Thuhmaihruai
Semtirnak (Genesis) timi cu, “Thawhkehnak” asilole “Hramthawhnak” tican a si. Hi cabu hin lei le van semsuah thu, milai thawhkehnak, leitlun ah sualnak le tuarnak hramthawhnak le Pathian le milai ziangtin an pehzom aw timi thu tla a sim. Semtirnak hi òhenhnih ih òhen a theih.
1)
Bung 1-11
sungah hin leilung semsuahnak thu le Pathian ih semsuah hmaisa milai pawl ih thu a um. Adam le Evi thu, Kain le Abel ih thu, Noah le Tilik thu le Babel lungdawl thu tla an um.
2)
Bung 12-50
sungah Israel miphun pupa suahkehnak thu a um. A hmaisabik ah a zumnak le Pathian thu a ngainak ruangih hminsintlak a simi Abraham ih thu a um. Cuih hnuah a fapa Isaak ih thu, a fasuan Jakob ih thu (Israel ti khalih kawhmi), Israel hrin hleihnih thlahtu Jakob ih fapa hleihnih pawl ih thu in a thlun. Cumi pawl lakah Josef ih thuhla kha tam deuh in a um. Jakob le a fapa dang le an innsungsang pawl Izipt ram ih an fehnak thuhla kha a rel tam cuang.
Hi cabu hin minung thu a sim; asinain a tumtah bikmi cu Pathian ih thiltinak thu a si. Pathian in ziang hmuahhmuah a semsuah a si tiin a thok ih Pathian in a miphun pawl zawn a ruahnak a langter lai hrih ding tiih thutiamnak thawn a cem. Hi cabu a thawhnak ihsin a cem tiang thuanthu neitu cu Pathian a si. Cule òhatlonak a tuahtu pawl thu òhennak le hremnak an tong ih a minung pawl bawm le hruai in an thuanthu hmuihmel rak neihtertu cu Pathian hi a si, ti a langter. Himi hlanlai cabu hi miphun pakhat ih zumnak le a cuih zumnak a nun theinak ding bawmtu dingah ngan ih hminsinnak thuanthu a si.
1
Semsuahnak Thu
1 A hmaisabik ah Pathian in lei le van tla a semsuah.
2 Lei cu pianhmang nei lo thlahawmpi lawng a rak si. Thimnak in ti thukpi cu a khuh ih, Pathian ih Thlarau cu tipi parah a leng.
3 Cun Pathian in, “Tleunak um seh,” tiah a ti ih tleunak cu a um.Ref 1:3 2 Kor 4:6.
4 Pathian in a zoh tikah a òha a ti. Cun Pathian in tleunak cu thimnak ihsin a òhen.
5 Tleunak cu “Sun,” tiah a ko ih thimnak cu “Zan,” tiah a ko. Zanlam a liam ih zinglam a suak, ni khatnak a si.
6 Cun Pathian in, “Tidai òhentu ah vankuumpi um seh, hmun dangdang ah tidai cu um hai seh,” tiah a ti. A ti bangtukin a um.
7 Vankuumpi cu Pathian in a tuah ih a hnuai tidai le a tlun tidai cu a òhen.
8 Pathian in vankuumpi cu, “Van,” tiah a ko. Zanlam a liam ih zinglam a suak, ni hnihnak a si.Ref 1:6-8 2 Pit 3:5.
9 Cun Pathian in, “Leicar a langnak dingah van hnuai ih tidai tla cu hmunkhat ah khawm aw hai seh,” tiah a ti. A ti bangtukin a cang.
10 Pathian in leicar cu, “Leilung,” tiah a ko ih hmunkhat ih a kom aw mi tidai cu, “Tifinriat,” tiah a ko. Pathian in a tuah cia mi a zoh tikah a òha a ti.
11 Cun Pathian in, “Leilung in thingkung hramkung a phunphun, ci a neimi le rah a neimi, suah seh,” tiah a ti. A ti bangtukin an cang.
