2
1 Ka thinlung tein, “Atu cun nomnak ka tep ve hnik pei; thil dang ruat lo in nomnak lawnglawng ka ti ve hnik pei,” tiah ka ti.
Asinan cu khal cu zianghman a rak si lo.
2 Hnihnak hi at a si! Nomnak khal hi ziangso a òhahnem?
3 Milai in leilungtlun kum malte an nun sungah hin thilòha an tuah dingmi ka hmuhsuak theinak dingah, fimnak lamzin thlun in ka tha thotertu ah zu ka in ih, cuticun thuòha cu ka thinlung in ka hawl.
4 Thil thupi zetzet ka tuah: Ka hrangah inn ka sak ih, sabit hmuan ka tuah;
5 pangpar hmuan le thingkung ciinnak hmuan nuam ka tuah ih rah a phunphun a rah mi thingkung tam zet ka phun.
6 Thingkung òhang lai pawl ti toihnak ah tiah tili tla ka tuah;
7 Òuangsuaksal ka nei ih cuih tlunah salnu le salpa tampi ka lei bet. Ka neihmi caw le tuu pawl cu ka hlanih Jerusalem ih a rak um mi zo ih neihmi hnak khalin a tam deuh.Ref 2.7 2 Siang 4:23;
8 Siangpahrang pawl le ramòhen pawl hnen ihsin sui le ngun ka khawm ciamco. Hlasaktu ah nunau siseh, mipa siseh, ka ret; mipa in nuam an ti òheumi nusun khal tampi ka nei.Ref 2.4-8 2 Siang 10:23-27; 2 San 9:22-27; Ref 2.8 2 Siang 10:10, 14-22;
9 Jerusalem ah ka hlanih siangpahrang a rak òuantu hmuahhmuah hnakin ka lian deuh ih ka nasa deuh. Cule ka fimnak khal amah keel a si.Ref 2.9 1 San 29:25;
10 Ka mit in thilòha a hmuh mi hmuahhmuah ka ngah òheh. Ka thinlung in nomnak a duhmi hmuahhmuah ka co òheh. Ka hnaòuannak ihsin thinlung nomnak ka ngah ih cumi cu ka òuan man ka ngahmi laksawng a si.
11 Hi thil hmuahhmuah hi ka ruatih ka tuahmi le ka òuan mi hmuahhmuah ka ngaihtuah tikah, zoh hnik uh, zianghman an si lo; thli dawi rero vek lawnglawng an si, ti fiang tein ka thei. Vanrang hnuai milai hrangah hin thil òhahnem zianghman a um lo a si.
12 Cule fimnak le aatnak le fimlonak pawl hi ka khingkhai ih ka hun tahòhim. Siangpahrang ih a tuah cia mi dah ti lo a hnu ih a ra mi cun zianghman tuah thei midang a neih cuang lo.
13 Cutiih ka khingkhai hnuah tleunak in thimnak cu a laan vekin fimnak in aatnak cu a laan a si, ti ka thei.
14 Mifim cun a lu ah mit a nei, asinain mi-aa cu khawthim lakah a feh. Cule an pahnih tlunah mi hmuahhmuah hnenih a tlung mi khawlairel cu a tlung thotho ding ti ka hmu.
15 Cutikah keimah tein, “Mi-aa tonmi hi ka tong ve ding sikhawh, ka fim hi ziangso a òhathnemnak a um cuang?” tiah ka ti. Hi khal hi zianghman lo thotho a si.
16 Mi-aa an theih nawn lo vek thotho in mifim khal an thei nawn ve hai lo ding. Hmailam ahcun kan zate in hngilh òheh kan si ding. A si, mi-aa vekin mifim khal a thi ve thotho.
17 Curuangah nunnak hi ka hua, ziangahtile vanhnuai ih thil hmuahhmuah cu riahsiatnak thlengtertu men an si. Thil hmuahhmuah hi thulolak an rak si. Thli ka rak dawi rero men a si.
18 Vanhnuai ih ka tuahmi le ka hnaòuan mi hmuahhmuah hi ka hua; ka nehhnu ih ka airawltu hnenah ka tanta thluh ding ti ka thei cia a si!
19 Cupa cu mifim a si ding le mi-aa a si ding hman zoso a thei! Ziang a va si hmanah ka fimnak le ka hnaòuannak ihsin a suakmi rah hmuahhmuah cu amai ukmi an si ding fawn! Cukhal cu thulolak men a si.
20 Leilung tlunih ka hnaòuan mi le ka thil ti mi hmuahhmuah ka ngaihtuah vivo tikah beidong in ka um. Nasa zet ih hna ka òuan rero kha ka siir aw.
21 Ziangahtile zianghman a òuanlotu hnenah fimnak le theihnak le thiamnak thawn hna a òuantu in a neihmi hmuahhmuah a tanta òheh ding a si hi! Hi khal hi zianghman lo a si ih thil òha lo zet a si.
22 Rethei le zonzai in a nunsung hmuahhmuah ni hnuai ah hna a òuan ih ziangso a ngah?
23 A nunsung hmuahhmuah cu tuarnak le helhkamnak hlir an si. Zan khalah a thinlung a nuam cuang lo. Hi khal hi thulolak a si ko.Ref 2.23 Job 5:7, 14:1;
24 Minung hrangah cun ei le in le a hnaòuan ihsin nomnak a ngahmi kha a òha bik a si. Cumi khal cu Pathian kutsung ihsin a ra mi an si, ti ka hmu zo.Ref 2.24 Thus 3:13, 5:18, 9:7; Luk 12:19; 1 Kor 15:32;
25 Ziangahtile amah tel locun zoso a ei a in thei dingih a nuam aw thei ding?
26 A si, amah a lungawitertu hnen ahcun fimnak le thiamnak le lungawinak a pek. Asinan misual hnen ahcun, Pathian lungawitertu hnenih peksal thluh leh dingin, phurh ding le khawm ding òuanvo a pek a si. Cukhal cu thulolak a si; thli dawi rero bangtuk a si.Ref 2.26 Job 32:8; Thuf 2:6;