34
Vei Hnihnak Thukham Lungpheng
(Daan 10:1-5)
1 Bawipa in Moses hnenah, “A hmaisa ih lungpheng bangtukin, lungpheng pahnih tuahsal awla na khuai seksek thluhmi lungpheng parih ka ngan bangtukin ka ngansal ding.
2 Thaizing ah timtuah cia awla Sinai Tlang parah hung kai in tlangzim ah i hung tong aw.
3 Zohman na hnenah hung feh hlah hai seh; tlang parah zohman um hlah hai seh; tuu le caw khal Sinai Tlang kiangkap ah tlang hlah hai seh,” tiah a ti.
4 Curuangah Moses in a hmaisa ih lungpheng pahnih bangtukin lungpheng pahnih a thar in a tuahsal ih Bawipa ih fial vekin Sinai Tlang parah lungpheng pahnih kengin zingpit ah a hung feh.
5 Cule Bawipa cu mero in a rung òum; Moses kiangah a rung dingih “Bawipa” timi a hmin cu a phuang.
6 Bawipa cu Moses ih hmaika ihsin a lan ih, “Pathian Bawipa cu lainatnak le zangfahnak in a khatmi Pathian ka si. Ka thin a sau ih rin a tlakmi le duhdawtnak a nei ringringtu ka si.
7 A hngetmi ka duhdawtnak cu san thawng tampi tiang ka kimter ih an mawhnak, an siatnak le an sualnak tla ka ngaidam. Sikhalsehla an pale pawl ih sualmawhnak ruangah an faale pawl le an tesinfa pawl cu santhum sanli tiang ka hrem hai a si,” tiah a ti.Ref 34:6, 7 Suah 20:5, 6; Mipum 14:18; Daan 5:9, 10; 7:9, 10;
8 Cutikah Moses cu zamrang tein leilung dai in a lu a kun ih Bawipa cu a biak.
9 Cule Moses in, “ Bawipa, ka parah na lung a awi a si ahcun in fehpi ve hram aw. Hi Israel mi pawl hi mi lungruh ngaingai an si; asinain kan siatnak le kan sualnak cu in ngaidam awla nangmah ih minung ngaingai ah in co hram aw,” tiah a dil.
Thukamnak A Tharsuah
(Suah 23:14-19; Daan 7:1-5; 16:1-17)
10 Bawipa in Moses hnenah, “Nanmah thawn thukamnak ka tuah ding. Israel mi pawl ih mithmuh ah leilungtlun miphun hmuahhmuah hnenah tuah dah keel lomi thilmak ka tuah ding a si. Bawipa ih thil a tuah thei zia cu nanmah thawn a ummi hmuahhmuah in an hmu ding; ziangahtile nan hrangah a rapthlakza ngaingaimi thil ka tuah ding a si.
11 Tuih sun ih ka lo pek dingmi daan pawl cu òha tein nan thlun pei. Nan hmaiih nan feh vivo tikah Amor mi, Kanaan mi, Hit mi, Periz mi, Hiv mi le Jebus mi pawl cu ka dawi hlo òheh hai ding.
12 Hi Kanaan ram ih a rak ummi minung pawl thawn pawlkom awknak thukam nan tuah lonak dingah fimkhur zet in um uh; ziangahtile himi pawl thawn pawlkom awknak thukam nan tuah a si ahcun nanmah siatsuahtu thang bangtuk a si ding.
13 Cuhnakin anmah ih biakòheng pawl khi bal thluh sawn uh; an lungto thianghlim pawl khi khuai òheh uhla, Asherah milem pawl khal hau òheh sawn uh.Ref 34:13 Daan 16:21;
14 “Khawzing nan bia lo pei; ziangahtile Bawipa ih hmin cu “Thiik hmang,” a si; Keimah cu thiik nei Pathian ka si.
15 Hi ram ih minung pawl thawn thukamnak zianghman tuah hlah uh; zianghrangah tile taksa zuar pawl bangin an khawzing pawl an biak ih, raithawinak an pek tikah nannih khal an lo leem dingih an raithawinak rawl tla nan ei pang ding.
16 An fanu pawl tla nan fapa pawl hrangah nan òhi pang pei ih cuih nunau pawl cun taksa zuartu bangtukin an khawzing hrangah hna an òuan ding ruangah nan fapa pawl cu an hruai sual pang dingih an khawzing pawl ih hnaòuantu riangri ah an canter pang ding.
17 “Nanmah hrangah thir pawl khi eer tahrat in milem ah nan tuah lo pei.Ref 34:17 Suah 20:4; Pui 19:4; Daan 5:8; 27:15;
18 “Thilnu tel lo Sang Puai cu nan tuah ringring pei.Ref 34:18 Suah 12:14-20; Pui 23:6-8; Mipum 28:16-25; Thu ka lo pek zo bangtukin Abib thla ah thilnu tel lo sang cu ni sarih sung nan ei pei; ziangahtile cuih thla ah Izipt ram in nan suak a si.
