9
1 Hi thil hmuahhmuah hi napi-in ka ruatih miding le mifim le an thil tuahmi hmuahhmuah cu Pathian ih kut sungah a um a si. Duhdawtnak le huatnak an neihmi khal a kut sungah a um. Ka hmailam ah ziang a um ti zohman in an thei lo.
2 Mi hmuahhmuah tlunah khawlairel bangrep in a thleng. Miding siseh, misual siseh, miòha siseh, miòha lo siseh, mithiang siseh, mithianglo siseh, thawinak a petu siseh, thawinak a pe lotu siseh, an tonmi a bangrep òheh a si. Miòha cu misual hnakin a miat cuang lo. Thukamtu cu thukam lotu hnakin a miat cuang lo.
3 Cumi cu khuaza vanrang hnuai ih thil òha lo bik a si. Mi hmuahhmuah hrangah khawlairel bangrep a thleng. Minung thinlung cu an nun sungah aatnak le òhatlonak in a khat. Cui hnuah mithi pawl hnenah an feh a si.
4 Asinan minung hnenih siar cih mi pawl hrangah cun ruahsannak a um lai, ziangahtile a thi mi kiosa hnak cun a nung mi uico a òha sawn.
5 A nungmi pawl cun thi leh ding, ti tal an thei; asinain a thi cia pawl cun zianghman an thei nawn lo. An hrangah laksawng a um nawn lo; pum hngilh ih hngilh an si.
6 An mi duhdawtnak, an mi huatnak le an tumtahnak pawl cu an thihpi òheh zo a si. Leilung tlunih hnaòuannak sungah tel theinak zianghman an nei nawn lo.
7 Va feh awla na rawl cu thin nuam zet in ei aw, na sabitti cu lungawi zet in in aw! Pathian in na tuahmi cu a lo lungkimpi zo a si.
8 Na hnipuan kha vaarter ringring awla na lu khal hriak thih ringring aw.
9 Vanhnuai ih tikcu tawite Pathian in nunnak a lo pekmi sungah hin na duhmi na nupi thawn nuam zet in um uh, ziangahtile leilungtlun na nun sungah hin cumi cu na hnaòuan man laksawng a si.
10 Na tonmi hnaòuan hmuahhmuah cu na thazang neihmi hmuahhmuah in tuah aw; ziangahtile na thlennak ding Sheol ahcun hnaòuannak siseh, ruahnak siseh, theihnak siseh, fimnak siseh, zianghman a um nawn lo.
11 Ni hnuai ahhin thildang pakhat ka hmu lala: Tlan zuamnak ah micak bik in a neh cuang lo, raldonak ah ralòha bik in a neh cuang lo. Mifim lawngin rawl a ngah cuang lo, mifimthiam lawng milian an si cuang lo, thilthiam hnen lawngah hlawhtlinnak a um cuang lo; a tikcu a kim tikah cun vansiatnak in an zate in a man a si.
12 Milai in a tikcu caan a thei dah lo. Nga cu sur in an kaih vek le vate cu thang in an awk vekin milai khal cu rinlopi ah siatsuahnak an parah a thleng a si.
Fimnak Le Aatnak Parih Ruahnak
13 Ni hnuai ah fimnak tahòhim tlak pakhat ka hmu ih cucu a thupizet tiah ka ruat.
14 Khua pakhat a um ih khuasung mi cu an malte; siangpahrang a cak zetmi in a do ih a kulh òheh tlunah cuih khua a lak theinak ding napi in a zuam.
15 Cui khuasung ah mifarah asinain mifimzet pakhat a um; cupa lawngin a fimnak thawn cuih khua cu a humsuak thei ding nain zohman in cupa cu an ciing lo.
16 Curuangah, “Fimnak cu cahnak hnakin a òha sawn,” ka ti. Asinan mifarah pa ih fimnak cu zianghman ah an siar lo ih a òongkam cu zohman in an ngai duh lo.
17 Mi-aa pawl an tonkhawmnak hmun ah an hotupa a au reronak aw ngai hnakin mifim òongkam neem ngai a òha sawn.
18 Fimnak cu ral hriamnam hnakin a òha sawn ih misual pakhat in thilòha tampi a siatsuah thei.