21
Sal Neihdan
(Daan 15:12-18)
1 “Hi a thuailam daan pawl cu Israel mi hnenih na pek dingmi an si:
2 Hebru mi sal ih nan lei tikah kum ruk sung sal a si ding. Kum sarihnak ahcun zianghman kuan òul lo in a luat pei.
3 Sal si a thok tikah nupi nei lo a si ahcun nupi nei lo in a luat pei. Nupi nei cia a si ahcun a nupi thawn an luat tlang pei.
4 Asinan sal a si sungah a bawipa in nupi a òhit sak ih fanu fapa a nei asile a nupi le a faate pawl cu a bawipa ih ta an si pei ih amah lawng a luat pei.
5 Sikhalsehla a salpa in, “Ka bawipa, ka nupi le ka faate pawl ka duh hai a si, luat ka duh lo,” a ti ahcun,
6 a bawipa in Pathian hnenah a hruai pei ih sangka ah, asilole sangka tunrel ah a fehpi hnuah a hna a vit pei. Cuticun kumkhua in a sal ah a cangta pei.Ref 21:2-6 Pui 25:39-46;
7 “Mi pakhat in a fanu sal ih a zuar a si ahcun mipa vekin nunau cu a luat thei lo pei.
8 Nupi ih tuah a tumtu a bawipa ih thinlung a nomter lo a si ahcun a pa in a tlensal thei ding. A bawipa in mi phundang hnenah a zuar thei lo pei, ziangahtile cumi cu thil mawi lo a si.
9 Asinan sal ah a lei nain a fapa nupi dingih a tum a si ahcun a fanu tluk ah a ruat pei.
10 Cun nupi ih a neih hnuah nupi dang a òhitsal a si khalle a nupi hlun cu a hlan vek thotho in rawl le hnipuan le nupi a sinak covo cu a ngah thotho pei.
11 Hi thil phunthum a pek thei lo asile zianghman kuan òul lo in a luat pei.
Tuahmawhnak Thawn Pehparmi Daan
12 “Midang a thawithattu cu thah an si ve pei.Ref 21:12 Pui 24:17;
13 Asinan thah hrim si lo in tuahmawh pang mi asile nan hrangih ka hrilmi hmunah a tlan pei ih cunah a relh thei pei.Ref 21:13 Mipum 35:10-34; Daan 19:1-13; Jos 20:1-9;
14 Sikhalsehla mi pakhat in thinheng in midang a that hrim asile ka biakòheng ah him duhih a relh hmanah nan diirsuak pei ih nan that pei.
15 “Mah ih nu asilole, mah ih pa, a vuatu cu thah a si pei.
16 “Mi pakhat in midang pakhat kha zuar dingah siseh, sal ih ret dingah siseh, a duh lo cingin a ruk ih a tlanpihlo asile cupa cu thah a si pei.Ref 21:16 Daan 24:7;
17 “Mah ih nu asilole, mah ih pa, a camtu cu thah a si pei.Ref 21:17 Pui 20:9; Mat 15:4; Mar 7:10:
18 “Mi pahnih an sual aw ih pakhat in pakhat pa kha lungto in a sut, asilole a kuttum in a thong ih a tuahmawh nain a thi lo a si ahcun a thawitu pa cu hrem a tuar lo pei. Asinan a thawi mipa cu tho thei lo in hmun a to ih,
19 a dam hnuah kianghrol hman òul a si ahcun a hmunto sung a nihlawh a kuan pei ih a dam ngah hlan lo a kilkhawi pei ih a bawm pei.
20 “Mi pakhat in a salnu asilole a salpa kha funghreu in a vuak ih hmakhat teah a thi asile a vuatu cu hremnak a tuar pei.
21 Asinan a sal cu nikhat nihnih a nun a si ahcun a bawipa cu cawhkuan a tong lo pei. Ziangahtile a sal cu a thilri a si ih a thilri a sun cu a mawitawk cawhkuan a si zo.
22 “Mi an sual aw ih nunau favun an tuahmawh ih amah a thi lo nain a fa a siat asile a tuahmawhtu pa in nunaunu ih pasal ih ngen zat, thureltu pawl ih an rel hnuah a kuan pei.
23 Asinan nunaunu cu tuahmawhnak a tong ih a thi asile nunnak cu nunnak in kuan a si pei;
24 mit cu mit in, ha cu ha in,Ref 21:24 Pui 24:19,20; Daan 19:21; Mat 5:38; kut cu kut in, ke cu ke in,
25 ur cu ur in, hriamhma cu hriamhma in, vunpilh cu vunpilh in kuan a si pei.
26 “Mi pakhat in a salnu asilole a salpa a mit ah a vuak ih a mit a cawt asile a mit man ah a sal cu a luatter ding.
27 A ha a beuhter asile a ha man ah a sal cu a luatter ding.
Òilva Neitu Pawl Ih Thlun Dingdan
28 “Cawcang in nunau asilole mipa pakhat a khit that a si ahcun cawcang cu lungto in den that a si pei ih a sa cu ei a si lo pei. Asinan caw neitupa cu cawhkuannak a tuar lo pei.
29 Sikhalsehla cuih caw cu a he zet ih mi khal a zon òheu hrangah a neitupa cu an sim cia zo nain khum lo in a thlah men ih nunau asilole mipa a khit that a si ahcun, a cuih caw cu lungto in den that a si pei ih, a neitu khal thah a si ve pei.
30 Asinan that lo in cawhkuan ding sawn in an rel a si ahcun a nunnak tlen dingah an cawh zat cu a kuan thluh pei.
31 Cun cawcang in suakthuan tualleng, nunau khal siseh, mipa khal siseh, a khit that asile a tlunih daan thotho hi thlun a si pei.
32 Salnu asilole salpa a khit that asile caw neitu in sal neitu hnenah ngun tangka sawmthum a kuan pei ih cawcang cu lungto in den that a si pei.
33 “Mi pakhat in khur a lai ih a khuh a tuah lo ruangah asilole a khur cu a khuh a on ta ruangah, cawcang asilole laak a tlak asile,
34 a cuih òilva man cu a kuan pei. Òilva neitu ih hnenah paisa a pek pei ih a thimi òilva sa cu amah in a co pei.
35 Mi pakhat ih cawcang in midang cawcang a khit that asile an pahnih in a nungmi cawcang cu an zuar pei ih a man an òhen aw pei. A thimi cawcang ih sa khal an òhen aw pei.
36 Sikhalsehla cawcang cu a he zet ih mi khal a zon òheu ti theih asinain a neitu pa in a khum lo a si ahcun a kuan pei; a nungmi cawcang cu a thimi cawcang ai ah a pek pei ih a thimi cawcang cu amah in a co pei.