3
Zentail Mi Hrangih Paul Hnaòuannak
1 Cuti a si ruangah nanmah Zentail pawl hrangah Khrih Jesuh hmin in keimah Paul cu thawngtlapa ka si.
2 Pathian in nan òhatnak dingah himi hnaòuan hi a zangfahnak in i pek zo ti cu nan thei òheh zo ko ding.
3 Pathian in a thuthup cu a phuang ih ka hnenah a langter zo. Hi thu cu a tawizawng in ka ngan zo ih,
4 cuih ka nganmi nan siar a si ahcun Khrih ih thuthup ka theihdan cu nan thei thei ko ding.Ref 3.4-6 Kol 1:26-27;
5 Hlanah cun cuih thuthup cu milai hnenah phuan a si dah lo; sikhalsehla atu ahcun Pathian in a thiangmi a tirhthlah le a profet pawl hnenah a Thlarau in a phuang zo.
6 Cuih a thuthup cu hibangtuk in a si: Thuthangòha a um ruangah Zentail mi khal Judah mi thawn Pathian ih thluasuah cotu an si ve thlang; pumkhat sungih a telmi an si ih Khrih Jesuh thawngin Pathian thukamnak sungah covo an nei a si.
7 Cuih Thuthangòha riantu ka si hi Pathian ih i pekmi laksawng a si. Cuih laksawng cu a cahnak huham ih hnaòuanmi a si.
8 Kei cu Pathian minung pawl lakih minauta bik hnak hman in ka nauta sawn. Asinan sim cawk lo tiangin a tummi Khrih ih lennak Thuthangòha cu Zentail mi hnenah thlenpi dingah le,
9 Pathian ih tumtahmi a thuthup cu ziangvekin a lang zo ti kha mi hmuahhmuah ih hmuh theih dingin an mit vangter dingah Pathian in òuanvo i pek. Ziangzongza Siamtu Pathian in kan dunglam san sung hmuahhmuah a thuthuk cu a thup.
10 Ziangah cutiin a thup tile a kawhhran thawngin vancung ih vanmi uktu le thuneitu pawl in Pathian ih fimnak phunzakim kha tuih san ahhin an theih famkim theinak dingah a si.
11 Cumi cu kumkhua tumtahnak a neihmi vekin Pathian in kan Bawipa Khrih Jesuh sungin a kimter a si.
12 Khrih thawn kan pehzom awknak ruangah le Amah kan zumnak thawngin Pathian umnak hmun ah ralòha zet le ngam zet in luh theinak kan nei.
13 Curuangah nan hrangih zonzaihnak ka ton tikah hin nan thin nau hram hlah uh, tiah ka lo dil; nan hrangih a òhami lawnglawng an si.
Khrih Duhdawtnak
14 Cumi ruangah kan Pa ih hmaiah khukbil in thla ka cam.
15 Amah cu innsungsang kipih a ummi le lei le van ih a ummi hmuahhmuah in an hmin an laknak hram a si.
16 Sim cawk lo a sunlawi lennak sungin nan sunglam ih minung nan sinak kha a Thlarau thawngin cahnak huham lo pe dingah Pathian ka dil ih,
17 nan zumnak thawngin nan thinlung cu Khrih in a umnak inn ah tuah hram seh, tiah thla ka cam. Thla ka cam bet hrihmi cu: Nan hram le nan hramòohnak cu duhdawtnak sungah bun uhla,
18 cuticun Pathian ih minung pawl thawn thinlungkhat in Khrih ih duhdawtnak a thuk ih a san zia le, a sau ih a kauh zia kha theih theinak nan nei ding, tihi a si.
19 Minung fimthiamnak ih a theih thluh thei lomi a duhdawtnak cu nan thei ko dingih a famkimmi Pathian a sinak thawn nan nunnak cu a khat ding.
20 Kan sungah a huham in hna a òuantu cun kan dil theimi le kan ruah theimi hnak hmanih let tampi in a òuan thei a si.
21 Kawhhran sung le Khrih Jesuh sungin Amah Pathian hnenah thangòhatnak cu kumkhua um camcin ko seh! Amen.