8
Luah Dingmi Ram Òha
1 “Tuih sun ih ka lo pekmi thukham hmuahhmuah hi fel tein nan thlun thluh pei. Cutiih nan thlun asile nan nung ding, nan karhzai dingih nan pupa hnenah Bawipa ih a tiam cia mi ram cu nan luah ding.
2 Nelrawn ramòhing ah kumpi kum sawmli sung Bawipa nan Pathian in a lo hruai ih a thupekmi pawl nan thlun tum maw tum lo tiin nan thinlung sungih thuruahmi pawl theih duh ah nan hnenih harsatnak a thlenter zia pawl kha ruat uh.
3 Rilrawng in a lo ret. Cuih hnuah nanmah le nan pupa pawl in nan ei dah lomi manna sang nan ei dingah a lo pek. Hitiih a tuahnak cu rawl lawngin nunnak a si lo; Pathian hmurka in a suakmi thu in nunnak a si sawn, ti nan theihnak dingah a si.Ref 8:3 Mat 4:4; Luk 4:4;
4 Nan vahvaihnak kum sawmli sungah nan hnipuan a òet lo ih nan ke khal a thling lo.
5 Pa in a faate pawl nun a sim òheu bangtukin Bawipa nan Pathian cun nun a lo sim ih hremnak tla nan tuar òheu kha hngilh hlah uh.
6 Curuangah Bawipa ih thupekmi bangin nung uh; a thukham bangtukin nung uhla amah cu òihzah uh.
7 Bawipa nan Pathian in ramòha, tiva le tikhur pawl an umnak, horkuam le tlangpar ihsin a putmi tiva le cerhti pawl an umnak,
8 sangvut le barli sangvut, sabit, theipi, taleti, olif le khuaitizu pawl an suahnak ram ah a lo thlenpi a si.
9 Cutawk ram ahcun rilrawng in nan um dah lo ding; hlawhsammi tla nan nei dah lo ding. Hi ram ih lungto cun thir a suah dingih tlang pawl ahcun dar an lai ding.
10 Ei ding nan hiarmi hmuahhmuah nan nei dingih a lo petu Bawipa nan Pathian cu nan thangòhat ding.”
Bawipa Nan Hngilh Asile
11 “ Bawipa nan Pathian nan hngilh lonak dingah ralring uh; tuih sun ih ka lo pekmi a daan pawl le a thu pawl hmuahhmuah pakhat hman hrelh lo tein thlun uh.
12 Ei ding nan hiarmi hmuahhmuah nan ngah hnu, nan umnak dingah inn òhaòha nan sak hnu,
13 nan caw le nan tuu pawl, nan sui le nan ngun pawl le nan sumsaw hmuahhmuah an karhzai ih an tam zet tikah,
14 puarthau tahrat in sal ih nan taannak Izipt ram sungin a lo suahtu Bawipa nan Pathian cu hngilh hlah uh.
15 Kha tluk a kaumi le òihnungza nelrawn, tur a neimi rul le varngen-meipir pawl umnak sungin amah in a lo hruai. Kha tluk a carmi le tidai um lonak ramòhing ah lungpi sungin nan hrangah tidai a putter.
16 Nelrawn ah nan pupa pawl ih an ei dah lomi manna sang cu nan ei dingah a lo pek. Nehhnu ih nan òhatnak dingah harsatnak in a lo hniksak hai a si.Ref 8:11-16 Hos 13:5, 6;
17 Curuangah kanmah ih cahnak le thazang in kan lian a si, tiah ziangtik hmanah ruat hlah uh.
18 Nan lennak dingah cahnak huham a lo petu cu Bawipa nan Pathian a si kha thei ringring uh. Hitiih a tuahnak cu nan pupa hnenih thukamnak a tuahmi kha a kimter ruangah a si ih tuih sun khalah cuih thukamnak cu hngetter a duh a si.
19 Khawzing dangdang biak duh ah le ren duh ah Bawipa nan Pathian cu hngilh hlah uh. Nan hngilh asile, tuih sun ah fiang tein ka lo sim: Siatsuah thluh nan si tengteng ding.
20 Bawipa ih thu nan thlun lo a si ahcun hmailam nan nor deuhdeuh tikah hi ram ih miphun pawl a hlohralter thluh vekin nannih khal hlohralter nan si ve ding.