14
Bawipa In Milem Biaknak A Hnong
1 Bawipa ih duhnak theih duh ah Israel hotu hrekkhat pawl cu thuron dingin ka hnenah an ra.
2 Cule Bawipa in ka hnenah,
3 “Milaipa, hi Israel hotu pawl in an thinlung sungah milem an ret ih cumi cu an hrangah rilhbahnak ah a cang. Thu in ron khalle let dingah in maw in ruat?
4 “An hnenah Cungnungbik Bawipa keimah ih ka òongmi hi sim aw: Israel mi zovek an si khalle sualnak sungih hruailut dingah an thinlung milem hnenah pe tahrat in thuron dingah profet hnenih a rami cu keimah hnenin an milem pawl thawn mil aw in ka thu lehnak an ngah ding.
5 Hi milem pawl in ka minung pawl cu ka hnen ihsin an hruaihlo a si. Asinan ka thulehnak in an thinlung hruai kirsal dingah ka beisei a si.
6 “Atu ah Israel mi pawl hnenah keimah Cungnungbik Bawipa in, ‘Sir aw uh! Kirsal uhla fihnungza nan milem pawl hi tlansan uh,’ ka timi hi sim hai aw.
7 “Israel mi pakhat siseh, Israel mi lakih a ummi ramdangmi pakhat siseh, a thinlung ah milem ret tahrat in ka hnen ihsin a tlanhlo ih a rilhbahnak ah milem a ret hnuah thuron dingin profet hnenih a feh a si ahcun Bawipa keimah in thu ka let ding.
8 Cupa cu ka ral ah ka tuah ding. Midang hrangah ralrin òulmi zohòhim dingah ka tuah ding. Ka miphun lak ihsin ka hlon dingih cuticun Bawipa ka si kha in thei ding.
9 “Thuphanpi ih thu let dingah profet cu bum ngahmi a si ahcun Bawipa keimah in ka bum ngah ruangah a si. Israel mi pawl sungin ka siatsuah ding.
10 Cuih profet le thurontu cu an pahnih in hremnak bangrep an tong ding.
11 Israel mi pawl ka hnen ihsin an tlan lonak dingah le an sualnak sungah anmah le anmah an borhhlawhter awklonak dingah cubangtuk cun ka tuah ding. Anmah cu ka minung an si dingih kei khal an Pathian ka si ve ding,” tiah Cungnungbik Bawipa in a sim zo.
Noah, Daniel Le Job
12 Bawipa in ka hnenah,
13 “Milaipa, ram pakhat cu a sual ih ka hmaiah rin tlak lo a si ahcun ka kut in ka vun dawh dingih a ngah òheumi rawl pawl cu ka phiatsak ding. Paam ka tlunter dingih milai siseh, òilva siseh, ka that òheh ding.
14 Miòha zet a rak simi pathum:Noah, Danielf Daniel timi hi Danel ti khal a si thei.Ref 14.14 Ezk 28:3; le Job khal um hman hai sehla an òhatnak cun anmah ih nunnak lawng a hum thei ding,” a ti. Cungnungbik Bawipa in a sim zo.
15 “Asilole minung pawl deh dingah sahrang pawl ka thlah ding; cuticun an ramsung cu òihnak le phannak in a khat dingih zohman cuih ram ah an feh ngam lo ding.
16 Kei cu a nungmi Pathian ka si ih Cungnungbik Bawipa keimah ka nun bangin cuih miòha minung pathum pawl kha rak nung hman hai sehla anmah ih faate pawl hman an hum suak thei lo ding. Anmah ih nunnak lawng an hum ngah dingih an ram cu ramòhing ah a cang thotho ding.
17 “Asilole an ram ah raldonak ka thlenter dingih minung siseh, òilva siseh, a siatsuah òheh theitu hriamnam ka kuat ding;
18 Kei cu a nungmi Pathian ka si ih Cungnungbik Bawipa keimah ka nun bangin cuih miòha pathum pawl kha rak nung hman hai sehla anmah ih nunnak lawng an hum thei dingih an faate pawl hman an hum thei lo ding a si.
19 “Asilole an ram sungah natsia ka umter ih ka thinhengin minung le òilva pawl ka that ih nunnak tampi ka cemter a si ahcun,
20 Kei hi a nungmi Pathian ka si ih Cungnungbik Bawipa keimah ka nun vekin, Noah, Daniel le Job tla cu rak nung ve hman hai sehla an faate pawl hman an hum thei lo ding. An òhatnak cun anmah ih nunnak lawng a hum thei ding a si,” tiah a ti.
21 Cungnungbik Bawipa cun hitiin a ti: “Milai siseh, òilva siseh, that dingah ka mihremnak nasa bik pali-raldonak, paamnak, sahrang pawl le natsia pawl Jerusalem parah ka thlenter ding.Ref 14.21 Thup 6:8;
22 Mi pakhatkhat a luat ih a faate pawl tla a hum ngah a si ahcun na hnenih an rat tikah rak zoh hai aw. Ziangtlukin miòha lo an si, ti kha rak hmu awla Jerusalem parih hremnak ka thlentermi hi a dik a si, tiah rak theithiam aw.
23 Cuticun ziang hmuahhmuah ka tuahmi ah thuhla dik a um ruangah a si, ti na thei ding,” a ti. Cungnungbik Bawipa in a sim zo.