31
Izipt Le Sidar Thing Tahòhimnak
1 Sal kan taannak kum hleikhat kum, thla thum thla, nikhat ni ah Bawipa in ka hnenah,
2 “Milaipa, Izipt siangpahrang le a minung pawl hnenah hitiin sim aw:
Huham na va nei lawmmam so!
Ziangthawn so ka lo òhim ding?
3 Lebanon ram ih sidar thing bangtuk na si;
A mawi zet le a niim zet mi hnge thawn,
Mero tawt tiangin a sang zetmi
thing na si.
4 Cuih thing òhantertu dingah tidai a um;
A cawmtu dingah leilung hnuai ah
tiva an um;
Cuih thing dinnak hmun cu
an ciarter ringring;
Tupi sungih thing dang hnenah
tivate an thlenter.
5 Tidai òha teih a ngah ruangah,
Cuih thing cu thing dang hnakin
a sang sawn;
A hnge pawl an tam ih an sau.
6 Vate phunkim in a hnge parah bu an sak;
A thlahnem ah ramsa pawl in faate an nei;
A hnemdai ah leilung miphunkip an cawl.
7 Cuih thingkung cu ziangtlukin a mawi!
A sang zet ih a hnge an sau zet fawn;
A hram pawl cu thukzet ih a luangmi
tidai an thleng.
8 Pathian hmuan ih sidar thing hman in
a tluk lo;
Ziangvek farthing hman cuvek
hnge nei an um lo;
Ziangvek tupifar hman in
cuvek òek òha an nei lo;
Pathian hmuan sung hmanah
cutluk thing mawi an um lo.Ref 31.8 Sem 2:9;
9 Mawi zet ih ka tuahmi a si,
a zammi hnge thawn;
Pathian ih Eden hmuan thing pawl ih
dawt kuahkomi a si.
10 Atu ah Cungnungbik Bawipa keimah in mero tawt ko ih a òhangmi thingkung parah ziangvek thil a thleng ding ti ka lo sim ding. Cuih thingkung cu a sang deuhdeuh ih a hngal deuhdeuh.
11 Cutiih a hngal ruangah amah cu ka hnong zo; Ramdang bawi ih kut sungah ka thlengter zo. Cuih bawi cun a òhatlonak vekin a parah hna a òuan ding.
12 Zangfahnak zianghman nei lo ramdangmi in an hau dingih an tlansan ding. A kiakmi a òek le a hnge pawl cu ramsung tlangpar le phairawn kipah an tla ding. A hnemdai hnuai ih a ummi miphun hmuahhmuah in an tlansan ding.
13 A tlumi thing parah cun vate pawl an ra fu dingih a hnge tlunah ramsa pawl an vak ding.
14 Curuangah atu thok ihsin thingkung dang cu ziangvek òha in tidai an ngah khalle cuih thingkung vek cun an sang thei nawn lo dingih mero a tawttu thing an um nawn lo ding. An zate in milai vekin thi òheh ding an si ih mithi khua ih a rak fehcia pawl a vun thlun vetu an si ding,” tiah a ti.
15 Cungnungbik Bawipa in hitiin a sim: “Cuih thingkung mithi khua ih a feh ni ah, riahsiatnak langternak ah, leilung hnuai tidai cu amah khuhtu ah ka tuah ding. Tivapi pawl ka kaitaar dingih tivate pawl cu ka luangter lo ding. Cuih thingkung a thih ruangah Lebanon Tlang sang parah thimkhawzing ka tlunter dingih tupi sung ih thingkung hmuahhmuah ka vuaiter òheh ding.
16 Mithi khua ih ka vun kuat tikah, a tluk thawmvang in miphun pawl a hninter òheh ding. Cuih thingkung a tluk ruangah Eden hmuan ih thingkung hmuahhmuah, a hleice ih hrilmi thing pawl le tidai òha zet ih a ngahtu Lebanon thingkung pawl cu mithi khua ih a rak fehciatu thing pawl an si ruangah an lung a awi zet ding.
17 Cuih thingkung thawn hmunkhat ah a tlu cia mi thingkung pawl fin dingah mithi khua Sheol ah an vung feh ding. A hnemdai ih a ummi hmuahhmuah cu miphun dangdang lakah òhekdarh òheh an si ding,” a ti.
18 Hi thingkung cu Izipt siangpahrang le a minung pawl an si. Eden hmuan ih thingkung pawl hman amah vekih a saangmi le mi mit la thei an um lo. Sikhalsehla atu ahcun Eden hmuan ih thingkung dang vek òhiamòhiam in mithi khua ah a feh pei ih raldonak ih a thimi le Pathian thei lomi pawl a vun fin ding a si. Keimah in ka sim zo,” tiah Cungnungbik Bawipa in a ti.