10
1 Thothe thi in rimhmui rim a siatter;
Malte aatnak in fimnak tum bik a phiat thei.
2 Mifim ruahnak cu vorhlam ah a feh,
Mi-aa ruahnak cu kehlam ah a peeng.
3 Lamzin a feh lai hmanah ruahnak a nei lo,
Mikip hnenah a aatnak a phuang vivo.
4 Bawi pakhat na parih a thin a heng tikah,
na hnaòuan in suak hlah.
Tangdornak in palhnak
tampi a damter.
5 Ni hnuai ah thil òha lo ka hmuh mi a um,
Uktu amai palhnak ruangah a si;
6 Mi-aa pawl in upa hnaòuan an òuan ih,
Milian pawl cu hmun nauta an co.
7 Sal pawl cu rang parah an to ih,
bawi pawl sal bangin
an ke ih an feh ka hmu.
8 Khur a laitu cu a sungah amah a tla ding,
Phar a baltu cu rul in a cuk ding.Ref 10.8 Saam 7:15; Thuf 26:27;
9 Lungto a laitu cu hliamnak a tong ding.
Thing hautu hrangah òihnungza a um.
10 Hreitlung a bil zet ih a taat ta lo a si ahcun,
Thazang tampi a hman a òul;
Fimnak nei sehla
a hlawhtling deuh ding.
11 Dawi at hlanah rul in mi a cuk ahcun,
Rul dawithiamtu um cu
ziangso a òhahnem?
12 Mifim cu a òongkam in zangfah a hlawh,
Mi-aa cu amai hmurka in a siatsuah.
13 Thuphan pipi a kaa sungin a suak ih
A òong netnak cu aatnak pittawp a si.
14 Mi-aa cu a òong a tam;
A sim dingmi thu khal
zohman in an thei lo.
Amah ih hnuah ziang a cang ding ti
sim theih a si lo.
15 Mi-aa cun thi hrulh in hna a òuan,
Khuapi fehnak lamzin hman a thei lo.
16 Ram uktu siangpahrang mi note a si ih,
An hotu pawl zanvar puai an tuah;
Cui ram cu hmailam
ruahsan ding a nei lo.
17 Asinan ram siangpahrang miphun u a si ih,
Mi pacang thu relthiam a si ih tlunah,
Ramsung hotu pawl caan hmantein
tirawl an ei ih,
Supnak nei in zu khal an rit lonak ram cu,
mi vannei ram an si.
18 Daithlan ruangah innbo a cim,
Zaangzel ruangah inn a zun.
19 Rawl cu mi hnihtertu a si,
sabit cu mi lungawitertu a si,
Asinan tangka lo cun
zianghman ti thei a si lo.
20 A thupte hman in siangpahrang va cam hlah.
Na ihnak khaan hmanah
milian va rel sia hlah,
Ziangahtile thli lak vate in na aw cu
a zampi dingih thla nei in,
na òong cu an va sim ding.