19 “Minung siseh, òilva siseh, fatir pohpoh cu ka ta an si;Ref 34:19 Suah 13:2; nan caw siseh, nan tuu siseh, an hrin hmaisabik a pa pohpoh cu ka ta an si.
20 Sikhalsehla laakih fatir pohpoh cu a ai ah tuu pakhat pekin nan tlensal pei. Nan tlen lo asile a hngawng nan merh kiak pei. Nan fapatir pohpoh cu nan tlen pei.Ref 34:20 Suah 13:13;
“Zokhal sisehla thawinak pe lo in kut lawngin ka hmaiah a ra thei lo pei.
21 “Niruk sung hna nan òuan pei ih lo rih caan le rawlkhawm caan a si khalle ni sarih ni ahcun hna nan òuan lo pei.Ref 34:21 Suah 20:9, 10; 23:12; 31:15; 35:2; Pui 23:3; Daan 5:13, 14;
22 “Nan sangvut pawl a cu ih nan khawm thok tikah Thlaithar Puai tuah uhla kum a cem zawng ih rawl nan khawm tikah Rawlkhawm Puai nan tuah pei.Ref 34:22 Pui 23:15-21; 39-43; Mipum 28:26-31;
23 “Nan mipa hmuahhmuah cu kum khat ah vei thum Bawipa Israel ih Pathian Keimah in ra bia pei.
24 Nan hmai ihsin miphun dang pawl ka dawi òheh ih nan ram ka kauhter òheh hnu ahcun Bawipa nan Pathian keimah ih hmaiah kum khat ah vei thum puai tuah dingih nan rat sungah zohman in nan ram cu neh an tum lo ding.
25 “Ka hrangih thawinak òilva nan pek tikah thilnu telmi sang cu nan hmang hrimhrim lo pei. Lantak Puai nan tuah ih òilva nan thahmi sa cu a thaizing tiang nan ret lo pei.Ref 34:25 Suah 12:10;
26 “Nan lo sung rawl nan khawm hmaisabikmi sung ihsin a òha bik cu Bawipa ih inn ah nan rak keng pei.Ref 34:26 Daan 14:21; 26:2;
“Tuu note cu a nu ih hnawiti in nan suang lo pei,” tiah a ti.
27 Bawipa in Moses hnenah, “Hi ka simmi pawl hi ngan aw; ziangahtile nangmah le Israel mi hnenih thukam ka tuahmi cu hi ka hmurka ihsin a suakmi ka òong pawl ruangih ka tuahmi a si,” tiah a ti.
28 Curuangah Moses cu ni sawmli le zan sawmli, rawl ei lo le tidai in lo in Bawipa ih hnenah a um. Thukamnak ih òongkam, Thukham Pahra sungih a ummi, Pathian òong pawl cu lungpheng parah Moses in a ngan òheh.
Tlang Par In Moses A Òum
29 Moses cu lungpheng pahnih parih nganmi Thukham Pahra kengin a rung òum tikah, Bawipa thawn an biakawk rero ruangah, a hmai cu a tleu òheh; asinain amah cun a thei aw lo.
30 Aaron le Israel mi pawl in Moses cu an rak zoh ih a mithmai tle kha an hmuh tikah an òih ih an naih ngam lo.
31 Sikhalsehla Moses in a ko hai ih Aaron le Israel mi hruaitu pawl cu a hnenah an fehsal. Cule Moses cun an hnenah thu a sim.
32 Cuih hnuah Israel mi pawl cu a hnenah an ra òheh. Cutikah Sinai Tlang parah Bawipa in a pekmi daan hmuahhmuah cu Moses in Israel mi hnenah a pek.
33 Cun thusim a òheh tikah Moses cun hmaikhuhnak puan paate in a hmai a khuh aw.
34 Bawipa thawn bia aw dingin Bawipa ih umnak Puanthlam sungih a luh tin tein a hmaikhuh cu a ong ih thlam sung ihsin a ra suaksal tikah a khuh awsal òheu. Thlam sung ihsin a ra suah tikah Bawipa ih thupek hmuahhmuah cu Israel mi hnenah a sim sin òheu.
35 Cutikah Moses ih mithmai cu tleu zet in an hmu. Thusim a òheh tikah a hmaikhuh cun a khuh awsal òheu ih, Bawipa thawn bia aw dingin Puanthlam sungih a luhsal hlan lo a hmai cu a khuh aw ringring.Ref 34:29-35 2 Kor 3:7-16;