3
Ziang Tinkim In Caan An Nei
1 Ziang hmuahhmuah in caan an nei ih
leilungtlun thil tinkim hrangah
tikcu remcang a um.
2 Suah caan a um ih
thih caan a um,
Phun caan a um ih
phawi caan a um;
3 Thah caan a um ih
damter caan a um,
Bal caan a um ih
sak caan a um;
4 Òah caan a um ih
hnih caan a um,
Riahsiat caan a um ih
laam caan a um;
5 Lungto hlon caan a um ih
khawmsal caan a um;
Pom awk caan a um ih
pom awk hrial caan a um;
6 Hawl caan a um ih
hlohter caan a um,
Khawm caan a um ih
hlon caan a um;
7 Thlek caan a um ih
òhit caan a um,
Daite ih um caan a um ih
òong caan a um;
8 Duhdawt caan a um ih
huat caan a um,
Ral awk caan a um ih
rem awk caan a um.
9 Hnaòuantu in harsazet ih a hnaòuannak in ziangso ngahmi a neih?
10 Pathian in minung hnenah buaipi dingin hnaòuan a pek ti ka thei.
11 Pathian in ziangthil khal sisehla a remcang mi tikcu a pek ti ka hmu fawn. Sikhalsehla a liam zo mi caan a um tile a ra dingmi caan a um ti cu minung in a thei nain, Pathian in ziangso a tuah, a hram ihsin a netnak tiang ziangso a tumtah ti cu a thei thei lo.
12 Milai hrangih òha bik cu an nun sungih lungawi le nunnuam ih an um thei hi a si.
13 A in a ei ih a hnaòuannak ah lungkimnak a neih hi Pathian ih laksawng a si.
14 Pathian thil tuahmi hmuahhmuah cu a hmun ding, ti ka thei; bet thei ding a um lo, laksal ding khal zianghman a um lo. Milai in a thil tuahmi an hmuh tikah Bawipa an òihzahnak dingah a si.
15 Atu ih a ummi hi a rak um cia mi an si; hmailam ih a um laidingmi khal a um cia mi thotho an si. Pathian in a liam zo mi kha a kirtersal òheu a si.
Leitlun Ih Ding Lonak
16 Leilungtlun ahhin dingnak a umnak ding hmunah òhatlonak a um ringring, ti ka hmu. Miding an umnak ding hmunah miòha lo an um ringring.
17 Ka thinlung tein, “Pathian in miding le miòha lo parah thu a òhen ding; thil hmuahhmuah hrangah le hnaòuan mi hmuahhmuah hrangah tikcu a ret a si,” tiah ka ti.
18 Ka thinlung tein, “Minung hi ramsa tlunah zianghman a hlei ih kan cuannak le kan sannak a um cuang lo ti langter dingah Pathian in, in hniksak a si,” ka ti.
19 Ziangahtile ramsa le milai parih khawlairelnak cu a bangrep a si. Ramsa cu a thi ih milai khal a thi ve. Thihnak ahcun an hmunkhat a si. Milai in ramsa cu a hleih cuangnak zianghman a um lo; a hlo thei mi thaw an nei veve.
20 An pahnih in hmunkhat ah an feh. An pahnih in leivut ihsin lakmi an si ih leivut ah an kirsal ding.
21 Minung ih thlarau cu tlunlam ah a kai ih ramsa ih thlarau cu lei hnuai ah a lut ti zoso fiang tein a sim thei?
22 Curuangah minung hrangah cun a hnaòuan mi parih lungawinak neih hi thil òha bik a si, ti ka hmu. Cucu a òuanvo a si. A hnuah ziang a cang ding ti zoso a sim thei ding?