6
Sairas Thupekmi An Hmusal
1 Curuangah siangpahrang Darias in Babilon ih siangpahrang thu hminsinnak cabupi sungah cuih thu cu hawl dingin thu a pek.
2 Cule Media peng, Ekbatana khua ah cazual pakhat an hmu ih a sungah:
3 “Siangpahrang a can kum khatnak ah, siangpahrang Sairas in thawinak peknak ah le mei-ur thawi peknak ah Jerusalem ih Biakinn cu saksal dingin thu a pek. Cuih Biakinn cu pi sawmkua a sang dingih pi sawmkua a kau ding.
4 A phar pawl cu lungto le thing in an tuah dingih lungto thuah thum ah thing thuah khatin a si ding. Inn saknak ih a cemmi hmuahhmuah cu siangpahrang tangka sungin pek a si ding.
5 Siangpahrang Nebuchadnezzar in Babilon ih a retmi sui, ngun le beelkheng pawl cu khirh thluh a si dingih Jerusalem Biakinn ih an rak retnak hmun ciar ah retsal a si pei,” tiih nganmi an hmu.
6 Cutikah siangpahrang Darias in hitiin ca a khirh:
“Eufrates Nitlaknak lam peng uktu Mangki bawi Tattenai, Shethar Bozenai le Eufrates Nitlaknak lam pengih a ummi bawi upa pawl:
“Biakinn kiangkap ah tla rak um hlah uh;
7 an hnaòuan tla rak hnaihnok hlah uh. Judah peng uktu bawi le Judah mi hotu pawl in Pathian Biakinn cu a rak dinnak keel ah sak ko hai seh.
8 An òulnak kipah rak bawm sawn uh. Ka thupekmi cu hitiin a si: Cawlbaang lo ih hna an òuan theinak dingah Eufrates Nitlaknak lam ihsin siangpahrang hrangih an pekmi siah sungin inn saknak ih an cemmi hmuahhmuah cu zamrang in anmah nan rak pe pei.
9 Jerusalem ih puithiam pawl in an lo dil tikah an hnenah nitin tein pelh lo in an òulmi pawl-cawcang, tuu asilole tuufaate pawl Van ih Pathian hnenih mei-ur thawinak an pek dingah sangvut, cite, sabitti le olif hriak pawl tla nan rak pe pei.
10 Van ih Pathian hnenah a co tlakmi thawinak an pek ih keimah le ka fapa pawl hrang tla ah thlaza in cam sak theinak dingah a tlunih ka thupekmi pawl cu nan rak tuah tengteng pei.
11 Hi ka thupekmi a thlun lotu cu a inn ihsin kaan nan zuuk pei ih nan zum hnuah amah cu nan dawt pei.
12 Jerusalem cu Amah an biaknak hmun si dingih a hriltu Pathian in hi ka thupekmi a eltu le hi Biakinn siatsuah a tumtu siangpahrang le miphun cu siatsuah seh. Keimah Darias in hi thu cu ka pek a si. Ka thupekmi cu kim tein thlun thluh ding a si,” a ti.
Biakinn Cu Pathian Hnenah An Hlan
13 Eufrates Nitlaknak lam ram uktu Mangki bawi Tattenai le Shethar Bozenai le a dang bawi upa pawl in siangpahrang Darias thupekmi vek cun taimak suah in an tuah thluh.
14 Judah mi hotu pawl in Biakinn cu an sak ih profet Haggai le profet Zekhariah thuphuanmi thawngin an hnaòuan cu a sawtzet. Cule Israel ih Pathian le Persia siangpahrang Sairas, Darias le Artakzaksis pawl ih thupek vekin an òheh.Ref 6:14 Hag 1:1; Zek 1:1;
15 Darias in siangpahrang a òuan kum ruknak Adar thla ni thum ni ah Biakinn cu an sak òheh.
16 Cutikah Israel mi pawl, puithiam le Levi mi le Babilon saltannak ihsin a rakirmi hmuahhmuah in lungawi zet in Biakinn cu Pathian hnenah an hlan.
17 Cuih ni ah Pathian hnenih thawinak hrangah cawcang zakhat, tuucang zahnih le tunote zali an pek; cuih tlunah Israel miphun hleihnih hrang sualthlah thawinak ah me hleihnih an pek.
18 Moses cabu sungih tuah ding daan a um vekin Jerusalem Biakinn sungih hnaòuantu dingah puithiam pawl le Levi mi pawl cu a bur a bur in an òhen.
Lantak Puai
19 Babilon saltannak ihsin a kirmi pawl in thla khatnak thla ni hleili ni ah Lantak Puai an tuah.Ref 6:19 Suah 12:1-20;
20 Puithiam hmuahhmuah le Levi pawl hmuahhmuah in thianfainak an tuah ih an thiangfai òheh. Levi mi pawl in saltannak ihsin a ra kirmi pawl hrang le puithiam pawl le anmah ih hrangah Lantak Puai hrang thawinak rannung pawl an that.
21 Thawinak ih an pekmi sa cu a rakirmi Israel mi hmuahhmuah le Judah ram sungih a ummi khawvang betu pawl ih biaknak a dungtuntu pawl le Bawipa Israel ih Pathian bia dingih a rami pawl in an ei.
22 Ni sarih sung, Thilnu tello Sang Puai cu lungawi aipuang tein an tuah. Bawipa in Assiria siangpahrangq Assiria siangpahrang timi hi Israel ih ral a si òheu ruangih timi a si; culai ram uktu siangpahrang ngaingai cu Persia siangpahrang a si. Assiria ram cu BC 612 ah a net zomi ram a si. cu Judah mi parah thinlung òha a neihter ih Israel Pathian ih Biakinn saksal hnaòuannak ah tampi a bom hai ruangah a hlei in an lung a awi cuang.