7
Fimnak Ih Thupitnak
1 Hminòhat cu zihmui òha bik hnakin a òha sawn. Thih ni cu suah ni hnakin a òha sawn.Ref 7.1 Thuf 22:1;
2 Puai tuahnak hmunih feh hnakin mithi inn feh a òha sawn. Ziangahtile minung cu kan zate in thihnak in, in hngak a si, ti cu theih ringring ding a si.
3 Hnih hnakin riahsiat a òha sawn. Mithmai ah lungawinak a um theilo nain thinlung a òhatter.
4 Mifim pawl ih thinlung cu mithi inn ah a cam; asinain mi-aa pawl ih thinlung cu nomnak hmunah a um.
5 Mi-aa ih na thangòhatnak hla a sakmi ngai hnakin mifim ih kawknak ngai a òha sawn.
6 Mi-aa hnih cu meisa sungih hling an paih ih a puak mi thawm vek a si. Tican zianghman a nei lo.
7 Mifim in midang a bum tikah mi-aa ah a can aw a si. Nawhthuh na lak asile na ziaza na siatsuah a si.
8 Thil thokpek hnakin a net lam a òha sawn. Hngal zet ih um hnak cun lungsau a òha sawn.
9 Ol tein na thinheng hlah; ol teih thinheng cu mi-aa pawl ih tidan a si.Ref 7.9 Jeim 1:19;
10 “Ziangtinso tuih san hnakin hlan san a òhat sawn?” tiah va sut hlah. Cuvek cu mifim pawl thusuhdan a si lo.
11 Thilri neih hnakin fimnak neih a òha sawn. Ni a hmutu hmuahhmuah hrangah a òhami ro a si.
12 Fimnak cu sumsaw vekin humhimnak a si; fimnak cun fimnak neitu hnenah nunnak a pek a si.
13 Pathian ih hnaòuannak hi ruat hnik uh: A kawi ter cia mi hi zoso a dingter thei ding?
14 Òhat ni ah na lungawi aw; siat ni ah khua ruat aw. Pathian in lungawinak a umter ih harnak khal a umter. Curuangah hmailam ah ziang a um ding ti cu zohman in an thei lo.
15 Ka nunnak santlailo sungah hin thil phunkim ka hmu ih mawh nei lo cu mawh a nei lo nain a thi lohli ih miòha lo cu a òhatlonak thawn kum reipi a nung mi ka hmu.
16 Miòha tuk si aw hlah, mifim tuk khal si aw hlah, ziangahso nangmah le nangmah na siatsuah awk ding.
17 Miòha lo tuk va si hlah; mi-aa tuk khal va si hlah. Na tikcu kim hlanah ziangahso na thih ding?
18 Thil pakhat fekten kai ih a dang thil khal thlah cuang lo a òha. Pathian a òihzahtu cun a phunhnih ah an hlawh a tling ding.
19 Khua hotu upa pahra in khua hnenih cahnak an pekmi hnakin fimnak in mifim pa hnenah cahnak tam sawn a pek.
20 Leilungtlun ah òhatnak lawnglawng a tuah ih siatnak a tuah dah lotu zohman an um lo.
21 Cui tlunah mi òongmi hmuahhmuah cu va poisa tuk hlah; culo ahcun na hnenum pawl khalin an lo relsiatnak na thei pang ding.
22 Nangmah khalin midang vei tampi na relsiat ti na thei aw ko.
23 Hi hmuahhmuah hi fimnak in ka hniksak. Ka fim hmang tin ka ruat, asinain ka rak fim ta lo.
24 Nunnak timi hi zoso a thei thei ding? A hla zet le a thuk zet, a thuk taktak mi a si ih zohman ih hawlsuak theih ding a si lo.
25 Curuangah ka thinlung cu fimnak hawl ding le zir ding le hmu suak dingin ka vun ruat ciammam ih ka ton ngaingai mi cu òhatlonak le fimlonak le aatnak le buainak lawng an si.
26 Nunau ka tonmi cu ka hrangah thihnak hnakin a khaa sawn, a thinlung cu thang a si ih a kut pawl cu thir cikcin an si; Pathian ih zangfah mi cu cunu hnenin a luat ding, asinain misual cu cunu in a kaitaar ding.
27 Thusimtu in, “Ka hmuh mi cu himi hi a si: Thil pakhat hnu pakhat ka thinlung in ka ngaihtuah vivo; a thusuak ka hawl vivo;
28 reipi ka hawl nain ka hlawhtling lo a si. Cule minung thawngkhat sungah upat tlak cu mipa pakhat ka hmu; asinain nunau cu pakhat hman ka hmu lo.
29 Ngai hnik, ka hmuh mi cu himi hi a si: Pathian in minung hi miding ah a tuah nain anmah duhnak le tumtahnak ah an pial òheh a si,” a ti.