30
Bawipa In Izipt A Hrem Ding
1 Bawipa cun ka hnenah hitiin a simsal.
2 “Milaipa, profet òong in phuangsuak awla Cungnungbik Bawipa keimah ih ka òongmi hi than aw. Hitiin napi in au aw:
Òihnungza ni a thleng ding,
3 Cuih ni cu a nai zo, Bawipa in
a òuannak ding ni cu,
Miphun pawl hrangah khawdur le
harsatnak ni a si.
4 Izipt ram ah raldonak a um ding,
Sudan ram ah vansannak a um ding.
Izipt ram ah mi tampi thah an si ding,
Ram cu an siatsuah òheh dingih
Ramòhing ah an cangter ding.
5 “Cuih raldonak ahcun Ethiopia ram, Libia ram, Lidia ram, Arabia ram, Kub ram le ka minung lak hman in ralkap an sanmi pawl tampi an thi ding,” a ti.
6 Bawipa in, “Saklam ah Migdol ihsin thlanglam ah Aswan tiang Izipt ram a humtu hmuahhmuah cu raldonak ah an thi òheh ding. A zum aw zetmi Izipt ralkap pawl cu siatsuah òheh an si ding. Cungnungbik Bawipa keimah in ka sim zo.
7 An ram cu leilung pumpuluk ah ramòhing bik ah a cang dingih an khua pawl cu hnawmpen ah an cang thluh relrel ding.
8 Izipt ram cu meisa in ka ur ih a humtu pawl thah òheh an si tikah, Bawipa ka si hi in thei ding.
9 “Cuih ni a ra thlen ih Izipt cu siatsuah òheh a si tikah thlangamte ih a ummi Ethiopia mi pawl hnenah lawng in thu phurtu ka thlah dingih Ethiopia mi pawl an tuk a sum ding. Cuih ni cu a ra thleng cing ding,” a ti.
10 Cungnungbik Bawipa in, “Izipt lennak cemtertu dingah Babilon siangpahrang Nebuchadnezzar ka hmang ding.
11 Amah le a ralkap pawl cu ram tisiat òhehtu dingah an ra ding. Izipt ram cu ralnam thawn an do dingih ram sungah miruak a khat ding.
12 Nail tivapi ka carter dingih Izipt ram cu miòha lo pawl kuthnuai ah ka re ding. Ramdangmi pawl in a ram pumpuluk in an tisiat òheh ding. Bawipa keimah in ka sim zo,” a ti.
13 Cungnungbik Bawipa in, “Memfis ih a ummi milem pawl le khawvang pawl cu ka siat òheh ding. Izipt ram uktu ding zohman an um lo dingih mi hmuahhmuah an thin ka phangter òheh ding.
14 Izipt thlanglam ih Pathros khua cu khawòhing ah ka tuah dingih saklam ih a ummi Zoan khua cu meisa in ka ur ding. Thebes khua cu ka hrem ding.
15 Izipt ram sungih ruhkulh nasa bik a neitu Pelusium khua cu ka aithawhnak ka tuarter ding. Thebes khua ih lennak cu ka siatsuah ding.
16 Izipt cu meisa in ka ur dingih Pelusium cu harsatnak a tuar ding. Thebes khua ih khuakulh phardawl pawl cu bal òheh a si dingih khuasung cu tidai in a khat ding.
17 Heliopolis khua le Bubastis khua ih tlangval pawl ral kut in an thi dingih midang pawl cu salkaihmi ah an cang ding.
18 Izipt cahnak ka khiak ih an uar zetmi an thazang ka cemter tikah cun Tahpanhes parah khawthim a thleng ding. Khawdur in Izipt cu a khuh dingih Izipt ram ih khuasungmi pawl hmuahhmuah cu ralkaihmi ah an cang ding.
19 Cutiih Izipt ka hrem tikah cun Bawipa ka si kha in thei ding,” a ti.
Izipt Siangpahrang Ih Cahnak A Cem
20 Sal kan taannak kum hleikhat kum, thla khat thla, ni sarih ni ah Bawipa in ka hnenah,
21 “Milaipa, Izipt siangpahrang ih baan ka khiak zo. Damter dingah le ralnam kaisal thei ding tlak ih caksal dingah zohman in an buah sak lo ih an tuam sak fawn lo.
22 Atu ah Cungnungbik Bawipa keimah in hitiin ka sim: Izipt siangpahrang ih ral cu keimah ka si. A baan pakhat a òha hrihmi siseh, a kiak zo mi siseh, ka khiak dingih a kut ihsin a ralnam a tla ding.
23 Leilungtlun khuazakip ah Izipt mi pawl cu ka òhekdarh òheh ding.
24 Cule Babilon siangpahrang ih baan ka cakter dingih ka ralnam a kut sungah ka pek ding. Asinan Izipt siangpahrang ih baan cu ka khiak dingih hrum rero in a ral hmai ahcun hmapu in a ril ding.
25 A si, anih cu ka òawnòaihter dingih Babilon siangpahrang cu ka cakter ding. A hnenah ka ralnam ka pek ih Izipt ram lamih a hawi tikah cun mi hmuahhmuah in Bawipa ka si kha in thei ding.
26 Leilungtlun khuazakip ah Izipt mi pawl cu ka òhekdarh òheh ding. Cuticun Bawipa ka si hi in thei ding,” tiah a ti.