7
Bawipa Ih Miphun Pawl
(Suah 34:11-16)
1 Cun Moses in, “ Bawipa nan Pathian cun nan luah dingmi ram ah a lo fehpi dingih miphun tampi a dawisuak ding. Nannih in nan nor deuhdeuh tikah nannih hnakih a tum deuh le a cak deuhmi miphun pasarih: Hit mi, Girgash mi, Amor mi, Kanaan mi, Periz mi, Hiv mi le Jebus mi pawl cu a dawi ding.Ref 7:1 Tirh 13:19;
2 Bawipa nan Pathian in hi miphun pawl cu nan kut sungih a ret tikih le nan neh tikah an zate in nan that thluh ding. Anmah thawn òantlangnak thukam nan tuah lo pei ih zangfahnak tla nan nei lo pei.
3 Òhitawk tonnak nan tuah lo pei ih nan faate pawl tla òhitawk tonnak nan tuah sak lo pei;
4 ziangahtile nan faale pawl cu Bawipa bia lo dingin an hruai dingih khawzing dangdang an biakter ding a si. Cuti a si ahcun Bawipa cu nan parah a thin a heng dingih hmakhat teah a lo siatsuah òheh hai ding.
5 Hi miphun pawl hnen ahcun hitiin tuah sawn uh: An biakòheng pawl bal òheh uh, an biaknak lungphun pawl khuai òheh uh, an thingphun pawl ceek kuai òheh uhla an milem pawl cu ur òheh uh.Ref 7:5 Daan 12:3;
6 Ziangahtile nannih cu Bawipa nan Pathian ih minung nan si ih a hnenah mi phunthiang nan si. Leitlunmi hmuahhmuah sungin amah ih minung, a minung sunglawi si dingah a lo hril zo a si.Ref 7:6 Suah 19:5; Daan 4:20; 14:2; 26:18; Tit 2:14; 1 Pit 2:9;
7 “Midang hnakih nan tam deuh ruangah Bawipa in a lo duh ih a lo hrilmi nan si lo; thungai ih ti ahcun leilungtlun ah miphun fate bik nan si.
8 Sikhalsehla Bawipa in a lo duhdawt ih nan pupa pawl hnenih thukamnak a tuahmi kha kimter a duh ruangah a si. Curuangah a baan thacak in a lo run ih Izipt siangpahrang kuthnuai ih saltannak in a lo luatter a si.
9 Curuangah Bawipa nan Pathian cu Pathian taktak a si ih, rin tlak Pathian a si, ti kha thei ringring uh. A thukam cu a fekter dingih amah a duhdawttu le a thupekmi a thluntu hmuahhmuah parah cun san thawng tampi tiang a cat lomi duhdawtnak a langter ding.
10 Asinan a dodaltu le a huatu parah cun zamrang tein hremnak le siatsuahnak thlenter dingah a òhukòhun hrimhrim lo ding.Ref 7:9, 10 Suah 20:5, 6; 34:6, 7; Mipum 14:18; Daan 5:9, 10;
11 Curuangah nan zirmi hmuahhmuah thlun uh; tuih sun ih ka lo zirhmi daan hmuahhmuah cu thlun òheh uh.
Thu Ngaitu Thluasuahnak
(Daan 28:1-14)
12 “Hi thupekmi pawl nan ngai ih fel tein nan thlun a si ahcun nan pupa pawl hnenih thu a tiam bangin Bawipa nan Pathian cun a thukam a fekter dingih a hmunmi a duhdawtnak cu nan parah a langter ding.
13 Nan pungzai ih tefa tampi nan neihnak dingah a lo duhdaw hai dingih a lo thluasuah ding. Rawl le sabit le olif siti nan neihnak dingah nan lo par khalah thluasuahnak a pe ding; caw le tuu tampi bawngmal a lo sawm ding. Nan co dingah nan pupa hnenih thu a kammi ram sungih nan um tikah hi thluasuahnak pawl cu a lo pe ding a si.
14 Nanmah bangtukih thluasuahnak famkim a cotu hi leilungtlun ah zohman an um lo ding. Nanmah lakah zokhal fa nei thei lo le facing nan um lo dingih nan òilva lak khalah fa nei thei lo le a cing an um lo ding.
15 Natnak hmuahhmuah sungin Bawipa in a lo hum ding. Izipt ram ih nan ton zomi natsia pawl kha nan parah a thlenter lo ding; asinain nan ral pawl parah a thlenter thluh ding.
16 Bawipa nan Pathian in nan kut sungih a retmi miphun hmuahhmuah cu siatsuah òheh uhla, zangfah hlah uh. An khawzing pawl tla bia hlah uh; nan biak asile nan cemral ding.Ref 7:12-16 Daan 11:13-17;
17 “Hi miphun pawl hi kannih hnakin an tam ngaingai ih ziangtinso kan dawi thei ding, tiah nan lak khalah rel hlah uh.
18 Annih pawl hi òih hlah uh; Bawipa nan Pathian in Izipt siangpahrang le a minung pawl parih a tuahmi thil pawl kha ruat sawn uh.
19 An parih a thlengmi, nan mit rori ih nan hmuhmi òihnungza natsia pawl, mangbangza le khawruahhar pawl, Bawipa nan Pathian in a baan thacak le a huham mak zet in a lo luatternak pawl kha vun ruat uh. Izipt mi pawl a siatsuah thluh vek thotho in hi miphun pawl, nan òih zetmi pawl hi a siatsuah thluh ve ding.
20 Khuaingal hrang a thlah dingih thlaphannak le tuksumnak an hnenah a thlenter pei ih a òhekdarh aw mi le a relh reromi pawl hman a siatsuah thluh hai ding.
21 Curuangah himi pawl cu òih hlah uh; Bawipa nan Pathian nan hnenah a um; Amah cu huham tummi Pathian a si ih amah òih sawn ding a si.
22 Hmaiih nan nor deuhdeuh tikah hih mi pawl cu nuamtete in a dawi ding; asinain hmakhatte ahcun nan that òheh thei lo ding. Hmakhat teih nan that òheh a si ahcun ramsa an karhzai ciamco dingih nan hrangah phan ding a um lala ding.
23 Bawipa in nan ral pawl cu nan kut sungah a ret dingih siatsuah òheh an si hlan lo thlaphang in a umter ding.
24 An siangpahrang pawl tla nan kut sungah a ret ding. Nan that dingih an hmin cu a hloralta ding. A lo kham theitu zohman an um lo ding; an zate in an ci nan hmit thluh ding.
25 An milem pawl ur òheh uh; cuih milem parih sui le ngun pawl tla daw hlah uh; nan hrangah lak hlah uh. Nan lak asile a lo awk pang ding; ziangahtile milem biak cu Bawipa ih huatmi a si.
26 Hi milem pawl cu nan innsung ah thlenter hlah uh; nan thlenter asile siatcammi an si bangin nan parah siatcamnak a thleng ding. Hi milem pawl cu nan huat ding le nan fih dingmi an si; ziangahtile Bawipa ih siatcammi an si.”