7
Jerusalem Ah Ezra A Thleng
1 Kum a hung rei ih Artakzaksisr Artakzaksis timi hi Ezra 4:7 sungih fiantermi siangpahrang pakhatkhat hi a si ding. Artakzaksis I a si ahcun BC 465-424 kum sung a òuantu a si. Artakzaksis II a si ahcun BC 404-358 kum sung a òuantu a si ding. cu Persia siangpahrang a si tikah, Ezra an timi pa a um. Ezra ih pupa pawl cu Puithiam Sang Aaron ih cithlah an si. Ezra cu Seraiah fapa a si, Seraiah cu Azariah fapa a si, Azariah cu Hilkiah fapa a si;
2 Hilkiah cu Shallum fapa a si, Shallum cu Zadok fa a si, Zadok cu Ahitub fapa a si;
3 Ahitub cu Amariah fapa a si, Amariah cu Azariah fapa si, Azariah cu Meraioth fapa a si;
4 Meraioth cu Zerahiah fapa a si, Zerahiah cu Uzzi fapa a si, Uzzi cu Bukki fapa a si;
5 Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu Aaron fapa a si.
6 Ezra cu Daan thiam zet a si ih Bawipa, Israel ih Pathian in Moses hnenah a pekmi Daan thu cu a thei ngaingai. Ezra cu Bawipa in thluasuah a pe ruangah a dilmi hmuahhmuah cu siangpahrang in a pek.
7 Artakzaksis siangpahrang a òuan kum sarihnak kum ah Ezra cu Babilon ihsin Jerusalem ah Israel mi le puithiam pawl Levi mi pawl, Biakinn hla saktu pawl, Biakinn kotka kiltu pawl le hnaòuantu pawl thawn an feh.
8-9 Thla khat thla, ni khat ni ah Babilon ihsin an suak ih Pathian bomnak thawngin Jerusalem cu thla nga thla, ni khat ni ah an thleng.
10 Ezra in a tikcu hmuahhmuah cu Bawipa ih pekmi Daan zirnak ah le thlunnak ah siseh, cuih daan le daanterek pawl cu Israel mi pawl zirhsinnak ah siseh, a hmang.
Artakzaksis In Canganmi Ezra A Pek
11 Siangpahrang Artakzaksis in a tanglam ih cangan mis cangan mi timi hi a tanglam cang 12-26 tiang nganmi cakuat hi a si ih Aramaik òong in nganmi a si. cu Bawipa in Israel mi hnenih a pekmi daan le thupekmi pawl a thei zettu, puithiam le cathiam zetmi Ezra hnenah a pek:
12 “Siangpahrang Artakzaksis hnenin van ih Pathian ih Daan thu a thei zettu puithiam Ezra hnenah,
13 Ka uk sung khuazakip ih um Israel mi, puithiam pawl le Levi mi pawl, Jerusalem ih kir a duhmi hmuahhmuah cu na hnenah an kir thei ding, tiah thu ka pe a si.
14 Siangpahrang keimah le ruahnak i petu ka minung pasarih in, na òuanvo ih retmi Pathian ih pekmi Daan cu Judah le Jerusalem ah ziang bangtukin an thlun, ti vung zoh dingah kan lo thlah a si.
15 Israel ih Pathian, Jerusalem khua Biakinn a neitu hnenah, keimah le ruahnak i petu ka minung pasarih in pek kan duhmi sui le ngun na keng pei.
16 Cuih tlunah Israel mi le an puithiam pawl in Jerusalem ih ummi Pathian Biakinn hrangih an pekmi pawl le Babilon peng sung ihsin na khawm cia mi sui le ngun pawl khal na keng pei.
17 “Hi tangka pawl cu cawcang, tuucang, tunote, sangphut le sabitti pawl leinak ah fel zet in na hmang pei ih cupawl cu Jerusalem Biakinn ah thawinak thlairawl thawinak le inmi thawinak ah na pek pei.
18 A tanglai mi sui le ngun a um hrih asile nangmah le na ramsungmi pawl ih a mawi nan tinak ah le nan Pathian ih duhnak bangtukin nan hmang thei ding.
19 Biakinn sung hnaòuannak le Pathian biaknak ih hman dingah an lo pekmi bungbeel pawl hmuahhmuah cu Jerusalem khua, Pathian hrangah na pe thluh pei.
20 Biakinn hrangah na òulmi dangdang a um hrih asile siangpahrang tangka sungin na hmang thei ding.
21 “Siangpahrang Artakzaksis keimah in, puithiam le Van ih Pathian ih Daan thu a thiam zetmi Ezra ih a dilmi hmuahhmuah cu zamrangte ih pek dingah, Eufrates Nitlaknak lam peng sungih a ummi tangka kiltu pawl hmuahhmuah cu thu ka pe zo.
22 A dilmi hmuahhmuah cu ngun talent zakhatt talent zakhat timi hi pawng thawngsarih le zanga tluk a si ding. tiang, sangvut haan zaruk sawmnga tiang, sabitti pung za le sawmnga tiang, olif hriak pung za le sawmnga tiang, cite cu a òul zat, nan pek thei ding, ka ti.
23 Van ih Pathian in a biakinn hrangih a haimi hmuahhmuah cu pe thluh dingin taimak zet in òuan awla Pathian cu ka parah le ka hnu ih ram a uktu parah ziangtik hmanih a thinheng lo dingin fimkhur zet in tuah aw.
24 Puithiam pawl, Levi mi pawl, hla satu pawl, kotka kiltu pawl, hnaòuantu pawl le hi Biakinn thawn a pehtlai aw mi hmuahhmuah hnen ihsin siah siseh, ngunkhuai le a dang khawlmi khal siseh, lak theinak thu hrimhrim nan nei lo a si.
25 “Ezra nangmah in, na Pathian ih a lo pekmi fimnak cu hmangin Eufrates Nitlaknak lam pengah Bawipa ih pekmi Daan vekin a nungmi pawl uktu dingah ram uktu bawi le thuòhentu pawl na ret pei. A thei hrih lo pawl hmuahhmuah hnenah hi daan cu na zirh pei.
26 Zokhal in na Pathian ih daan, asilole ramsung daan cu a thlun lo a si ahcun thah in maw, dawihlo in maw, a thilri hmuahhmuah long òheh in maw, thawngthlak in maw, hmakhatte ih hrem a tuar ding a si,” a ti.
Ezra In Pathian A Thangòhat
27 Cutikah Ezra in, “Kan pupa ih Pathian, Bawipa cu thangòhat in um seh! Amah in hna a òuan ih hibangtuk in Jerusalem ih a ummi Bawipa ih Biakinn parah siangpahrang in upatnak a neih hi!
28 Pathian ih zangfahnak in siangpahrang le a ruahnak petu pawl le thunei zettu a kuthnuai bawi pawl ih mithmai òha ka tong zo a si. Bawipa ka Pathian in ralòhatnak i pek ih Israel hrin sungih sungkhat lubik ciar tampi cu keimah thawn kir dingin ka leem thei a si,” tiah a ti.