23
Diknak Le Felnak
1 “A dik lomi thu nan than lo pei.Ref 23:1 Suah 20:16; Pui 19:11,12; Daan 5:20; A mawhmi òan duh ah a dik lomi thu va sim hlah.
2 Thilsual tuah dingah mi tam deuh va thlun cuang hlah. Tazacuainak ih thurelnak ah mi tam sawn ih lungkimnak tuah duh ah a dik lomi thu va sim hlah.
3 Mifarah pa ih thu rel a si tikah a farah ruangah va òan cuang hlah.Ref 23:3 Pui 19:15;
4 “Na ral ih cawcang asilole laak a tlanmi na hmu a si ahcun a hnenah na hruai kirsal pei.
5 A rang khal a thilrit ruangah a bok a si ahcun fehsan in na tanta lo pei; a rang cu na thawh bawm pei.Ref 23:4, 5 Daan 22:1-4;
6 “Nan lakih farah nauta ih thu nan relsak tikah nan namnuai lo pei.
7 A dik lo ih midang sualpuh cu nan hrial pei. Mawhnak a nei lomi cu nan that lo pei. A thattu an um asile ka zuah hrimhrim lo ding.
8 Nawhthuh nan la lo pei; ziangahtile nawhthuh a eitu cun, a nawhthuh eimi in a mit a cawtter ruangah, thudik a hmu thei nawn lo ih mawhnak a nei lomi ih lamzin khal a pitter thluh a si.Ref 23:6-8 Pui 19:15; Daan 16:19;
9 “Ramdang mikhual nan tuahsia lo pei; nannih khal Izipt ram ah ramdang mikhual nan rak si zo ih mikhual si cu ziangvek a si, ti nan thei a si.Ref 23:9 Suah 22:21; Pui 19:33,34; Daan 24:17,18; 27:19;
Kum Sarihnak Le Ni Sarihnak
10 “Kum ruk sung nan lo ah thlaici nan tuh pei ih a suakmi cu nan khawm pei.
11 Asinan kum sarihnak cu nan colhter pei ih lo sungih a khomi zianghman nan khawm lo pei. Lo sungih a khomi a um asile nanmah lakih mifarah pawl in an khawm pei ih a tangmi cu ramsa pawl in ei men hai seh. Cubangtuk thotho in nan sabit hmuan le nan olif hmuan khal nan tuah pei.Ref 23:10, 11 Pui 25:1-7;
12 “Ni ruk sung hna nan òuan pei ih ni sarih ni cu hnaòuan lo in nan cawl pei.Ref 23:12 Suah 20:9-11; 31:15; 34:21; 35:2; Pui 23:3; Daan 5:13, 14; Cuticun nan caw le nan rang khal an cawl pei ih, nan hnenum le nan mikhual khal thazang thar an ngah ding.
13 “Nan hnenih ka simmi hmuahhmuah hi ngai uh. Khawzing dang pawl ih hmin a saal khal saal hlah uh; an hnenah thla khal cam hlah uh.
Puai Tumpi Pathum
(Suah 34:18-26; Daan 16:1-17)
14 “Kum khat sungah keimah upatnak ah puai pathum nan tuah pei.
15 Thilnu Tello Sang Puai nan tuah pei.Ref 23:15 Suah 12:14-20; Pui 23:6-8; Mipum 28:17-25; Ka lo sim zo vekin ni ka lo tinmi Abib thla ah ni sarih sung thilnu tel lo sang nan ei pei; ziangahtile cuih thla ah Izipt ram ihsin nan suak a si. Kut lawngin ka hnenah zohman nan ra lo pei. Kutken thawn keimah bia dingah nan ra pei.
16 “Nan lo sungih nan tuhmi thlaikho a cut ih hmasa bik nan lak tikah Thlaithar Puai nan tuah pei.Ref 23:16 Pui 23:15-21, 39-43; Mipum 28:26-31;
“Cule kum a cemw 23:16 Kum cem: timi hi rawlòuan kum a si ih October 15 hrawngih cemmi a si. ih nan sabit hmuan le nan lo ihsin thingrah pawl nan khawm tikah Rawlkhawm Puaix 23:16 Rawlkhawm Puai: timi hi Deuthlam Puai ti tla in an ti. nan tuah pei.
