22
Cawhkuan Daan
1 “Mi pakhat in cawcang asilole tuu a ruk ih a that, asilole a zuar a si ahcun, cawcang pakhat ai ah cawcang panga in a kuan pei; tuu pakhat ai ah tuu pali in a kuan pei.
2-4 Cuticun a ruk man cu a kuan hrimhrim pei. Zianghman a nei lo asile a rukmi kuannakah amah cu zuar a si pei. Asinan a rukmi cawcang, asilole laak, asilole tuu cu a hnenah a nung in an hmuh asile a lethnih in a kuan pei.
“Rukru pakhat cu zan ah inn a bauh ih an kai ih an that asile a thattu cu laithat a si lo. Asinan nisuah hnu ih a thah a si ahcun laithat a si.
5 “Mi pakhat in lo ah siseh, sabit hmuan ah siseh, a òilva pawl hrampi a eiter lai ah an hri a suut ih midang lo an ei thluh asile òilva neitupa cun a lo òha bik asilole a sabit hmuan òha bik in a kuan pei.
6 “Mi pakhat in meisa a ur ih hrampi khal a kang hnuah rawl khawlmi pawl le rawl kung pawl, asilole lo sungih thingkung ciinmi pawl a kang thluh a si ahcun meisa a urtu in a siatsuah mi hmuahhmuah a kuan thluh pei.
7 “Mi pakhat in midang hnenah paisa siseh, a dang thil mankhung siseh, a retter ih mi in an ruk sak asile a rutu an kai a si ahcun a lethnih in a kuan pei.
8 Cun a rutu an kai lo a si ahcun a ret saktu cun a rualpa ih thilri a lak lonak kha puang dingin Pathian hmaiah siat a cam aw pei.
9 “Mi pahnih thilri an cuh aw ih cawcang siseh, laak le tuu siseh, hnipuan asilole a hlomi thildang pakhatkhat ka ta a si an ti veve a si ahcun an thu cu Pathian hmaiah suahpi a si pei. Pathian ih mawh a pekmi in a lethnih in a kuan pei.
10 “Mi pakhat in midang pakhat hnenah laak, caw, tuu, asilole òilva dang pakhatkhat a kilkhawiter ih, a òilva cu a thi, asilole a tuahmawh aw, asilole rukru in an tlanpi ih zohman a hmutu an um lo a si ahcun,
11 Bawipa ih hmaiah siatcamnak in a rualpi ih òilva a lak le lak lo a hliah aw pei. Rukru ih lakmi a si lo ahcun a kilkhawitu in a kuan lo pei. A neitu cu a sung ko pei.
12 Sikhalsehla a cuih òilva cu an ruk a si ahcun a kilkhawitu in a kuan pei.
13 Sahrang in a deh asile a sa hlahmi kha tetti ah a rak keng pei. Sahrang ih dehmi cu a kuan a òul lo pei.
14 “Mi pakhat in midang ih òilva a saang ih a neitu um lo sungah a thi, asilole a tuahmawh aw a si ahcun, a saangtu in a kuan pei.
15 Sikhalsehla a neitu a um a si ahcun a kuan lo pei. Man nei ih saanmi òilva asile a sanman lawng kim tein a pek pei.
Ziaza Le Biaknak Lamih Thlun Ding Daan
16 “Fala himte mi ih ham hrih lomi, mi pakhat in a thlem ih a sualpi asile a man hmuahhmuah a pe thluh pei ih a òhi pei.
17 Sikhalsehla a òhit ding cu a fala ih pa in a lung a kim lo asile fala ih man zat cu paisa in a pek thotho pei.Ref 22:16, 17 Daan 22:28,29;
18 “Dawithiam nunau cu nan nunter lo pei.Ref 22:18 Daan 18:10, 11;
19 “Òilva a sualpitu milai cu thah a si pei.Ref 22:19 Pui 18:23; 20:15,16; Daan 27:21;
20 “ Bawipa Pathian hnen siar lo, a dang khawzing hnenih thawinak a petu cu thah a si pei.Ref 22:20 Daan 17:2-7;
21 “Ramdangmi mikhual cu nan tuahsia lo pei ih nan zonzaihter lo pei. Ziangahtile nannih khal Izipt ram ah ramdangmi mikhual nan rak si ve.
22 Nuhmei siseh, nupa nei lo ngakòah siseh, nan tuahsia lo pei.Ref 22:21, 22 Suah 23:9; Pui 19:33, 34; Daan 24:17, 18; 27:19;
23 Nan tuahsiat asile bomnak dilin ka hnenih an au tikah an aw ka thei dingih,
24 ka thinhennak cu meisa bangtukin a alh pei ih, doral ah ralnam in ka lo that ding. Nan nupi pawl cu nuhmei ah an cang pei ih nan faale pawl ngakòah ah an cang ding.
25 “Nannih in ka minung pawl sung mifarah hnenih paisa nan coih tikah paisa coihtu pawl ih an tuah òheu bangtukin nan tuah lo pei ih paisa òhang khal nan la lo pei.Ref 22:25 Pui 25:35-38; Daan 15:7-11; 23:19, 20;
26 A lo rulhnak dingih kamawknak ah a puan nan lak sak asile nitlak hlanah nan khirhsal tengteng pei,
27 ziangahtile a sin dingmi cu cumite lawng a si. Culole ziangso a sin ding? Bomnak dilin ka hnenih a au asile a aw cu ka thei ding; ziangahtile kei cu mi zangfahtu ka si.Ref 22:26, 27 Daan 24:10-13;
28 “Pathian nan thangsiat lo pei ih nan miphun hotu khal nan cam lo pei.Ref 22:28 Tirh 23:5;
29 “Nan rawl, nan sabitti le nan olif hriak pawl cu ka hnenih pek dingah nan nuar lo pei.
“Nan fapa upa bik cu ka hnenah nan pek pei.
30 Nan caw siseh, nan tuu siseh, an hrin hmaisabikmi cu ka hnenah nan pek pei. An fatir cu a nu ih hnenah ni sarih a um pei ih, ni riat ni ah ka hnenah nan pek pei.
31 “Nannih cu ka hrangah mithiang nan si ding; curuangah hramlak ih sahrang ih dehmi saseh cu nan ei lo pei. Uico nan pek sawn pei.Ref 22:31 Pui 17:15;