29
Izipt Parih Profet Òong
1 Sal kan taannak kum hra kum, thla hra thla, ni hleihnih ni ah,Ref 29.1-32:32 Isa 19:1-25; Jer 46:2-26; Bawipa in ka hnenah,
2 “Milaipa, Izipt siangpahrang òhatlonak hi phuang aw. Amah le Izipt ram pumpi hremnak an tuar ding, tiah sim aw.
3 Izipt siangpahrang hnenah, “Cungnungbik Bawipa ih òong cu hitiin a si: Nang tiva sungih a bokmi òihnungza tisartam, Kei hi na ral ka si. Nail tivapi cu ka ta a si, keimah in ka tuah na ti.
4 Na khabe ah sio ka thluah dingih na tivapi ih nga pawl cu na kep parah ka kopter ding. Cuih nga pawl thawn tivapi sung ihsin ka lo dirsuak ding.
5 Nangmah siseh, nga pawl siseh, nelrawn ah ka lo hlon ding. Na ruangpi cu nelrawn ahcun a tang dingih zohman in an lo phum lo ding. Na sa cu ramsa le vate rawl ah ka pe ding.
6 Cutiin Izipt mi hmuahhmuah in Bawipa ka si kha an thei ding,” a ti.
Bawipa in, “Israel mi pawl in bawmtu dingah nanmah Izipt mi an lo ring, asinain funghreu òawnòai tluk fang na si.
7 An lo vawk tikah na kiak ih an zak nan suntlang; cule an el na merhter.
8 Curuangah Cungnungbik Bawipa keimah in ka lo sim: Nangmah do dingah mi ka run thlah ding; na minung le na òilva pawl an that ding.
9 Izipt cu ramòhing ah a cang ding. Cuticun keimah hi Bawipa ka si kha in thei ding.
“Nail tivapi cu ka ta a si, ka tuahmi a si, na ti ruangah,
10 Keimah hi na ral le na Nail ih ral ka si. Izipt ram pumpi hi, saklam ah Migdol khua ihsin thlanglam ah Aswan khua tiang, Sudan ramri thlengin ramòhing ah ka canter ding.
11 Milai siseh, ramsa siseh, a sungin zohman an feh lo ding. Kum sawmli sung a sungah zianghman a um lo ding.
12 Leilung pumpuluk ah Izipt ram cu ramòhing bik ah ka tuah ding. Kum sawmli sung Izipt ram khua pawl cu khawrop ah ka tuah ding; khua dang a siatmi hnakin a besia sawn ding. Izipt mi pawl cu raltlan mi ah an cang ding. Ramkip ah an tlan dingih miphun dangdang lakah an um ding,” a ti.
13 Cungnungbik Bawipa in, “Kum sawmli hnuah Izipt mi pawl cu ka òhekdarhnak ram pawl ihsin ka hruaikirsal dingih,
14 Izipt thlanglam ram, an suahkehnak khua le ram ah ka umter ding. Cutawkah ram òawnòaizet an si ding;
15 ram hmuahhmuah lakah ram òawnòai bik an si dingih miphun dang uktu an si dah nawn lo ding. Zianghman ih siartlak lo ah ka tuah ding; anmah ih duh zawng ih hruai theimi pakhat hman an um lo ding.
16 Bawmtu dingah Israel mi in an rinsan nawn lo ding. Izipt ih tuarmi an hmuh tikah annih kan rinsan cu kan rak mawh ngai a si, tiah Israel mi in an thei ding. Cule Israel mi in keimah hi Cungnungbik Bawipa ka si kha in thei ding,” a ti.
Nebuchadnezzar In Izipt A Neh Ding
17 Sal kan taannak kum kul hluansarih kum, thla khat thla, nikhat ni ah Bawipa in ka hnenah,
18 “Milaipa, Babilon siangpahrang Nebuchadnezzar in Òaiar a do a si. Nebuchadnezzar in a ralkap pawl kha thilrit a phurhter ih an thil phurhmi a rih tuk ruangah an lu a kolh òheh, an liang khal a kok òheh; sikhalsehla an zonzaih tluk in siangpahrang siseh, ralkap pawl siseh, an ngahmi a um lo.
19 Curuangah Cungnungbik Bawipa in hitiin ka sim: Izipt ram cu siangpahrang Nebuchadnezzar hnenah ka pe ding. An ram cu a ram dingih an thilri a long ding; a ralkap pawl ih thlahlawh dingah Izipt ram lennak cu a phur òheh ding.
20 A hnaòuan man ah Izipt ram ka pe ding, ziangahtile a ralkap pawl in ka hrangah hna an òuan a si. Cungnungbik Bawipa keimah in ka sim zo.
21 “Cubangtuk thil a thlen tikah Israel cu miphun cak zet ah ka tuah dingih nang Ezekiel cu mi hmuahhmuah ih an lo theih theinak hmun ihsin ka lo òongter ding; cuticun Bawipa ka si hi in thei ding,” tiah a ti.