19
Israel Mi Pawl Sinai Tlang Parah
1 Israel mi pawl cu Izipt ram ihsin an suah hnu thlathumnak nikhat ni ah Sinai nelrawn ah an thleng.
2 Refidim ihsin an pok ih Sinai nelrawn an thlen tikah Sinai Tlang hmaizawn ah an riak.
3 Cule Moses cu Pathian tong dingah tlang parah a kai.
Tlangpar ihsin Bawipa in Moses cu a ko ih a hnenah, “Jakob ih tesinfa pawl Israel mi hnenah hitiin sim aw,
4 “Izipt mi pawl parih ka tuahmi cu nan hmu zo a si ih nannih cu muvanlai in a thla parih a fano a thiar bangtukin ka hnenah ka lo thiar, ti khal nan hmu zo. Cuticun hitawk ka hnenah ka lo thlenpi hai a si.
5 Atu ka thu nan ngai ih ka thukam nan thlun asile nannih cu keimah ih minung nan si ding. Leilung pumpi hi ka ta a si, asinain nannih cu keimah ih hrilmi, ka minung hleice nan si ding.Ref 19:5 Daan 4:20; 7:6; 14:2; 26:18; Tit 2:14;.
6 Nannih cu keimah hrangih pekmi miphun thiang, puithiam hnaòuannak sungah keimah i riantu miphun nan si ding,” tiin Israel mi pawl hnenah sim aw,”Ref 19:6 Thup 1:6; 5:10; tiah a ti.Ref 19:6 1 Pit 2:9;
7 Curuangah Moses cu a feh ih Israel mi hruaitu pawl a ko khawm ih Bawipa ih thupekmi hmuahhmuah cu an hnenah a sim.
8 Cutikah misenpi in, “ Bawipa ih sim bangtukin kan tuah thluh ding,” tiah hmunkhat ah an let tlang. Moses in Israel mi pawl ih thulehnak cu Bawipa ih hnenah a va simsal.
9 Cutikah Bawipa in Moses hnenah, “Na hnenih thu ka sim tikah mipi pawl in an theih ih an lo zum ringringnak dingah na hnenah mero sah zet sungin ka ra ding a si,” tiah a ti.
Cule mipi pawl ih thulehnak cu Moses in Bawipa ih hnenah a va simsal.
10 Bawipa in Moses hnenah, “Mipi pawl hnenah feh awla, Bawipa bia dingah tuih sun le thai sun an timtuah aw hai seh. An hnipuan an sawp pei ih,
11 tipsun ahcun timtuah cia in an um pei. Cuih ni ah mi zate ih hmuh dingin Sinai Tlang ah ka rung òum ding.
12 Sinai tlang a kimvel in mipi pawl hrangah ramri na tuah pei ih, “Tlang parih nan kai lonak dingah le a hram tla nan tham lonak dingah ralring uh. Mi pakhatkhat in a tham asile cupa cu thah a si ding.
13 Amah cu zohman ih tham lo in lungto ih den that a si ding, asilole thal in kah that a si ding. Minung a si khalle òilva a si khalle thah a si ding,” tiin sim aw. Tuucang ki an tum tik lawngah mipi pawl cu tlang ah an kai pei,”Ref 19:13 Heb 12:18-20; tiah a ti.
14 Cutikah Moses cu tlangpar ihsin a òum ih, Pathian bia dingah mipi pawl cu an tim a tuahter. An hnipuan an sawp ih,
15 Moses in, “Tipsun cu timtuah cia in um uh; nunau hnen khalah it hlah uh,” tiah a ti.
16 A ni thumnak ni zinglam ah cun tlang parah khua a ri ih nimthla a kau zukzo. Mero sah zet a um ih tuucangki ring zet ih tummi a thang. Riahbuk ih a ummi hmuahhmuah cu an thinphang in an khur.Ref 19:16 Thup 4:5;
17 Cutikah Moses in mipi pawl cu Pathian tong dingah an riahbuk ihsin a suahpi hai ih tlang hram ahcun an ding.
18 Sinai Tlang hmuahhmuah cu meikhu in a tuam òheh.Ref 19:18 Daan 4:11,12; Ziangahtile Bawipa cu tlang parah meisa in a rung. Meikhu cu cahmang meikhu vekin a kai ih Sinai Tlang cu a pumpi in a hnin durdo.v 19:18 Sinai Tlang cu a pumpi in a hnin durdo tiin Hebru Baibal ah a um. Grik Baibal ahcun, mipi pawl cu an thinphang in nasa zet in an khur tiin a um.
19 Tuucang ki tummi cu a thang sinsin. Moses a òong tikah Pathian in khuari in a run let.
20 Bawipa cu Sinai Tlang parih a rung òum tikah Bawipa in Moses cu tlangzim parah a ko ih a kawh vekin a hung feh.
21 Cutikah Bawipa in Moses hnenah, “Vung feh awla keimah ra zoh duh ah ramri tla an lan lonak dingah mipi pawl ralrinnak vung pe aw. Culo ahcun mi tampi an thi ding a si.
22 Ka hnenih a rami puithiam pawl hman an thianfaiter awk a òul; culole ka cawh hai ding a si,” tiah a ti.
23 Cule Moses in Bawipa ih hnenah, “Mipi pawl cu an hung thei lo ding. Ziangahtile hi tlang cu a ri tuah uhla tlang thiang ah ret uh, tiah ralrinnak Nangmah in pe zo a si,” tiah a ti.
24 Bawipa in, “Vung feh awla na hnenah Aaron hun hruai aw. Asinan puithiam pawl le mipi pawl cun ramri lan hrimhrim hlah hai seh. Culo ahcun ka hrem hai ding a si,” tiah a ti.
25 Curuangah Moses cu a vung òum ih misenpi hnenah a vung sim.