15
Sabit Hri Thawn Tahòhimnak
1 Bawipa in ka hnenah,
2 “Milaipa, sabit hri khi thingkung thawn òhim ding a um maw? sabit hnge pakhat cu tupi sungih thingkung pawl thawn òhim tikah ziangso òhathnemnak a neih?
3 Sabit hnge cu ziangah a òhahnem maw? Thil zarnak bantlang hri hmanah a òhahnem maw?
4 Meisa muahnak lawngah a òhahnem a si. Sabit hnge cu a hram le a zim meisa in a kang ih a laifang tla a ro òheh hnu ahcun zianghman ah a òhahnem lo.
5 Meisa ih ur hlan hrimhrim in santlaihnak a nei lo. Meisa in a ur ih a ut hnu sinsin ahcun santlaihnak zianghman a nei lo,” tiah a ti.
6 Cungnungbik Bawipa cun hitiin a ti: “Sabit hri cu tupi sungin an lak ih an ur vekin, Jerusalem khuasung ih a ummi pawl cu ka la dingih,
7 ka hrem ding. Veikhatnak meisa ihsin an luat zo, asinain atu ah meisa in ur an si ding. Ka hrem tikah cun Bawipa ka si kha in thei ding.
8 Rin tlak ding um lo in ka parih an nuncan ruangah hi ram cu ramòhing ah ka tuah ding,” a ti. Cungnungbik Bawipa in a sim zo.