17 Nanmah lakih mipa hmuahhmuah cu kum khat ah vei thum, hi puai caan ah, keimah Bawipa nan Pathian hmaiah nan ra pei.
18 “Ka hnenah thawinak nan tuah ih òilva in pek tikah thilnu rawimi sang nan hmang lo pei. Ka hrangih nan tuahmi puai ih nan thahmi òilva ih thau pawl cu a thaizing tiang nan tangter lo pei.
19 “Nan lo ihsin nan lakmi rawl thar a òha bik pawl cu Bawipa nan Pathian ih inn sungah nan rak keng pei.
“Tuufaate cu a nu ih hnawiti in nan suang lo pei.Ref 23:19 Daan 14:21; 26:2;
Thukamnak Le Thuzirhnak
20 “Nan lamtluanih a lo kilvengtu ding le nan hrangih ka timtuah zomi ram ih a lo hruaitu dingah nan hmaiah vancungmi pakhat ka thlah ding.
21 Amah cu nan upat pei ih a simmi thu cu ngai in nan thlun pei. Amah cu kan duh lo tiin nan ralsan lo pei, ziangahtile ka hmin in hna a òuan a si. Nan ralsan pang asile a lo ngaidam hrimhrim lo ding.
22 Sikhalsehla a thu nan ngai ih ka simmi hmuahhmuah nan tuah asile nan ral pawl cu ka do dingih a lo raltu cu ka ral ve ding a si.
23 Ka vancungmi cu nan hmaiah a feh pei ih Amor mi, Hit mi, Periz mi, Kanaan mi, Hiv mi le Jebus mi pawl ih ram ah a lo hruai ding a si. Cuih mi pawl cu keimah in ka siatsuah thluh ding.
24 Cuih mi pawl ih khawzing pawl cu nan biak lo pei ih an hmaiah nan lu khal nan kun lo pei. Himi pawl ih tuahdan vekin nan tuah lo pei. An khawzing pawl cu nan siatsuah thluh pei ih an khawhrum pawl cu nan khuaibal thluh pei.
25 Nannih cu Bawipa nan Pathian nan biak pei; rawl le tidai in ka lo thluasuah dingih nan hnen ihsin natnak cu ka laakhlo òheh ding a si.
26 Cuih nan ram ahcun nunau in nausiat ti an nei lo dingih nucing ti khal an um lo ding. Nan san ka sauter ding a si.
27 “A lo dodaltu pawl cu keimah in òihnak dingah an parah hna ka òuan ding. A lo dotu pawl lakah buainak ka thlengter dingih nan ral pawl cu dunglam ah siip tahrat in ka tlanter thluh ding.
28 Nan hmaiah òihnungza khuai-ngal pawl ka thlah pei ih Hiv mi, Kanaan mi le Hit mi pawl cu nan thlen hlanah an rak dawitlan thluh ding.
29 Kum khat sungah ka dawi thluh lo ding, ziangahtile ramòhing ah a cang pang dingih ramsa pawl tla an karhzai pei ih nan hrangah an tam tuk pang ding.
30 Nan tam deuhdeuh ih ram pumpi nan lak òheh thei hlan lo, maltete in ka dawi ding.
31 Nan ramri cu Tipi Sen ihsin Mediterranean tifinriat tiang ka kauter dingih thlanglam nelrawn ihsin Eufrates tiva tiang ka sauter ding. Cuih ram sungih a ummi minung pawl ih tlunah huham ka lo neiter dingih nan dawisuak thluh ding.
32 Anmah thawn siseh, an khawzing pawl thawn siseh, lungkimnak nan tuah lo pei.
33 Nan ram sungah nan umter hai lo pei; nan umter asile ka parah sualnak an lo tuahter ding. An khawzing pawl nan biak asile a lo thlemsiat tengteng ding a si,” tiah a ti.