8
1 Hi thu pawl thei thei dingah zoso mifim a um? Thil pawl ih tican hi zoso a thei thei? Fimnak in minung ih mithmai cu a vangter ih an mithmai a siami khal a hlohter.
Siangpahrang Thu Ngai Uh
2 Pathian hmaiah thu na tiam zo ruangah siangpahrang ih simmi cu tuah aw.
3 Siangpahrang cun a duhduh in thil a tuah thei, curuangah a hmaika ihsin zamrang in feh aw, cubangtuk òihnung hmunah cun um duh hlah.
4 Siangpahrang thu cu a sang bik a si ruangah amah cu zo in so, “Ziangso na tuah rero?” tiah a sut ngam ding.
5 Amah ih thu a thluntu cu harsatnak in a luat ding. Mifim cun ziangtik caan ah so hna ka òuan dingih ziang vekin so ka òuan ding, ti a theithiam.
6 Ziangahtile thil hmuahhmuah in tikcu le caan remcang an nei fingfing. Kan theihmi hi a mal tuk lawm mam.
7 Hmailam ah ziang a cang ding ti zohman in an thei lo. A sim theitu midang khal an um lo.
8 Zohman thihnak ihsin a hum aw thei an um lo ih thih ni òhawn theitu khal an um lo. Cui ral ihsin zohman an luat thei lo. Thuphan simnak in an luat thei lo.
Miòha Le Miòha Lo
9 Vanhnuai ih thil tuahmi hmuahhmuah ka thinlung hmangin ka ruah hnuah ka hmuh mi cu himi hi a si! Mi hrekkhat in midang tlunah thu an nei ih mi hrekkhat cu a rak tuartu an si.
10 Miòha lo pawl thlan ih an phum ka hmu. Asinan thlan ihsin kan kir lam ahcun òhatlonak an tuahnak khuasung rori ah mi in an thangòhat ciamco. Hi khal hi zianghman lo, thulolak a si.
11 Miòha lo pawl parih daantatnak kha zamrangih cawh an si lo ruangah sualnak cu ralòha zet in an tuah.
12 Misual in thil òha lo cu vei zakhat a tuah hnu hmanah a nung thotho lai. Sikhalsehla Pathian òihzahtu pawl hrangah cun amah an òihzah ruangah a netnak ahcun thil a òha òheh ko ding, tiah ka thei.
13 Asinan miòha lo pawl hrangah cun cuvekin a òha lo ding; an nun khal a sau lo ding; an nunnak cu phenthla vek lawng a si, Pathian an òihzah lo ruangah.
14 Leilungtlun ah thulolak thil pakhat a um! Miding in midinglo ih tuar ding kha a tuar ih midinglo in miding ih ngah ding kha a ngahmi hi a si. Hi khal hi zianghman sullam nei lomi a si.
15 Curuangah nomnak hi thil òha a si ka ti, ziangahtile leilungtlun minung hrangah ei le in le lungawi hnakih a òha deuhmi zianghman a um lo. Vanrang hnuai, Pathian pekmi tikcu tawite a neih sungah hin cumi cu a hnaòuan harsa lakah a lung nuamtertu laksawng a si.
16 Fimnak nei dingah le leilungtlun ih thil an tuahmi hmuahhmuah hi a tican thei dingah ka thinlung ka hmangih it lo in a sun a zan in ka ruat.
17 Ziang hmuahhmuah hi Pathian ih thu in an cangòheh a si; milai in leilungtlun ih thil a cangmi pawl hi zianghman a thei theilo ding; ziangtlukin a zuam ih a taimak khalle a theisuak cuang lo ding. Mifim in ka thei a si, a ti hmanah a thei cuang lo ding.