13
Mipa Profet Deu Pawl Eelnak
1 Bawipa in ka hnenah,
2 “Milaipa, polcop simsungnak simtu Israel profet pawl kha kawk awla Bawipa ih òongkam ngai dingin sim hai aw,” a ti.
3 Cungnungbik Bawipa cun, “Hi profet aa pawl cu an cem a si. Anmah ih ruahdan thluntu le langnak a tuahcoptu an si.
4 Maw Israel mi pawl, nan profet pawl hi a siat òhehmi khuapi sungih a ummi santlai lo cinghnia vek an si.
5 Phar a cimnak hmun pawl an kil lo ih phar pawl khal an dawlsal fawn lo; curuangah Bawipa ih ni, raldonak a ra thlen tikah, Israel cu hum theih a si nawn lo ding.
6 Langnak an hmuhmi pawl cu thuphan hlir an si; hmailam thu an simciami pawl khal thuphan hlir an si. Keimah ih thu a simtu si in an rel aw. Asinan ka thlahmi an si lo. Cu cingin anmah cun an simmi cu kim dingin an ruahsan lai hrih.
7 An hnenah hitiin ka sim: Langnak nan hmuhmi pawl hi thulolak an si ih hmailam thu nan sim sungmi pawl khal hi thuphan hlir an si. Pathian ih òong a si, tiin nan rel. Asinan nan hnenah kei in ka sim dah lo!” tiah a ti.
8 Curuangah Cungnungbik Bawipa in an hnenah, “Nan òongmi cu thulolak an si ih langnak nan hmuhmi pawl cu thuphan hlir an si. Nannih pawl cu ka ral nan si.
9 Nannih langnak dik lo a hmutu le hmailam thudik lo ih a simtu profet pawl cu ka lo hrem ding. Thu relcat dingih ka minung pawl an khawm awk tikah nannih pawl nan tel lo ding. Israel ramsung minung cazin sungah nan hmin telhcih a si lo ding. Nan ram ah nan kir dah lo ding. Cutiin Cungnungbik Bawipa ka si kha nan thei ding.
10 “Profet pawl in ziang hmuahhmuah a òha òheh ko, ti tahrat in ka minung pawl an hruaisual a si. Ziang hmuahhmuah a òha òheh lo! Ka minung pawl in phar cu lungto thawn hnget lo zet in an dawl hnuah profet pawl an ra ih a lenglam in siirang an culh men.Ref 13.10 Jer 6:14; 8:11;
11 Profet pawl cu va sim aw: An phar dawlmi cu a cim ding. Ruah tak zet in ka surter ding; rial bokbawn tiatia in a parah ka tlakter dingih thlipi nasa zet ka hranter ding.
12 Phar cu a cim dingih siirang in nan culhmi cu ziangso a òhahnem? tiah mi hmuahhmuah in an lo sut ding,” a ti.
13 Cungnungbik Bawipa ih òong cu hitiin a si: “Ka thinheng in an dawlmi phar siatsuah dingah thlipi ka hranter ding, ruah takzet in ka surter dingih rial nasa zet in ka tlakter ding.
14 Siraang in an culhmi phar cu balsiat ka tum a si; ka balsiat òheh dingih a hramòohnak lungto pawl cu ka langter òheh ding. Phar cu a cim dingih a lo that òheh ding. Cutiin mi hmuahhmuah in Bawipa ka si kha in thei ding.
15 “Phar in siseh, siirang ih a culhtu pawl in siseh, ka thinhennak hmual cu nasa zet in an tuar ding. Cule phar cu a cem zo ih siirang in a culhtu pawl khal an cem zo a si, tiah ka lo sim ding.
16 Ziang hmuahhmuah a òhat lo laifangih ziang hmuahhmuah a òha òheh ko, tiih Jerusalem thuòha a simtu profet pawl cu an cem zo a si,” tiah Cungnungbik Bawipa in a sim zo.
Nunau Profet Deu Pawl Eelnak
17 Bawipa in, “Milaipa, hmailam thu a simsungtu nanmah lakih nunau pawl hi zoh hnik! An òhatlonak rel awla,
18 Cungnungbik Bawipa ih òong hi an hnenah sim aw:
“Maw nunau pawl, nan cem a si. Midang pawl nunnak tlunih huham nan neih theinak dingah mi tampi hrangah ai-neihnak kutkhih nan òhit sak ih ai-neihnak puan paate lukhuh nan tah sak a si. Ka minung pawl tlunah nunnak le thihnak thu neih nan duh ih nanmah ih òhathnemnak ah nan hmang.
19 Sanghlom hnihkhat ngah duh ah le sang ah hnihkhat co duh ah ka minung pawl ih hmaiah in thangsiat. Thi dingih cuang lo minung pawl nan that ih nung tlak lo minung pawl sawn nan nunter. Ka minung pawl hnenah thuphan nan sim ih an lo zum fawn,” tiah a ti.
20 Cungnungbik Bawipa cun hitiin a sim: “Nunnak le thihnak tlunih thuneitu si nan tumnak ih nan hmanmi ai-neihnak kutkhih pawl cu ka hua a si. Nan kut ihsin cuih kutkhih cu ka tan òheh dingih nan ukmi milai pawl cu ka luatter òheh ding.
21 Nan lukhuh pawl cu ka at òheh dingih nan uknak huham sungin ka minung pawl cu kumkhua hrangin ka suakter ding. Cuticun Bawipa ka si hi in thei ding.
22 “Tuahmawh ka duh lomi miòha pawl cu nan thuphanpernak in an tha nan nauter. Miòha lo pawl in thil òha lo an tlansan theinak ding le an nunnak an hum theinak ding lamzin nan phihsak a si.
23 Atu cun langnak dik lo nan hmuhmi le hmailam thu dik lo ih nan simmi pawl cu a cem zo. Ka minung pawl nan thuneihnak huham sungin ka hum a si; cuticun Bawipa ka si hi in thei ding,” a ti.