20
Thukham Pahra
(Daan 5:1-21)
1 Pathian in hitiin an hnenah a sim:
2 “Keimah cu sal ih nan taannak Izipt ram ihsin a lo suaktertu Bawipa nan Pathian ka si.
3 “Keimah siar lo pathian dang nan bia lo pei.
4 “Vancung ah siseh, leilung parah siseh, leihnuai tidai sungah siseh, a ummi pawl hmuihmel cuangin nan hrangah milem nan tuah lo pei.
5 Milem nan bia lo pei; a hmaiah nan lu khal nan kun lo pei; ziangahtile keimah cu Bawipa nan Pathian ka si ih thiik nei Pathian ka si. Keimah i huatu parah cun an sualnak ruangah ka hrem hai dingih an tesinfa san, santhum sanli tiang cawhkuannak ka thlenter ding.Ref 20:4, 5 Suah 34:17; Pui 19:4; 26:1; Daan 4:15-18; 27:15;
6 Sikhalsehla keimah i duhtu le ka daan pawl a thluntu ih parah cun ka duhdawtnak cu cat lo in san thawng tampi tiang ka thlenter a si.Ref 20:5, 6 Suah 34:6, 7; Mipum 14:18; Daan 7:9, 10;
7 “ Bawipa nan Pathian ih hmin cu duhdah menin nan saal lo pei; ziangahtile Bawipa Keimah in ka hmin cuti a hmangsualtu cu ka hrem ding.Ref 20:7 Pui 19:12;
8 “Sabbath ni thiangte in nan ul pei.Ref 20:8 Suah 16:23-30; 31:12-14;
9 Niruk sungah nan hna hmuahhmuah nan òuan pei,
10 ni sarih ni cu sabbath ni a si ih Bawipa nan Pathian hrangah a si. Cuih ni ahcun hna nan òuan lo pei; nanmah siseh, nan faate pawl siseh, nan sal pawl, nan òilva pawl le nan khuasung ih a ra ummi miphundang pawl khal siseh, hna an òuan lo pei.Ref 20:10 Suah 23:12; 31:15; 34:21; 35:2; Pui 23:3;
11 Niruk sung Bawipa in van le leilung, tipi le a sungih a ummi hmuahhmuah a tuah ih a ni sarih ni ah a cawl. Curuangah Bawipa in sabbath cu a thluasuah ih amah ih hrangah a thianter a si.Ref 20:11 Sem 2:1-3; Suah 31:17;
12 “Nan nu le nan pa nan upat pei; cuticun Bawipa nan Pathian ih ka lo pekmi leiram parah cun san sau in nan nung ding.Ref 20:12 Daan 27:16; Mat 15:4; 19:19; Mar 7:10; 10:19; Luk 18:20; Efe 6:2, 3;
13 “Mi nan that lo pei.Ref 20:13 Sem 9:6; Pui 24:17; Mat 5:21; 19:18; Mar 10:19; Luk 18:20; Rom 13:9; Jeim 2:11;
14 “Òaangòawm sualnak nan tuah lo pei.Ref 20:14 Pui 20:10; Mat 5:27; 19:18; Mar 10:19; Luk 18:20; Rom 13:9; Jas. 2:11;
15 “Ruk nan ru lo pei.
16 “Nan innhnen parah a dik lo theihpitu nan si lo pei.Ref 20:16 Suah 23:1; Mat 19:18; Mar 10:19; Luk 18:20;
17 “Mi thil nan daw lo pei. Mi inn siseh, mi nupi le mi sal pawl siseh, an caw, an rang le midang ih neihmi hmuahhmuah nan daw lo pei,”Ref 20:17 Rom 7:7; 13:9; tiah a ti.
Israel Mi Pawl An Thin A Phang
(Daan 5:22-33)
18 Israel mi pawl in khuari le tuucangki tummi thawm an theih ih nimthlakau zohzo le meikhu suak hluahhlo tlang an hmuh tikah an òih tuk ih an khur thlohthlo. Curuangah a hlapi ah an va ding.
19 Cule Moses hnenah, “Nangmah kan hnenah òong awla kan lo ngai ding; Pathian kan hnenih a òong ahcun kan thi rori ding,”Ref 20:18, 19 Heb 12:18,19; tiah an ti.
20 Cutikah Moses in an hnenah, “Òih hlah uh! Ziangahtile Pathian cu amah nan òihzah ih nan sual lonak dingah nanmah hniksak ding lawngah a ra a si,” tiah a ti.
21 Asinan Israel mi pawl cu lam hlatpi ah an ding thotho. Pathian umnak khuadur kiangah cun Moses lawng a va feh.
Biakòheng Hrangih Daan
22 Bawipa in Moses hnenah, “Israel mi pawl hnenah hitiin sim aw, “Nan hnenah van ihsin ka òong ih nan hmu zo.
23 Keimah thawn cemcih ih biak dingah ngunih tuahmi khawvang siseh, sui ih tuahmi khawzing siseh, nan hrangah nan tuah lo pei.
24 Leilung ih tuahmi biakòheng ka hrangah nan tuah pei ih a parah nan mei-ur thawinak le nan pawlkom thawinak pawl, nan tuu le nan caw pawl in nan thawi pei. Keimah bia dingih ka lo simnak hmun kipah nan hnenah ka ra dingih ka lo thluasuah hai ding.
25 Ka hrangih lungto biakòheng nan tuah tikah thirkhen hmangin nan kher lo pei, ziangahtile nan borhhlawhter pang ding.Ref 20:25 Daan 27:5-7; Jos 8:31;
26 Ka biakòheng nan sak tikah a parih kainak dingah tiah kailawn thawn nan sak lo pei; nan sak asile nan kai tikah nan zahmawh nan langter sual pang ding, a ti,” tiah sim aw,” a ti.