4
Pumkhat Sinak
1 Bawipa ih hnaòuannak ruangih thawng a tlami keimah in Pathian kawhmi nan si bangtukin nan nunnak ah amah ih kawhmi nan sinak kha langter uh, tiah ka lo forh.
2 Thinlung neemnak nei uh; tangdor le thinsau in um uh. Duhdawtnak nan neihmi kha pakhat le pakhat nan zawi awk theinak in langter uh.Ref 4.2 Kol 3:12-13;
3 Thlarau in a lo pekmi pumkhat sinak kha òunghmun dingah hmun khatih a lo òemkhawmtu ih remnak in hmunter uh.
4 Pathian in a lo kawh tikah a lo kawh sanmi ruahsannak cu pakhat a si vekin ruangpum pakhat a um ih Thlarau khal pakhat a um.
5 Bawi pakhat a um, rinnak pakhat a um, baptisma pakhat a um.
6 Pathian pakhat a um ih mi hmuahhmuah ih Pa a si. Amah cu ziang hmuahhmuah ih tlunah Bawi a si; ziang hmuahhmuah sungin hna a òuan ih ziang hmuahhmuah sungah a um.
7 Kan zate pumpak ciar in covo laksawng kan nei fingfing ih cumi cu Khrih ih in pek ciarmi vekin a si.
8 Ca Thianghlim in,
“A sannak bik hmun a hung thlen tikah
ral kaihmi tampi a khor;
minung hnenah laksawng a pe,” Ref 4:8 Saam 68:18;
a timi kha a kim a si.
9 Cule “A hung thleng,” ti cu a tican ziangso a si? A tican cu a hmaisabik ah leilung hmun niam bik ah a vung thleng tinak a si.
10 A rung òummi cu lei le van tlolak khat òheh dingah van lenglam tiangih a hung thlengtu amah thotho kha a si.
11 “Minung hnenih laksawng a petu,” khal cu amah a si. A laksawng pekmi cu: A hrek cu tirhthlah an si, a hrek cu profet an si, a hrek cu Thuthangòha phuangtu an si, a hrek cu pastor an si ih a hrek cu zirhtu an si.
12 Hibangtuk in laksawng a peknak cu: Pathian minung pawl in Khristian hna an òuan thei ih Khrih ih pum an òhansoternak dingah a si.
13 Cuticun kan zumnak ah le Pathian Fapa kan theihnak pakhat sungah kan finkhawm aw òheh ding; pitling kan si dingih Khrih ih patling a sinak a sannak bik hmun khal kan thleng ve ding.
14 Cutikah cun mi bumtu pawl thuzirhnak le zinpeng zawh hai seh tiih an phuahcopmi thuphan, tisuar le thlisia pawl in khuazakip ih a seep a soihmi nauhak bangtuk kan si nawn lo ding.
15 Duhdawtnak thinlung kengin thudik kan sim kan rel sawn pei ih kan lu a simi Khrih sungah a phunkim in òhang ding kan si.
16 Amah Khrih ih uknak hnuai ah taksa ruang parih òhen dangdang pawl cu rem tein an peh khawm aw òheh. Hlikhlok ruhcaang pawl in taksa ruangpi cu hmunkhat ah an kaikhawm òheh. Curuangah taksa ruang parih òhen dangdang cu anmah ih hnaòuan ding ciar an òuan tikah taksa ruangpi cu a zate in duhdawtnak in a òhangso a si.Ref 4.16 Kol 2:19;
Khrih Sungah Nunnak Thar
17 Bawipa ih hmin in nan hnenah ralrinnak thu ka sim duh: Khawvelmi bangin nung nawn hlah uh. Annih pawl ih ruahnak cu thulolak a si ih,
18 an thinlung cu a thim. Pathian ih pekmi nunnak sungah covo zianghman an nei lo, ziangahtile zianghman theihmi an nei lo ih an thinlung a ruh remrem.
19 Ningzah khal an thei nawn lo. Sualnak sungah an paih aw ih suupawknak zianghman nei lo in zoh mawi lomi thil a phunphun an tuah.
20 Khrih thu nan theihmi cu cubangtuk a si lo.
21 Khrih thu cu nan thei ngah zo; Amah thluntu nan si vekin Jesuh sungih thutak cu zirh nan si zo.
22 A hlan nan nun keel vekih a lo nuntertu nan nunhlun cu hlon thlang uh; cuih nan nun hlun cu mi bumtu tisa hiarnak in a thihter cuahco mi kha a si.Ref 4.22 Kol 3:9;
23 Nan thinlung le nan ruahnak a zate in siamtharmi si òheh uhla,
24 Pathian hmuihmel keng ih tuahmi, a ding le a thianghlim ih a langmi nunnak dik, nan nun thar kha hruk uh.Ref 4.24 Sem 1:26; Kol 3:10;
25 Thuphan per nawn hlah uh. Pathian zumtu pakhat le pakhat thutak kan sim aw fingfing ding; ziangahtile Khrih ruangpum sungah kan zate in sungtel ciar kan si.Ref 4.25 Zek 8:16;
26 Na thin a heng asile sualnak sungah na thinhennak in lo luhpi hlah seh; na thinhennak kha nitlakpi hlah.Ref 4.26 Saam 4:4;
27 Satan kha tikcu òha pe hlah.
28 Ruk a ru òheutu cun ru nawn hlah seh; amah nunnak hrangah felfainak thawn pumcawmtu si dingah le mifarah a cawmtu si dingah a kut rori in hnaòuan seh.
29 Nan biak awk tikah òongkam hrang hmang hlah uh; nan òong a theitu pawl in òhathnemnak an ngah theinak dingin òongòha le òongmawi hmang uh.
30 Pathian Thlarau Thianghlim kha riahsiater hlah uh; ziangahtile Thlarau cu Pathian ih ta nan si, ti hminsinnak a si ih Pathian in a lo luatternak Ni a ra thleng ding ti theihnak aamahkhan a si.
31 Thinlung sungih mi huatnak le ralawknak, taksa hiarnak le thinhennak pawl kha cemter uh. Pakhat le pakhat hauhawknak, zomtaihnak le huatnak thinlung malte hman nei nawn hlah uh.
32 Cupawl ai ah pakhat le pakhat zangfah thinnemnak nei aw ton uhla, Khrih sungin Pathian in a lo ngaidam bangin pakhat le pakhat ngaidam aw uh.Ref 4.32 Kol 3:13;