2
Thihnak Ihsin Nunnak Ah
1 Hlanah cun nan òhatlonak le nan sualnak ruangah thlarau lamin mithi nan si.Ref 2.1-5 Kol 2:13;
2 Culai ahcun khawvel daan sia siseh, van tlolak le leikhawvel karlak ih thlarau lam huham neitu, Pathian thu ngai duh lomi pawl ih lakah hna a òuan rerotu thlarau siava ih thu siseh, nan rak thlun.
3 Thungai in kan ti le kan zate in anmah vek thotho kan rak si; kan taksa hurnak thlun in kan rak nung, kan tisa le thinlung ih hiarmi poh kan rak tuah. Kanmah sidan te cekci ih kan rel ahcun kannih khal midang vek thotho in Pathian thinhennak a tuartu ding kan si.
4 Sikhalsehla Pathian ih in zangfahnak cu a tlamtling ngaingai ih in duhdawtnak khal a tum zet ruangah,
5 kan sualnak sungah thlarau lamin mithi cia kan si ko nain Khrih thawn nunnak ah in thotersal zo. Pathian ih zangfahnak thawngin rundammi nan si.
6 Khrih Jesuh thawn kan pehzom awknak thawngin Pathian in Khrih thawn vancung ram ih uk tlang dingah amah thawn in thotersal zo.
7 Hibangtuk ih a tuahnak cu ziangdang ruangah a si lo; Khrih Jesuh sung ihsin kannih in duhdawtnak a tum zia kha kumkhua daih in langter a duh ruangah a si.
8 Ziangahtile nannih cu Pathian zangfahnak zarah zumnak in rundam nan si. Hi rundamnak hi nan òuannak ruangih nan ngahmi a si lo, Pathian ih laksawng a si.
9 Cuhrangah zo hman porh awk ding a si lo.
10 Pathian in kan òuan ding hrangih a rak timtuah cia mi hnaòuan òha òuantu dingah Khrih Jesuh sungin kannih cu siamtharmi kan si.
Khrih Sungah Pumkhat
11 Nan suahkehnak ihsin Zentail mi nannih tla cu Judah mi pawl in, “Serhtan lo phun,” tiih kawhmi nan si; anmah le anmah cu, “Serhtan pawl,” an ti aw. (Cumi cu an taksa par lala ah an langtermi khi a si.) Nannih Zentail mi pawl hlanlai ah ziangvek nan si, ti kha hngilh hlah uh.
12 Culai ahcun Khrih thawn pehzom awknak nan nei lo. Mikhual nan si ih Pathian ih hrilmi miphun lakah nan tel lo. Pathian in a minung pawl hnenah tiamkamnak a rak tuah cia mi parah bun tahrat ih tuahmi thukamnak sungah covo zianghman nan nei lo. Hi leilungtlun ahhin ruahsannak nei lo le Pathian nei lo in nan rak tlang men.
13 Sikhalsehla atu ahcun Khrih Jesuh thawn pehzom awknak ruangah a hlat zet ih a ummi nannih tla cu Khrih thisen luannak ruangah a naizet ah kawh khawmmi nan si zo.
14 Ziangahtile Judah mi le Zentail mi cu pumkhat ah in tuah zo ruangah Khrih amah cu kan remnak a si. Judah mi le Zentail mi pawl a òhentertu le ralih a tuahtu pharsonmi cu amah ih taksapum rori in a bal òheh zo.
15 Judah Daan cu thukham le thupekmi pawl thawn a phiat òheh. Cutiih a tuahnak cu amah Khrih thawn an pehzom awknak ruangah miphun phunhnih cu miphun thar pakhat ih canter tahrat in remnak umter a duh ruangah a si.Ref 2.15 Kol 2:14;
16 A thihnak thawngin Khrih in an ralawknak kha a cemter ih a thinglamtah in miphun phunhnih cu phunkhat ah a kom ih Pathian hnenah a hruaikir.Ref 2.16 Kol 1:20;
17 Cuticun Khrih in Pathian thawn a hlat zetmi nannih Zentail pawl hnenah siseh, Pathian thawn a naih zetmi nannih Judah mi hnen khalah siseh, remnak Thuthangòha a lo sim hai.Ref 2.17 Isa 57:19;
18 Khrih ruangah Judah mi siseh, Zentail mi siseh, kan zate in Thlarau pakhat thawngin Pa kan nei thei.
19 Cuti a si ruangah nannih Zentail mi pawl ramdangmi le khuatluang nan si nawn lo; Pathian ih miphun pawl thawn laikhat le Pathian innsang ih sungtel nan si zo.
20 Nannih cu tirhthlah le profet pawl in a hram an phun suakmi parih sakmi inn nan si ve zo ih a kiil ih lungphum cu Khrih Jesuh a si.
21 Amah cu inn pumpuluk a kaikhawmtu a si ih Bawipa ih biakinn thiang ah cangsuak tiangin a òhantertu a si.
22 Amah thawn nan pehzom awknak thawngin nannih khal Amah zumtu dang pawl thawn Pathian in a Thlarau a umnak dingih inn ah a sak cihmi nan si.