12 Curuangah ci a neimi le rah a neimi thingkung hramkung phunkim leilung in a suahter. Cun Pathian in a tuah cia mi a zoh tikah a òha a ti.
13 Zanlam a liam ih zinglam a suak, ni thumnak a si.
14 Cun Pathian in, “Sun le zan òhentu dingah, ni le thla le kum òhentu dingah, le nithla relnak ah van ahkhin tleunak tla um hai seh;
15 Van ah an vang dingih leilung ah tleunak an pe ding,” tiah a ti. A ti vekin an um.
16 Cuticun Pathian in tleunak tumpi pahnih a tuah: Sun caan reltu ah ni a tuah ih zan caan reltu ah thlapi a tuah. Arsi pawl khal a tuah.
17 Leilung tleutertu dingah hi tleunak pawl tla cu Pathian in van ah a ret.
18 Sun le zan uktu dingah le tleunak le thimnak òhentu dingah an si. Pathian in a tuah cia mi a zoh tikah a òha, tiah a ti.
19 Zanlam a liam ih zinglam a suak, ni linak a si.
20 Cun Pathian in, “Ti sungih a nungmi sahring a phunphun tidai in suah seh, leitlun thli lak khalah vate tla zam hai seh,” tiah a ti. A ti vekin an cang.
21 Curuangah ti sungih òihnungza sahring tum pipi Pathian in a semter, ti sungih a um a nungmi sahring a phunphun tla a semter; cun vate a phunphun khal a semter. Pathian in a tuah cia mi a zoh tikah a òha, tiah a ti.
22 Cun Pathian in, “Ti sungih a nungmi sahring pawl cu pungzai uhla tipithuanthum khat òheh uh, vate pawl khal pungzai uhla leitlun ah khat òheh uh,” tiah thluasuah a pek.
23 Zanlam a liam ih zinglam a suak, ni nganak a si.
24 Cun Pathian in, “Innzuat sumhnam a phunphun le hramlak ih ramsa a tum siseh, a fate siseh, a bokvakmi phunzakip leilung in suah seh,” tiah a ti. A ti bangtukin an cang.
25 Cuticun Pathian in innzuat sumhnam a phunphun le hramlak ramsa a tum siseh, a fate siseh, bokvak ih a cang theimi hmuahhmuah tla a tuah. Pathian in a tuah cia mi a zoh tikah a òha, a ti.
26 Cun Pathian in, “Milai tuah thlang uh si; kanmah ih hmuihmel kengin kanmah bangin kan tuah pei.Ref 1:26 1 Kor 11:7. Ti sung um nga le van ih a zammi vate tlunah siseh, innzuat sumhnam le hramlak ramsa a tum a seen parah siseh, bokvak ih a cang theimi tlun khalah siseh, thu an nei pei,” tiah a ti.
27 Cuticun Pathian in milaia 1:27 Milai: timi hi Hebru òong cun Adam ti a si. cu a semsuah; Pathian in Amah ih hmuihmel vekin a semsuah. Pathian in mipa le nunau a semsuah a si.Ref 1:27 Mat 19:4; Mar 10:6.
28 Cun Pathian in an hnenah thluasuah a pe ih,Ref 1:28 Sem 5:1, 2. “Fa tampi nei in pungzai uhla leilung hi nan luahkhat pei ih nan thuthu in nan umter pei. Ti sungih nga siseh, lei parih a vakmi ramsa tinkim a tum a seen le van ih vate hmuahhmuah tlun khalah siseh, thuneihnak ka lo pe,” tiah a ti.
29 Cuih tlunah Pathian in, “Leilungtlun ah thlaici a phunphun le thingtheirah a phunphun nan ei dingah ka lo pe a si;
30 vate phunzakip le ramsa tum le te phunzakip, a bokvak theimi ih an rawl dingah hramhring le thingrah ka pe a si,” tiah a ti. A ti bangtukin an si.
31 Cun Pathian in a tuah cia mi hmuahhmuah a zoh tikah a òha ngaingai tiah a ti. Zanlam a liam ih zinglam a suak, ni ruknak a si.