33
Feh Dingah Bawipa Ih Thupek
1 Bawipa in Moses hnenah, “Izipt ram ihsin na hruai suakmi pawl thawn hi hmun hin Abraham, Isaak, JakobRef 33:1 Sem 12:7; 26:3; 28:13; le nan tesinfa pawl hnenah pe dingih ka rak tiam cia mi ram ah va feh uh.
2 Nan hmaiah vancungmi ka fehter dingih Kanaan mi, Amor mi, Hit mi, Periz mi, Hiv mi le Jebus mi pawl cu ka dawi thluh ding.
3 Cawhnawi le khuaitizu luannak ram ah nan feh ding. Sikhalsehla kei cu nan hnenah ka feh lo ding. Ziangahtile milungruh pawl nan si ruangah lamzin ah ka lo siatsuah thluh hai pang ding,” tiah a ti.
4 Cuih thusia cu Israel mi in an theih tikah an riah a sia ih an òap; zohman in an suingun khal an hruh duh lo.
5 Cule Bawipa in Moses hnenah, “Israel mi hnenah, “Nannih cu milungruh pawl nan si. Malte sung hman nan hnenah feh ningla ka lo siatsuah thluh ding a si. Curuangah nan suingun pawl cu phoih òheh uh. Cuih hnuah nan parah ziangso ka tuah ding ti ka thei ding,” a ti tiin sim aw,” tiah a ti.
6 Curuangah Sinai Tlang an thlen hnu in Israel mi pawl cun an suingun an hruh nawn lo.
Bawipa Ih Puanthlam
7 Israel mi pawl in riahnak hmun an khuarnak poh ah, Moses in Puanthlam cu a la ih riahnak hmun ihsin a leng hla deuh ah a sak. A cuih Puanthlam cu “ Bawipa ih Umnak Puanthlam,” tiah hmin a sak. Bawipa ton a duhmi pawl cu riahnak hmun ihsin an suak ih cuih Puanthlam ahcun an feh òheu.
8 Moses cu a cuih Puanthlam lam a feh tin tein, senpi pawl cu an sangka ciar ah an ding ih Bawipa ih Puanthlam sungih Moses a lut hlan lo an zoh òheu.
9 Cuih Puanthlam sungih Moses a luh hnuah mero cu a zualin a rung zam òheu ih Puanthlam sangka cu a zeel òheu; cule cuih mero sung ihsin Bawipa in Moses hnenah thu a sim òheu.
10 Puanthlam sangka ih mero a um kha misenpi in an hmuh tikah an ding ih an thlam sangka ihsin an lu an kuun ciar òheu.
11 Rualpi òha biak awk bangtukin Bawipa le Moses cu hmaiton tein an bia aw òheu. Cuih hnuah Moses cu riahnak hmunah a kirsal òheu. Asinan Moses bawmtu tlangval Joshua, Nun ih fapa cu thlam sungah a tangta òheu.
Bawipa In Umpi Dingah A Kam
12 Moses in Bawipa ih hnenah, “Hi Israel mi pawl Kanaan ram ih hruai dingah i fial ti cu ka thei; asinain keimah thawn feh dingah zoso na thlah ti cu i sim hrih lo. “Nangmah cu ka lo thei zet ih ka lung i awiter zet a si,” tiah i ti zo.
13 Curuangah ka parah na lung a awi a si ahcun nangmah cu ka lo theih sinsin ih na lung ka awiter ringringnak dingah na tumtahmi i sim hram dingin zangfah ka lo dil. Hi Israel mi pawl hi na miphun si dingah na rak hril khal kha ciing hram aw,” tiah a ti.
14 Cutikah Bawipa in, “Na hnenah ka feh dingih hnangamnak ka lo pe ding a si,” a ti.
15 Cule Moses in, “Kan hnenah na feh lo ding a si ahcun hi hmun ihsin in fehter nawn hlah aw.
16 Ziangahtile in fehpi lo a si ahcun na minung pawl le keimah in na mithmai òha kan co zia hi ziangtinso mi in an theih ding? In umpinak hin leilungtlun ih miphun hmuahhmuah lak ihsin kan hleicet zia a langter ding a sisi,” tiah a ti.
17 Cutikah Bawipa in Moses hnenah, “Na dilmi vekin ka tuah ding; ziangahtile ka lo theih zetmi na si ih na parah ka lung a awi zet,” tiah a ti.
18 Cule Moses in, “ Bawipa, zangfah tein na sunlawi zia i hmuh hram aw,” tiah a dil.
19 Cutikah Bawipa in, “Ka sunlawi zia cu ka lo hmuh dingih ka hmin thianghlim cu na hmai rori ah ka phuang ding: Keimah cu Bawipa ka si. Ka lainat duhmi cu ka laina dingih ka zangfah duhmi cu ka zangfah ding.Ref 33:19 Rom 9:15;
20 Sikhalsehla ka hmai rori cu nan hmu thei lo ding. Ziangahtile ka hmai a hmutu cu zohman an nung lo ding a si,” tiah a ti.
21 Cuih hnuah Bawipa in, “Zoh hnik, lungpi parah dinnak òha ka kiangah hmun a um.
22 Na kiangte ihsin ka sunlawinak a ra lan tikah lungpi kua sungah ka lo thup pei ih ka lo lan ngah hlan lo ka kut in ka lo hup ding.
23 Cun ka kut ka laksal tikah ka dunglam lawng i hmu ding; ka hmai cu na hmu ngah lo ding,” tiah a ti.