18
Moses Hnenah Jethro A Leng
1 Midian ram ih puithiam, Moses ih pu Jethro in Moses le a minung Israel mi pawl hrangah Pathian ih a tuahmi hmuahhmuah le Izipt ram ihsin Bawipa ih a suahternak thu tla cu a rak thei òheh.
2 Cutikah Moses ih nupi, a pu hnenih a kuatmi, Zipporah cu Jethro in Moses hnenah a ratpi.
3 Jethro in Zipporah ih fapa pahnih,Ref 18:3 Tirh 7:29; Gershom le Eliezer khal a rak hruai. Moses in, “Tluang ram ah ramdangmi ka si,” tiin a fapa pakhat cu a hmin ah Gershomt 18:3 Gershom: ti mi cu ramdangmi ti thawn a aw suah a bang aw. a sak ih,Ref 18:2, 3 Suah 2:21,22;
4 a pahnihnak cu, “Ka pa ih Pathian cu i bawmtu a si ih Faro ih ralnam ihsin i run a si,” a ti ih a hmin ah Eliezeru 18:4 Eliezer: timi cu ka Pathian cu i bawmtu a si ti thawn a aw suah a bang aw. a sak.
5 Jethro cu Zipporah le a fapa pahnih thawn Pathian tlang thiang kiangih Moses a riahnak ramòhing ahcun an ra.
6 Cun Moses hnenah a pu in, “Keimah na pu Jethro cu na nupi le na fapa pahnih thawn kan ra a si,” tiah thu a hei than.
7 Cutikah Moses cu amah hmuak dingah a feh ih a ton tikah a hmaiah a kun ih a hnam. Cule an harhdam le dam lo thuhla an sut awk hnuah Moses ih riahbuk sungah an lut.
8 Moses cun Israel mi pawl ih ruangah Bawipa in Faro le Izipt mi pawl parih a tuahmi hmuahhmuah cu Jethro hnenah a sim òheh. Lamzin ih harsatnak an tonmi le Bawipa ih a runnak thu tla a sim òheh.
9 Cutiih Izipt mi kutsung ihsin a runsuaknak ruangih Bawipa ih òhatnak thu a theih tikah Jethro cu a lung a awi ngaingai ih,
10 “Faro le Izipt mi pawl hnen ihsin a lo runtu Bawipa cu thangòhat uh. Izipt mi pawl hnuai ih saltuarnak ihsin a minung a runsuaktu Bawipa cu thangòhat uh.
11 Bawipa cu khawzing dang hmuahhmuah hnakin a tum sawn a si, ti ka thei; ziangahtile Izipt mi pawl in Israel mi pawl ih parah huatnak thawn hna an òuan lai ah hi thil hmuahhmuah hi a tuah a si,” tiah a ti.
12 Cule Jethro in Pathian hnenah thawinak le mei-ur thawinak a pek ih, Aaron le Israel mi hruaitu pawl cu Moses ih pu Jethro thawn Bawipa ih hmaiah rawl an hil tlang a si.
Thuòhentu Pawl An Hril
(Daan 1:9-18)
13 A thai sun ah Moses cu a minung pawl ih thuòhen dingah a to ih, a hmaiah mipi pawl cu zing ihsin zanlam tiang an ding.
14 Moses ih pu Jethro in cumi a hmuh tikah Moses hnenah, “Mipi pawl hrangih thiltuah na tummi hi ziangso a si? Ziangahso nangmah lawng hitiin na to ih midang hmuahhmuah cu na kimvel ah zing ihsin zanlam tiang an din ringring?” tiah a ti.
15 Cutikah Moses in, “Hitiih ka tuah cu a òul hrimhrim a si. Ziangahtile Pathian ih duhmi ziangso a si, ti theih duh ah mipi pawl cu ka hnenah an ra.
16 Mi pahnih thu an el awk tikah ka hnenah an ra ih cutikah zoso a mawh, zoso a mawh lo tiin thu cu ka relcat sak ih an hnenah Pathian thupekmi le daan pawl cu ka sim,” tiah a ti.
17 Cutikah Jethro in, “Na thil tidan hi a dik lo.
18 Nangmah le nangmah na siatsuah aw dingih hi mipi pawl khal na siatsuah ding a si. Na thil timi hi a tam tuk. Nangmah pakhat lawngin na ti cawk lo ding.
19 Curuangah ka thu i ngai aw. Ruahnak òha ka lo pe dingih na hnenah Pathian a um ding. Nang cu Pathian hnenah misenpi ih palai na si pei ih an thu cu a hnenah na thlen ding.
20 Cun Pathian thupekmi le daan pawl cu an hnenah na zirh dingih an nundan ding le an tuah dingmi cu na simfiang ding.
21 Asinan thilti theinak a neimi mi hrekkhat hril awla cupawl cu Israel mi hruaitu dingah ret aw. A thawngthawng, a zaza, sawmnga le pahra ih hruaitu tla an si ding. Anmah cu Pathian òihzahtu le rinsan tlakmi an si pei ih nawhthuh pek theih lomi an si pei.
22 Cumi pawl cu a kumkhua in mipi pawl ih thuòhentu si hai seh. Thuhar deuhdeuh cu na hnenah an thlen pei. Asinan thu nepnawi pawl cu anmah tein rel hai seh. Cutiin na tuah asile na thilrit an lo phurh bawm ah a cang ih na nuam deuh ding a si.
23 Pathian ih duhnak a si bangin cutiin na tuah asile nangmah le nangmah na siatsuah aw lo dingih mipi ih thu cu relcat sak òheh an si ding ruangah an inn ah thawsuakin an kir ding a si,” tiah a ti.
24 Moses in Jethro ih thu cu a ngai ih a tivek cun a tuah.
25 Israel mi sung ihsin thil titheinak a neimi pawl a hril ih misenpi hruaitu dingah a ret hai. A thawngthawng, a zaza, sawmnga nga le pahra hra ih hruaitu an si.
26 An nunsungah cat lo in misenpi ih thuòhentu an òuan. Thu harsa pawl cu Moses hnenah an thlen. Asinan thu nepnawi pawl cu anmah tein an rel.
27 Cuih hnuah Moses in a pu cu cibai a buk ih Jethro cu a ram ah a tlung.