11
Mifim Ih Tuahmi
1 Na tangka sumtuahnak ah hmang aw,
Ni khatkhat a miat na ngah ding.
2 Na neihmi òhensarih
asilole òhen riat ah òhen aw,
Leilungtlun ah ziang thil òha lo
a thleng ding ti na thei lo.
3 Khawdur in ruah a phurh ahcun
leilung parah a burh ding,
Thingkung cu thlanglam ah siseh,
saklam ah siseh, a tluk tikah,
a tluknak hmun poh ah a tang a si.
4 Thli lawng a zohtu cun
thlaici a tuh dah lo,
Khawdur lawng a thlirtu cun
rawl a la dah lo.
5 Nunau in a pum sungih
a vunmi naute,
Ziangtin nunnak hram a thok ti
na theih theilo vekin;
Ziangtinkim ti theitu Pathian ih
hnaòuannak cu na thei thei lo.
6 Zinglam ah thlaici tuh aw,
zanlam tiang cawl hlah;
Khui mi a kho òha ding ti na thei lo;
An pahnih in an òha ding maw
ti khal na thei lo.
7 Khawvang hi a òha,
Nitleu hmuh khal hi a nuam.
8 Mi pakhat kum reipi a nung asile
a tlaitluan in mi lungawi siseh, .
Asinan a thi dingih
a hrangih khawthim cu,
a sau zet ding tiah ciing aw.
Hmailam hrang beisei ding a um lo.
Mino Hrang Nunsimnak
9 Maw mino, na no lai ahhin
lungawi in um aw.
Na no lai caan hi hmang òha aw.
Na thinlung duhnak le
na mit ih a lo hruainak ah thlun aw.
Asinan hi thil hmuahhmuah ruangah hin
Pathian in na thu a lo òhen ding,
ti kha thei aw.
10 Na thinlung ih thinharnak hlon aw;
Na taksa ih harnak khal hlon aw;
Ziangahtile reipi na no nawn lo ding.